Thursday, May 28, 2015

බොඳවී ගිය අපනයන සිහිනය​ !


downloadකරගෙන යන ව්‍යාපාරයෙන් ලැබෙන ආදායම පවුල් නඩත්තුවට සරිලන්නේ නැති බවින් කනස්සලින් පසු වුනු මගේ වාසනාවටමදෝ ඉතාලියේ ඉඳන් පැමිනි බිරිඳගේ ඥාතියෙක් අපනයනයක් ගැන යෝජනාවක් ගෙනාවේ​. ඒ, ලංකාවෙන් රෝමයට එළවළු හා පළ​තුරු අපනයක් පිළිබඳ යෝජනාවයි, රෝමයේ සිට ආනයන කරුවා වන්නේ එම ඥාතියා වන අතර එම අපනයනය ලංකාවේ සිට සිදුකල යුතු පුද්ගලයා මා වනවාට ඔහු යෝජනා කලේය​. ඔහු යෝජනා කල මිලද සිත් ගත් නිසා, අපනයනය ගැන කිසිත් නොදත් මා ලහි ලහියේ සාධ්‍යතාවන් ගැන සොයන්න ගත්තේ, ඥාතියා 'මා හැර වෙන කෙනෙක් සොයා ගනීවිදෝ'​ බවට  ඇති වුනු චකිතය නිසයි.

එළවළු වල මිල ගණන් විමසීමෙන් පසු අපනයන ප්‍රවාහන ගාස්තුද දැනගැනීමෙන් අනතුරුව ඇති වූ තරමක විශ්වාසය නිසා අපනයන සංවර්ධන මන්ඩලයේ ලියාපදිංචිය හා අනු දැනුම් ලබා ගැනීම් පසුව කෙරෙන කාර්‍යයන් වන බව දැන සිටි මා, කල යුතු ප්‍රතම කාර්‍යය​ වනුයේ ව්‍යාපාර නාම ලියාපදිංචියක් බවත් දැන සිටියෙමි. ජාත්‍යන්තරව කෙරෙන ඕනෑම වණික්කර්මයක් සඳහා ප්‍රතම අවශ්‍යතාවය ව්‍යාපාර නාමයකි. ආදායම් බදු දෙපාර්තමෙන්තුවේ පුද්ගල ලියාපදිංචි අංකයක් හා වැට් ලියාපදිංචියක් ලබා ගැනීම​, රේගුවේ අපනයනය කරුවෙකු වශයෙන් ලියාපදිංචි කිරීම අපනයනයට පෙර සිදු කල යුතුව ඇත​. ඒ සියල්ල සිදුවන්නේ ව්‍යාපාර නාමයක් යටතේයි.

එහෙනම්‍, මගේ පලමු කාර්‍යය, ව්‍යාපාර නාමයක් ලියා පදිංචි කිරීමයි..........

කෙසේ නමුත් යුරෝපයේ රටකට ද්‍රව්‍ය අපනයනය එයිනුත් එළවළු, පළතුරු අපනයනය පහසු කාර්‍යයක් නම් නොවන වග මා දැනගත්තේ ඒ ගැන වැඩිදුර සොයාගෙන යාමේ දීයි. එළවළු ගෙඩියේ ස්වාභාවික වර්ණයට හෝ ස්වාභාවයට වෙනස්ව සුළු පැල්ලමක්, තිතක් හෝ ඒ මත වැටී තිබුනොත් ගුවන්තොටුපලේ තත්ව සහතික නිකුත් කරන කෲෂිකර්ම නිලධාරී තැන​ විසින් ප්‍රතික්‍ෂේප කරන​ බව වැඩි දුරටත් මා දැනගත්තෙමි. 'කෙසේ හෝ බාදක බිඳගෙන ඉදිරියට යනවා' ලෙස​, දැඩි අධිෂ්ඪානයක් ඇතිව​ මා ඉදිරි පය තැබුවේ 'උත්සාහවන්තයා ජය ගනීයි' කියන එක නිතර කන් ගැටෙන වචනයක් වූ නිසයි.

අපනයනයක් යනු රටකට විදේශ විනිමය ගෙන දෙන්නක් හා එම ආර්තිකය ශක්තිමක් කරන්නක්ද, මුදලේ අගය වැඩි කරන්නක්ද​ ස්ව්‍යංව නැගී සිටීමට රුකුල් වන්නක්ද වන​ බැවින් බලධාරීන්ගෙන් සහයෝග, දිරිගැන්වීම් නිරන්තරයෙන්ම ලැබේවීයි යන​ බලාපොරොත්තුව මට තිබුනි. දැඩි විශවාසයකින් යුතුව​, බලාපොරොත්තු වන අපනයනය සඳහා ව්‍යාපාර නාමයක් ලියාපදිංචි කර ගැනීම සඳහා සහකාර අධ්‍යක්‍ෂක කාර්‍යාලයට මා ගොඩවුනේ දහසකුත් සිහිනයන් හිතේ මවාගෙනයි​. එම කර්‍යාලයේ අංශය බාර ලිපිකරු ඒ සඳහා අයදුම් පත්‍රිකාවක්ද, ඒ පිරවූ අයදුම් පත සමඟ මා විසින් සැපැයිය යුතුයි බව දන්වන​​ ලියකියවිලි පිළිබඳ විස්තර  සහිත​ පත්‍රිකාවක්ද මා වෙත ලබා දී, ලියාපදිංචිය සඳහා සති දෙකක් පමන කාලයක් ගතවන බවත් මට​ දැනුම් දෙන ලදී.

1. නව ව්‍යාපාරය ලියාපදිංචි කිරීම සඳහා අයදුම්පත්‍රය (රු 5.00 ක මුද්දරයක් ඇලවීම​. හවුල්    ව්‍යාපාර අයදුම් පත්‍රයකට සමාදාන විනිශ්චයකාරවරයෙක් අත්සන් කිරීමේ දීරු 100 ක          මුද්දර ඇලවිය යුතුයි)

2. ඉල්ලීමේ ලිපිය​.

3. ආදාල පලාත් පාලන අයතන ( මහනගර සභා, ප්‍රාදේශීය සභා ) මගින් එම වර්ශයට නිකුත් කරන ලද වෙලඳ බලපත්‍රයේ ඡායා පිටපතක්.

4. ව්‍යාපාර ස්ථානයට අදාල ඔප්පුවේ ග්‍රාම නිලධාරී විසින් සහතික කරන ලද පිතපතපක් සහ පත්-ඉරු මුල් පිටපත ​( බදු / සින්නක්කර )

5. ඉඩම වෙනත් අයිතිකරුවෙකු සතුනම් අයිතිකරු විසින් ග්‍රාම නිලධාරීඉදිරිපිට අත්සන් කරන ලද කැමැත්ත ප්‍රකාශිත (ව්‍යාපාර නාම ලියාපදිංචි කිරීමට කැමැත්ත ප්‍රකාශ කළ) ලිපිය​.

6. ව්‍යාපාරයක් කරගෙන යාමේදී සුදුසුකම් තහවරු කිරීමේ සහතික ඉදිරිපත් කළ යුතුයි.(ආයුර්වේද ​)

7. මහජන සෞඛ්‍ය පරීක්‍ෂක වාර්තාව (ආහාර ද්‍රව්‍යය අලෙවි කිරීම, ආපනශාලා, ෆාමසි )

8. ව්‍යාපාර ස්ථානයේ නාම පුවරුව ප්‍රදර්ශනය කර ඇති ආකාරයට ඡායාරූපයක්.

9. පරිසර නිලධාරී වාර්තාව අවශ්‍ය පරිදි.

10. අයදුම්කරුගේ / අයදුම් කරුවන්ගේ ජාතික හැඳුනුම්පතේ ග්‍රාම නිලධාරී විසින් සහතික කරන ලද ඡායා පිටපත්.

11.  ව්‍යාපාර ස්ථානයට ආදාල ග්‍රාම නිලධාරී වාර්තා.

මේ මා ඉහත සඳහන් කළ​ ඒ විස්තර පත්‍රිකාවේ ඉස්පිල්ලක් පාපිල්ලක් හෝ වෙනස් නොකරන ලද කරුණු 11 ක් අඩංගු සටහනක් වන අතර ඒ කරුණු සපුරාලිය යුත්තේ මා අලුතින්ම ආරම්භ කරන්න බලාපොරොත්තු වන අපනයන සමාගමක නාම ලියාපදිංචිය වෙනුවෙනි.

පොදුවේ අප රටේ සාමාන්‍ය​ ව්‍යාපාරිකයන් ව්‍යාපාර නාම ලියාපදිංචියක් කරන්නේ එය ආරම්භ කර කාලයක් එහි නියලී සිටීමෙන් අනතුරුව වන අතර​, ඒ සඳහා  ඔවුන් ඉදිරිපත් වන්නේ ඒවායේ හොඳ නරක දෙකම අත්වින්දායින් අනතුරුවයි. ඒවා සාමාන්‍ය ව්‍යාපාරයන් වන අතර ඒවාට මෙවන් ලිපි ලේඛන ඉල්ලා සිටීම , ගැන අපට ගැටළුවක් නැති නමුත් 'අයන්න​' අකුරවත් නොලියවී ඇති අපනයන හා සම්භන්ද ව්‍යාපාරයක ලියාපදිංචියක් සඳහා අංක 3, 8 යන වගන්ති වලින් විස්තර කරන දේ ඉල්ලා සිටී නම් අයදුම් කරු (මම​) ඒවා කොහින් ගෙනෙයිද? මා මෙතන උලුප්පා පෙන්වන්න උත්සාහ කරන්නේ 'මේවා සැබෑටම ප්‍රායෝගිකද හා සාධාරනද​' බව සලකා බැලිය යුතුව ඇති බව කියන්නයි.

අංක 3 වගන්තියෙන් ඉල්ලා සිටින 'වෙළඳ බලපත්‍රයේ පිටපත​' එනම් වෙළඳ බලපත්‍රය​ ලබා දීම සඳහා රු 5000 + + අය කෙරෙන අතර එය නිකුත් කිරීමේදී ආදාල පලාත් පාලන ආයතනයේ නිළධාරිවරයෙක් ලව්වා පරීක්‍ෂණ වාර්තාවක්ද ගනු ලබයි. සරිලන තරම් වෙළඳ ද්‍රව්‍ය තොග ගබඩා කර තිබීම, පරීක්‍ෂක වාර්තාව ලබා දීමේ දී  කරුණට ගනීයි. එළවළු හා පළතුරු අපනයන ව්‍යාපාරයක් නිසා පරීක්‍ෂකට දැක බලා ගැනීම පිනිස,​ සරිලන තරම් එලවළු සහ පළතුරු තොගයක් ගබඩා කර තැබීමට අයදුම් කරු (ම)ට  සිදුවෙයි.  මහජන සෞඛ්‍ය පරීක්‍ෂක වාර්තාවද ඉල්ලා සිටින බැවින්, ප්‍රතික්‍ෂේප නොවන්නම බලාගෙන ඉතා නැවුම් එළවළු, පළතුරු ගබඩා කර තැබීමට අයදුම් කරු (මා) කල්පනාකාරී විය යුතුයි.

(දඹුල්ල ආර්තික මධ්‍යස්ථානයේ කරවිල කිලෝ එකක තොග මිල අද රු 170 කි,  අපනයනය සඳහා සකස් කිරීමේ දී මුලු තොගයෙන් අඩකට ආසන්න​ (+ - )තේරී ඉවත් වන බවද​ සඳහන් කල යුතුයි.)

වගන්ති 8 න් ඉල්ලා සිටින​ ව්‍යාපාර ස්තානයේ නාම පුවරුව ප්‍රදර්ශනය කිරීම ගැන කරුණට ගත් විට, ව්‍යාපාර නාමයක් තමාගේම බවට ස්තීර​ වන්නේ, එම නම වෙනත් කවුරුන් විසින් මීට පෙර වෙන් කරවාගෙන හෝ ලියාපදිංචි කරවාගෙන නොමැති තත්වයක දීය​. එය එසේ නම්, අයදුම් කරු (මා ) අපෙක්‍ෂා කරන එම​ වෙළඳ නාමය සහිත නාමපුවරුවක් සඳහා වියදමක් දරන්නේ කිනම් විශ්වාසයක් මතද​? 

සති දෙකකින් කෙරෙන නාම ලියාපදිංචිය, කොහොම හරි පින්සන්ඩු වී සතියකින් මං කරගත්තා කියමුකෝ. එතකොට ඉතිරි, අපනයන සංවර්ධන මන්ඩලය​, ආදායම් බදු දෙපාර්තමෙන්තුව​, රේගුව වල කෙරෙන ලියාපදිංචි එක දිනකින්ම කර ගත්තා කියමුකෝ. ඔක්කෝම එකතුව දින අටයි, හරි නේද​? දැන් මං ගබඩා කරගෙන තියෙන​ ඔය එළවළු ටික මට රෝමයට ගුවන් ගත කරන්න පුළුවන්ද ​? ??? මොන ගුවන් ගත කිරිලිද ! අර කලින් ආපු PHI මහත්තයාම ඇවිල්ලා අයදුම්කරු(මා​)ව උසාවි කැඳවලත් ඇති මෙලහකට​. නොකර ඉඳීයිද, කුනු වෙච්චි එළවළු ගබඩා කරගෙන හිටියහම​ ? ඒක එයාගේ රාජකාරිය නේ, අපිට වැරදි කියන්න පුළුවන්ද?  නමුත් ​මං මුහුන පාන තත්වය​, ලැජ්ජාව​? කීයක් හරි හොයා ගන්න ආපු මට, ඒකට කලින්ම​ සිදුවෙන මුදල් නාස්තිය​, (කාගේ හෝ එකුදු රුපියලක් හෝ අපතේ යවන එක ඔහුට රටට, ආර්තිකයට කෙරෙන මහ අපරාදයක් නෙවෙයිද )

ඕං...ඔහොමයි පටන් ගත්තු තැනම ලොප් වුනු මගේ 'බොඳ වී ගිය අපනයන සිහිනය​' සිදුවුනේ..........

පසු වදන​,

මේ අප රටේ රාජ්‍ය ආයනවල ඇති ප්‍රායෝගික නොවන කරුණු කිහිපයක් පමනයි. මේ වගේ කොතෙකුත් ඇති අපි නොදන්නවාට. මං ඉහත මතු කල කාරණයේ දී, ඒ අයදුම්කරුට බැරිවුනාට, ඔය ක්‍රමයටම සියළු දේ කරමින් නාම ලියාපදිංචිය කරගෙන එළවලු අපනයනය කරන අය ඒ නගරයේම නැතුවා නොවෙයි. ඔවුන් ඒ දේ කරගන්න ඇත්තේ අනිර්වාර්‍යයෙන් මා මතුකල ප්‍රශ්නයට මුහුන දීලා වියදම් (නාස්තිය)දරලාය​. 

තත්ව පරීක්‍ෂනයට උපරිමව භාජනය වෙන, සාර්තක වෙයිදෝ නොවෙයිදෝ යන දෙගිඩියාවෙන් යුතුව පටන් ගන්න තනන මෙවන් ව්‍යාපාරයක් කෙරෙහි, කෙනෙකු දිරි ගන්වනවා වෙනුවට ප්‍රායෝගික නොවන බාදක පනවා ඔහුව අධෛරියමත් කිරීම​ මහා අසාධාරනයක් නොවේද​. 'පූදිනකොට' නොව පැල කරන්නටත් පෙර කාපී' කියන්නේ මේකටයි. 

*මෙතන මා ඉස්මතු කර පෙන්වූ සියල්ල නිවැරදීයි, පවතින රීති වැරදිමයි කියන මතයක ඉඳන් නෙමෙයි මා මෙත්න කතා කරන්නේ, සමහර විට මා වැරදි වෙන්නත් පුළුවං, නමුත් බලධාරීන්, මේ දිහා තමන් ඉන්න තැන නොසිට  අයදුම් කරුවාගේ තැන සිට බැලුවා නම් මේවායේ ඇති ප්‍රායෝගික හෝ නොවන බව තෝරා බේරා ගැනීම​ මෙයට වඩා හැකිවනු ඇති බවයි මගේ විශ්වාසයයි.

ස්තූතියි

9 comments:

  1. හිත හොද ගැනි හැමදාම බඩින් වගේ නීතියට වැඩ කරන්න ගියාම හැමදාම හිස් අතින් ! 

    ReplyDelete
    Replies
    1. රාජ්‍ය ආයතන වල මෙවැනි ප්‍රායෝගික නොවන රීති (බාදක​) දමලා තියෙන්නේ, සේවය සඳහා පැමිනෙන්නන් මෙම හේතුවෙන් පත්වෙන අපහසුතාවයේ ප්‍රයෝජනය තමන් ලබා ගැනීමටයි, අල්ලසට මාර්ගය කැපීමයි.

      Delete
  2. මමත් ගිය අවුරුද්දේ කොම්පැණි එකක් රෙජිස්ටර් කරන්න හිතේ තියාගෙන ඔය පැත්තේ කරක් ගැහුවා.
    අදාළ ෆෝම් එහෙමත් අරගෙන බැලුවම ඒ වැඩේ කරන්න කලින් කරන්න වැඩ කෝටියක් තියෙනවා...
    පත්තරේ දැන්වීම් දාන්න ඕනෙලු, ඒ ගැන මොකක්ද එකක් ලියන්න ඕනෙලු,

    මෙන්න ඒ ක්‍රමවේදේ...

    http://www.drc.gov.lk/App/comreg.nsf?Open

    ඊට පස්සේ වැඩේ පහසුවෙන් කෙරෙන විදිහක් එතන හිටපු එක තුමියක් පැහැදිලි කලා.
    ඒවා කරලා දෙන ලේකම්ලා කියල වෙනම ජාතියක් ඉන්නවලු. ඒ අය අපි වෙනුවෙන් ඒ සියල්ල කරල දෙනවලු සල්ලි වලට
    එහෙම කරන්න ඕනේ නැහැ "ඒ වැඩ ටික මම තනියම කර ගන්නවා" කියල හිතුවට ඒ එකක්වත් කරන්න උනේ නැහැ
    අන්තිමට වැඩේ කෙරුනෙත් නැහැ

    ගාණක් දීල හරි අරුන්ගෙන් එකෙකුට කියල ඒ වගේ වැඩක් කරගන්න එක පාඩු නැහැ කියලත් හිතෙනවා කන්න වෙන කටු ටික ගැන බැලුවහම...

    ReplyDelete
    Replies
    1. 'වැඩේ කෙරුනේ නෑ' ඕක තමයි වැඩි දෙනෙකුට සිද්ද වෙන්නේ, කිව්ව වගේම ඔය ෆෝම් සෙට් එක අරන් බැලුවහම, කරන්න ගිය​ වැඩේ එපා වෙනවා....

      Delete
  3. අපේ එවුන් ජාත්‍යන්තරේට සීමා මායිම් නැතුව යවපුවාම වෙනදේ අද ඊ බේ වලට වෙලා තියෙන දෙයින් පේනවා.උන් මුලින් රැවටෙනවා.පස්සෙ බ්ලැක් ලිස්ට් කරනවා.ඒක වලක් වන්න කියලා මෙහෙම යල් පැනගිය ගොං නීති දාන එක වැරදියි.ඔලුව උස්සන්න හදන එකාට අත දෙන්න ඕනෙ.අවුල කියන්නෙ බෝල පාස් රාජ්‍ය සේවයෙන් ඔයිට වඩා දෙයක් බලාපොරොත්තු වෙන්න බෑ...

    ReplyDelete
  4. අපේ එවුන් ජාත්‍යන්තරේට සීමා මායිම් නැතුව යවපුවාම වෙනදේ අද ඊ බේ වලට වෙලා තියෙන දෙයින් පේනවා.උන් මුලින් රැවටෙනවා.පස්සෙ බ්ලැක් ලිස්ට් කරනවා.ඒක වලක් වන්න කියලා මෙහෙම යල් පැනගිය ගොං නීති දාන එක වැරදියි.ඔලුව උස්සන්න හදන එකාට අත දෙන්න ඕනෙ.අවුල කියන්නෙ බෝල පාස් රාජ්‍ය සේවයෙන් ඔයිට වඩා දෙයක් බලාපොරොත්තු වෙන්න බෑ...

    ReplyDelete
  5. ''බෝල පාස් රාජ්‍ය සේවයෙන් ඔයිට වඩා දෙයක් බලාපොරොත්තු වෙන්න බෑ'' ඕක නම් ඇත්ත​, ඕක හොඳටෝම පේනවා රාජ්‍ය ආයතනවල වැඩකට ගියහම, ඒවා කරගන්න තියෙන අමාරුව​, වැඩ කරන්නේ ඕනවට එපාවට නිකං පඩි ගන්නේ නැතිවා වගේ​. තමන් ගන්න පඩියට සාධාරණ​යක් කරන්න ඕන කියන එකවත් හිතන්නේ නෑ...

    ReplyDelete
  6. මේක තමයි මචෝ ඕනම රටක ප්‍රසීඩියර් එක. මහා ළ්කුවට ඕන නෑ. පොඩියට ඔය කියන ඒවා තිබුනාම ඇති. කොහොමත් උඹ එළවළු පටවනවානම් තැනක් ඕන නේ. ඉතින් ඒ තැන පොඩි බෝඩ් කෑල්ලක් එල්ලහන් සුද්ද ඉන්ගිරිසියෙන්. එතකොට නොම්මර අට හරි. ඊට පස්සේ ඒක පළාත් පාලන ආයතනයේ රෙජිස්ටර් කරහන් පොඩි වැඩක්. එත්කොට 3 ත් හරි.. පස්සට ගිහින් කවදාවත් ජය ගන්න බෑ. ඕක මාර ප්‍රොෆිට් තියෙන බිස්නස් එකක්. ඒ නිසා හොකොම හරි පටන් ගනින්. දියුණු උන දවසක ඔය දාන මාන කටයුතු කොරන කොට හෙම අපිවත් මතක් කරලා පින් දියන්.

    අටමගෙන් උපදෙස් ගනින්. බොග දාන්න උදව් කලා වගේම මේවටත් ඌ උපදෙස් දෙයි. පොර දැන් සාර්ථක ව්‍යාපාරිකයෙක්..

    ReplyDelete
    Replies
    1. මගේ පසු බැස්ම දැකලා, ඥාතියා වෙන කොම්පැනියක් අල්ල ගත්ත මචෝ, ඒක අවුරුදු 25ක් විතර පළපුරුදු එකක්. මිළ ගනන් වල හුටපටයක් නිසා ඒකත් දැන් නැවතිලා කියලා ආරංචියි. යුරෝපයට එළවළු පටවන එක ලේසි නෑ, එළවලු ගෙඩියේ පෙනෙන නොපෙනෙන පැල්ලමක් දැක්කත් උන් ඒව​ රිජෙක්ට් කරනවා. ඒ නිසාම ගොඩාක් අය යුරාපයට එළවලු පටවන්න කතා කලාම පස්ස ගහනවා, එක්කෝ ලොකූ මිලක් ඉල්ලන.

      අනිර්වාර්‍යයෙන්, හොඳ සිත් ඇත්තන් කවදත් මගේ දේව කන්නලව්වට ඇතුලත්.........

      අටමා හොඳ එකා, ඉල්ලුවොත් අනිර්වාරයෙන් උදව් කරයි. අටම කරන ව්‍යාපාරය තව තවත් සාර්ථක වෙන්න මගේ හෘදයාන්ග පැතුම​.

      Delete