Wednesday, June 10, 2020

සීත උක්‍රේනයේ සුමුදු සැඳෑවක්

"විසි හත් වසරක් හද​ ගැඹුරෙහි මිහිදව, ආගන්තුක පරිසරයක, ජාත්‍යන්තරව​ සිදුවූ ප්රේම පුරානයක ආදර සිහිවටන, අකුරකින් හෝ වෙනස් නොකර ඔබ වෙත මෙලෙස​ විවෘර්ත කරන්නේ, ඒ මා පසු කල ඒ සුන්දර පරිසරය තුලට ඔබ වත් කැන්දං යන්නයි''

එදා, 1994 ක්රිස්තු වර්ශයේ මාර්තු අට වෙනි දිනයි, අප එදා සිටී පරිසරයට අනූව, එදින​ ''වස්මෝවා මාර්තා'' (මාර්තුවේ අට)යි. එය බවලත්තන්ගේ දිනයයි, ස්ත්රීන් වර්ණනාවන්ගෙන් නැහැවෙන​, ​ ආවතේව, ඝරු බුහුමන් උපරිමයෙන් ලබන​ ඔවුන්ගේම දිනයයි. එදින​, පුරුෂ පක්ෂය විසින් ඥාතීත්ව, මිත්රත්වයට​ අනුකූලව, කේජු-කැවිලි, මාල-වලළු, මුදු-කරාඹු, ඩෙනිම්-බොටොම්, රෙද්ද-හැට්ට​, සාය-සෙරෙප්පු, සෙන්ට්- පවුඩර්, පුෂ්ප​-කලඹ වැනි තෑගි බෝගද​, හාදු-මෝදු, වැඳුම්-පිදුම්ද, අරව-මේව, සුභම්-පැතුම්ද වැනි ආදර-සංග්රහද​, ලබා දී තම ස්ත්රී පාක්ෂිකයන්ව සතුටු කරන දිනයයි. ​අනෙක් තැන් කෙසේ වෙතත්, බටහිර යුරෝපය​, එසේමත් නැති නම්, මා එදා සිටී උක්රේනයට නම් එය එවන්ම​ දිනයක් විය​.


මා ඉඳ​ සිටී තැන:


ලෝහ​​ තිරයට ආවරණයව සිට​ (පොලිස් කාරයාගේ උප්පරවැට්ටියකින්ද කොහිද)​  සී සී කඩ වූ රුසියාවෙන් මිදී, ප්රතිපත්තිමය පෙරළියක්ද සමඟ 1991 පටන් ​මම​ත් දැන් ධනවාදියෙක් කියමින් ස්ව්යිරී ගමනක් අරඹා ​වයස 3 කට වඩා නොමේරූ බොලඳ​ අඩි තබන, ආගමක් හමක්, මරණයක්, මතු ජීවිතයක් නැත්නම් මිහිමත සුරපුරයක් වූ ''උක්රේනයේ',

දිස්ත්රික්ක සතරකින් සමන්විත දනියස්ක් මහදිසාවේ පරිපාලක​ දනියස්ක් දිස්ත්රික්කයේ ඇති 'ස්තූදියන්ත්චෙස්කි ගරදොෆ්' (ශිෂ්‍ය නගරය)​ ලෙස​ හැඳින්වුනු​ බැලූ බැලූ හැම අතේම දිග ලෝම කබා​, කොට හම් කබා, කන් වසන විශාල ලෝම තොප්පි, බෙල්ල වටා මෆ්ලර්, කලවාවල තදට​ ඇඳී ස්කිනි, දනහිස තෙක් වසන හැඩ දැමූ සපත්තු පැලඳී, ක්රීම් පුයර තොල් සායම් සුවඳ තවරාගෙන​, පසුවෙන්නට යන දේශනාව අල්ලගන්ට කඩිසර ගමනින් යන සුඛුමැලි ශිෂ්‍යාවියන්ගෙන්ද, දිග ඝන කබා කන වසන ඝන තොප්පි, මෆ්ලර්, දනහිස දක්වා පැලඳ ඝන සපත්තු 
පළඳාගෙන​, ''ඉදී..පභීස්ත්රේ...මීඃ..ඌzෂේ අප​zස්ධීලීඃ...භිල්යාත්'' ලෙස ඉක්මන් කරවන​ මිතුරාගේ ගොරෝසු හඬ නෑසුනාක් මෙන් අතේ තිබුනු 'සිහරේට්'ටයෙන් තවත් උගුරක් අදිමින්, සැහැල්ලු ගමන් යන කඩවසම් ශිෂ්‍යයන්ගෙන්ද, රුසියානු ගෘහ නිර්මාණ ශිල්පය ගැන ලොවට කියන අලංකාර ගොඩනැගිළිවලින් පිරිපුන් ​ සුන්දර 'දනියස්ක්' නුවර,


ප්රධාන නගරයේ සිට​ ත්රිලේ බසයකින්, අෆ්තෝ බසයකින් හෝ ටැක්සියකින් ලඟා විය හැකි ප්රධාන නගරයෙන් තරමක් එපිට ඇති ගමකටත් නගරයටත් නැති තට්ටු නිවාසවලින් සමන්විත 'දපාෂ්' නම් එක්තරා තැනක,

[ නගරයේ තිබුනු අලංකාර බව​, තදබදය​, ගොඩනැගිලි, වාහනවල ශබ්ද​, විශ්ව විද්යාල සිසු සිසුවියන්ගේ උසුලු විසුලු සිනා හඬ, කිසිවක් නැති නිස්කලංක පරිසයක, පොරෝගෙන හිම වස්සන තවමත් සීත ඍතුව පසුකරන එම පෙදෙස​, මහ මෝසමේ සවස් කාලයේ දිස්වෙන අහස් අඳුරක් දවාලේත් පතුරුවාගෙන, වියලන ලද පොල් කුඩු පුළුං හා මිෂ්රව​ අතුරා, සුදෝ සුදින් පලාතම ආවරණය කර ඇති දසුනක් හිම වසා ඇති​ දපාෂය දවසේම​ දිස් කලේය. සුළු සඳ එළියක දී පවා විදුලි ආලෝකයක් නොමැතිව රාත්රියේ පියමන් කල හැකි පරිසරයක් නිර්මාණය වී තිබුනේ, සුදු හිම මත පතිත වන  සඳ එළිය උපරිමයෙන් පරාවර්තනය වන්න වූ නිසාය.​ දේශගුන විපර්යාසයන් නිසා නඩත්තු නොවී අඳුරු දුඹුරු වී තිබුනු මහල් නිවාස​, මුළුමනින්ම කොල හැලී මොටු නොදමා කෙස් නැති තට්ටයන් මෙන් දිස්වුනු ගස් වැල්,

හිමවලින් වැසී තැනින් තැන මතුවට පෙනුනු විදුලි හෝ දුර​කතන නඩත්තු කුටි, කපා හෙලන ලද ගස්වල අඩි අනාතව පෙනුනි.

නොගිහින් බැරි නිසාම අපහසුවෙන් එළිබැස බෑගයක් උස්සං ඇවිදගෙන යන කබා තොප්පි කාර දේදුෂ්කෙක් (මහල්ලෙක්), නැති නම් ලනුව අතේ අල්ලං බල්ලගේ වේගෙට ඔරොත්තු දෙන්න බැරිව ඌ පසු පස​ ඇදී යන ​කබා තොප්පි කාර බාබුෂ්කියක් (මැහැල්ලියක්), ඉඳල හිටල බෲම් හඬ නගමින් මද වේගයකින් දිව යන ලාඩා, වොල්ගා, මොස්ක්විච් (මෂ්ෂීනා(කාර්)) එකක් ඇරෙන්න මුළු වටා පිටාවම නිස්කලංකව තිබුනි.......මේ සවස් කාලයේ පෙනෙන දපාෂයයි, රාත්රියට හොල්මනක් දෙකක්වත් යනවා ඇති සමහරවිට නමුත් මධ්යම​ රාත්රියේ නම් හොල්මන් යන්නෙත් නැතිවෙයි, මොකද එහි පැවැතුනු සීතලයට ​පොරෝගෙන නිදාගන්න එක ඒ තරම් සනීපයි.

​බැනියමක්, ටී ෂර්ට් එකක්, ස්වේටරයක්, බෙලි ආවරණයක්, බොටෝමයක්​, හිම කබායක්, කන් තෙක් වසන​ඝන හිස වැස්මක්, ඝන සපත්තු කුට්ටමක් හා අත් ආවරණ​ නැතිව ඒළි මහනේ අඩියක් වත් තියන්න බැරි තද​ සීත බලෙන්ම​ ශරීරයට රිංගා කටු අනින කාලයක්. මේ ඇඳුම් ඇඳගෙන එළි බහින්න අවමව පැය බාගයක්වත් ඕනෑ වේවි. අපි මාලු, මස් ගත්තනම්, ඒව තියන්නේ අපේ බැල්කනියේයි, එළවලු පළතුරු තිබ්බත් මොකුත් වෙන්නේ නැති පරිසරයක්. මේවා සිතෙනකොටයි තේරෙන්නේ අපි කොයි තරම් වාසනාවන්තයෝද කියා]


​මහල් නවයකින් සමන්විත පිට අවකාශයට සම්භන්ද වන සෑම දොරක් ජනේලයක්ම සීතලයට ඔරොත්තු දීම පිනිස​, පලු හා වීදුරු දෙක ගානේ යොදවා තනවා ඇති බ්ලොක් ගල් කොන්ක්රීට් වලින් නිමවා ඇති රජයේ විශ්ව විද්යාලයට අනුබද්ධ​​​ එවන් කලු දුඹුරු​ සයවෙනි නේවාසිකාගාරයේ,



[පිට දොරෙන් ඇතුල් වී දෙවෙනි දොරෙන් මතුවන​​ නේවාසිකාගාරයේ ඝර්භය හාත්පසින්ම වෙනස් පරිසරයකුයි මතුකලේ. පිට පරිසරයේ විඳී සීතල එහි නොතිබුනි​. ගොඩනැගිල්ල පුරාවටම මධ්‍යම සැපයුම් පද්දතියක් හරහා සපයා තිබුනු තාපකය නිසා​ ශරීරයට සනීපයක් ගෙන​ දුන්නේය​. ෆ්ලෝරසන්ට් එළියෙන් නැහැවී තිබූ බිම් මහලේ සෝෆා සැටිවල ඉඳං කුමන හෝ කර්තව්යයක් සඳහා රැඳී සිටින තරුණ තරුණියන්ගේ කෙළිලොල් කතා හඬ පරිසරය පුරා පැතිර තිබුනේය​. විරාමයක් නැතිව ඉහළ පහළ යන එන විදුලි සෝපානයේ දොර ඇරෙන වැසෙන සියුම් හඬයි, එයින් යන එන පිරිසගේ ඉක්මන් අඩි ශබ්දයනුයි පරිසරයට කාර්යබහුල බවක් නිර්මාණය කලේය​.

ප්රධාන සාලය හරහා නිතර පහේ නාන කාමර වෙත එන යන​ තරුණ තරුණියන්ගේ පියමං හඬ පරිසරයට තවත් තවත් කාර්ය බහුල බව එක් කර තිබුනි. කොට කලිසමක් හෝ බොටොමක්ද, ටී ෂර්ට් එකක්ද පැළඳ නාන කාමරය වෙත ඇදෙන තරුණයන් වෙත ඇදෙන අවදානය කෙසේ වෙතත්, සුළු තන පටයක් පළන්දාගෙන යටි වස්ත්‍රයන්හි චායා දිස් කරමින් ඉන පටි බැඳී නාන ඇඳුම් කට්ටල (තුවා)පළඳාගෙන නාන කාමර වෙත ඇදෙන​ සුඛොමල තරුණියන් දැකීම ගත සිත වශීකරයි.

සේවා කාලයේ දී ලැබූ සුළු විරාමයක් තුල ඕපාදූප කියමින් ''ප්චූස්' ගා කන තෙක් ඉස්සූ අතක් සැරෙන් ව​නා​ සිනාසෙන 'බාබුෂ්කි'ලාගේ කොක් හඬ, ඉඳ හිට කාට හෝ කඩාපනින කමින්දාන් (නිවාස පාලක​)ගේ ගෝරනාඩුව වින්දනයක් ඇති  කලේය​. ඉහළ මහලවල මග්නිතෆෝන් (හයි ෆයි සෙට්) තුල යටි උගුරෙන් කෑ ගසන 'විට්නී හියුස්ටන්' අහසේ පාවෙන 'පෙට් ශොප් බොයිස්' පඩි පෙල දිගේ දුවන 'හැඩවේ' මදිවට 'මෝරේ සීල්නී මරීයියා' කියමින් නටන 'යූරාද' ඒ තිබූ කලබල​ අතරින් අපේ කන්වලට ආයසයකින් කෙඳිරුවෝය...ඒ නේවාසිකාගාරයේ බිම් මහලයි ​]

සෝපානයකින්ද පඩි පෙලකින්ද ඇතුළුවිය හැකි අලංකාරයක් හෝ හරි හැටි විදුලි බුබුළුවක් හෝ නොමැති පාලුවට 
ඇති ප්රධාන සාලයට අනුබද්ද වන​ සාලයන් සතරකින්, මුළුතැන්ගෙයි දෙකකින්, පංති කාමරයකින් සමන්විත, සයවෙනි මහලේ,

පදිංචිකයන් සියළු දෙනාගේ සහභාගිත්වයෙන් මේස පුටු සොෆා ආදිය යොදා, වෝල් පේපර් අලවා කාපට් අතුරා, ෆ්ලෝරසෙන්ට් ආලෝකයෙන් නහවා ඇති සාලයේ, ශීතකරණ, මයික්රෝවේව්, සපත්තු ඇඟලුම් රාක්ක, පිළිවෙලකට ​තබා, දොර ජනේල් බැල්කනියකින් සමන්විත​, අලංකාරව තබාගෙන ඇති, අංක 1 සිට 4 දක්වා කාමර නිර්මාණය​ වී ඇති සාලයේ,


වෝල් පේපර් අලවා කාපට් අතුරා, රූපවාහිනියක්, අල්මාරියක්, කැබිනෙට්ටුවක්, කැසට් රෙකෝඩරයක්, ගමන් මලු කිහිපයක් තබා ඉඩ අහුරා, යාබද​ සාලයටත් නිගා කරමින්​ විකාරව තිබූ අංක 4 කාමරයේ,


පෙති කල​ යාබ්ලකා(ඇපල්)ගෙඩි කිහිපයක්, නපීතක්(පළතුරු බීම​​) ස්තකාන්ස්කි(වීදුරු)  20 LM (සිහරේට්- සිගරට් වර්ගයක්)පැකට් එකක්, අලි සයිස් 'ස්පීච්කි(ගිනිපෙට්ටි)යක්, අතුරා තිබූ වීදුරු ටීපෝවක් ඉදිරියේ ඇති සොෆාවක් හෝ ඇඳක් ලෙස අකුලා දිග ඇරිය හැකි සෝෆා සැටියයි​. 


සඳ කුමාරියක් දීගෙක යනවා.......රබන් සුරල් හඬ රැව් දෙනවා.........තුරු ලතා මඩුල්ලේ.............



............................කියමින් ''ප්රින්ස් ''පසුබිම සංගීතවත් කරගෙන සිටියේය​.....................

කෝම්නතා(කාමර) අංක 1 හිටියේ ශිශ්යයෙක් බවට​ ව්යාජ​ ලියාපදිංචියක් අරගෙන සුලු වෙළඳාමේ නිරතවෙමින් සිටි​, පළමු විවාහයෙන් දික්කසාද වී නේවාසිකාගාරයේ තනි පංගලමේ කල් ගෙවන උක්රේන ජාතික 'ඊගර්'ය​. ඉක්මනින් කලබල වෙන, නිතරම සැකෙන් බලන,​ ඉඳ හිට සියුම් ඊර්ෂියාද පාන​, බොළඳ බවක් පේන​, වයස 28ක් පමන වූ මොහු පිරිසිදු බාවය​ ගැන බොහෝම ​සැළකිලිමත් වෙයි. ඔහුගේ අසාර්ථක පළමු විවාහයට හේතුවත් ඔහුගේ ඔය ගති ලක්ෂනමද කියලත් සිතෙයි. ප්රීවියත්! (හායි) පකා! ( බායි,චෙරියෝ) දෝබ්රී ඌත්රා! (සුභ උදෑසනක්) ස්පකොනොයි නොත්ච්! (සුභ රාත්රියක්) මට්ටමින් තබා ගෙන දුරස්ව සිටියොත්, හොඳින් හිටිය හැකි මුත්, ලංවී ගනු දෙනු කරන මට්ටම ගියොත් තරහ කරගන්න සිදුවෙන, අමුතු චරිතයක්. . සතියට වරක් හෝ නේවාසිකයට​ දේවුෂ්කෙක් (කෙල්ලෙක්)ව​ මොහු කැන්දං එයි. සුළු රාත්රී භෝජන සංග්රහයක් කර​ එම​ රාත්රියේ ඇයව තබා ගන්නා මොහු පසු දා උදයෙන්ම ඇයව පිටත් කර යවන්නෙ අප නින්දෙන් අවදි වෙන්නටත් පෙරාතුවයි..ඒ ඔහුගේ හැටියයි, මෙය මොහුගේ සාමාන්ය සතියේ චර්යාවයන්ගෙන් එකක්. එකම ස්ත්රීය මොහු නැවතත් එක්කං එනවා මා කිසිදා දැක නැහ​.

''උක්රේන ජාතිකයන් විවිදත්වය ප්රිය කල බවට මෙය එක්තරා සාදකයක්​, විවාහ බන්ධනය​ තුල සිටිය දීත් විවිදත්වය සොයා දෙන්නා දෙපැත්තේ යෑම එදා මා සිටි උක්රේනයේ සාමාන්යය දෙයක්''


කාමර අංක 2 සිටියේ යෙමන් ජාතික zසමීර්, මොහු ගැන කියන්න මට වැඩි දෙයක් නැත්තේ, ඔහු සමඟ මා වචන හුවමාරු කර ගත්තේ බොහෝම සීමිත නිසයි. මොහු අනුයුක්ත වී සිටියේ වෛද්ය පීඨයටයි. සිකුරාද සවස තම පදෲගා (මිතුරිය​​) 'කාත්යා' සම​ඟ මෙහි පැමිනෙන​​ zසමීර්, සඳුදින උදයේම නික්ම යයි.  වෛද්ය පීඨයට අයත් නේවාසිකයක කාමරයක් හිමි මොහු, ඉහත කී අංක 2 කාමරය අරගෙන තිබෙන්නේ කාත්යා සමඟ නිදහසේ නැවැතුම් ගැනීමට​යි. වෛද්ය පීඨයේ හා ඔහුගේ නේවාසිකයේ මොහු බෝධිසත්වයෙක් වෙන්නත් ඇති​, අපි නොදන්නවට​. උක්රේන සාමාන්යයට අනූව මොහුට සිටියේ පස්තයාන්ස්කයා පදෲගා(ස්තීර මිතුරිය​​)කි. 'ස්තීර' කිව්වට විවාහයෙන් අවසන් වෙනවාම කියන එක නෙමෙයි, තරමක වැඩි කාලයක් එකට සිටීමයි.

කාමර අංක 3 සිටියෙත් යෙමන් ජාතිකයෙක්, ඔහුගේ නම 'සියාඩ්'. සියාඩ් අනුන්ට උදව් කරන හොඳ හිතක් තිබුනු පිස්සු පොරක්. ඔහුගේ කාමරයේ මෙන්ම පොදු සාලයේ තිබුනු බොහෝ දේවල් ඔහුගේ ඒවාම විය​, කිසිම ගානක් නැතිව අපි ඒවා බාවිතා කරන්නේ අපේ ඒවා මෙනි. ගමනක් යනවිට අපි අපේ කාමර වසා යනමුත් ඔහු නොවසයි. බැහැරව​ යනවිටත් ඔහු අපට කියල යන්නේ 'අවශ්ය යමක් තිබුනෝතින් අරගන්න' කියලයි. ජීවිතය සැහැල්ලුවට ගෙන ජීවත් වෙන නිහතමානී සියාඩ්, වලියට බර එකෙකි.


බීගත්තු වෙලාවක අහල පහල උක්රේනුවන් සමඟ වලියට යයි, මැදට පැන දෙපැත්ත සමදාන කරන්නේ බොහෝ විට මමයි. විහිළුව කියන්නේ, බීගත්තු නිසානේ මූ රන්ඩු උනේ, ඉතිං පසුවදා ආයෙත් බීපංකෝ රන්ඩු කර ගත්තු එවුනුත් එක්ක, කොම්ප්රොමෛස් ෂොට් එක​​​. ඕක ෂොටයකින් නවතින්නෑ, හවස් වෙනකං යනවා පාටිය. සමහරවිට, පසුවදා උදයේම පහඃමලීත්සා (හිසේ ඇම්ම නැති කරන්න​, උදේම බොන බෙහෙත් ෂොට් එක​)ෂොටය​ බොන්නත් අපට සිදුවෙනවා. බොන්නට රුස්කීන් එක එක නම් හදාගෙනයි තිබුනේ. රුස්කීන්ට නම් වොඩ්කා බොන්න හඃලේබ් (පාන්) පෙත්තකුයි, අගෲස්කි(පිපිංඤා(විනාකිරිවල පදම් කල​)) තිබුනොත් ඇති.


ඉතිං මං මෙතන කියන්න ආවේ, zසියාඩයා රුස්කීන්ට අන්තයි කියන්නයි. ඊගර් වගේ නෙවෙයි මූ, ගූ බර හැදුනාමයි පිට්ටනි හොයන්නේ. මූ බීගත්තාම රෑ දෙගොඩ ජාමේ අපිවත් එක්කං යනවා නේවාසිකය වටේ අඳුරේම. පුදුමයි කියන්නේ, මූ හරියටම​ දන්නවනේ නේවාසිකයේ තිබුනු බවලත් උදවියන්ගේ කාමර​. අහවල් කාමරේ ඉන්න අහවල් එකීගේ නම කියල කතා කරනවනේ හරියටම​. කොහොම නමුත් අවසානයේ මූත් පස්තයානාවක්(ස්තීර)එකක් සමඟ සෙට්ල් වුනා. ඒකෙන් මූගේ කරච්චලෙන් අපිත් නිදහස් උනා..


ඕං ඉතිං කාමර අංක 4, මෙතෙක් කතාවේ හැටියට ඔය කාමරයේ ඉන්න ඕනේ මම නේ හරි නං, ඕං එහෙනං ඔය කාමරේ ඉන්න එක්කෙනා. කාමර අංක 4 හිටියේ අපේ ලංකාවේ සම්මන්තුරේ පැත්තෙන් ඇවිත් හිටිය 'රියාල්' මට වඩා අවුරුදු අටකින් විතර වැඩි රියාල් අහිංසකයෙක්. රියාල් 'අකදේමියා'(ඇකඩමි)වේ මට අවුරුද්දක් ඉදිරියෙන් සිටියේ. කොට මහත​, කකුලේ තිබුනු ගල්තැලුම් නිසා අමාරුවෙන් ඇවිදින රියාල්​, පෙනුමක් ඇති පුද්ගලයෙක් නොවූවේය​. එම කාමරයේ තිබූ සියළු බඩු බාහිරාදිය​ ඔහුගේම ඒවා විය​.


ඔය කෝම්නතය​( කාමරය​) රියාල්ගේ නම්, මම ඔතෙන්ට ආවේ කොහොමද​​? එය විස්තර කරන කොට තව විශේෂ පුද්ගලයෙක් ගැනත් කියන්න වෙනවා. නමින් ඔහු 'ෆේජි'(ඒ තමාට තමාම තියාගත්තු නමක්) වයස අවුරුදු 21 යි. පැමිනියේ අක්කරෙයිපත්තුවේ සිට​. ෆේජීයි මමයි උක්රේනයට ආවේ එකටයි​. මෙහේ දී  ෆේජිගේ පියා පුත්තන්ඩියාව බලා ගන්නා ලෙස මට බාර දෙනකොට ෆේජි හිටියේ නිකං හාවෙක් වගේ. ආවායින් පස්සේ නේ වැඩේ තේරුනේ, ඕකා නාහෙට අහන්නේ නැති එකෙක්. 1993 දෙසෙම්බරයේ අකදේමියාවට ලියාපදිංචි වුනු අපි දෙන්නටම​ ලැබූනේ 3 වන එතාෂ්zෂ්(මහල​)යේ එකම​ කාමරයක්. එකේ රටෙන් ගෙනා ඉවුම් පිහුම් වලට උවමනා දේවල් ලැහැස්ති කරගෙන අපි නැවතුනා. මේ ෆේජී එක තැන හිටියේ නෑ, ආපූ දවසේ ඉඳලම මූ එහේ මෙහේ යනවා, බීගෙන ඇවිත් මග්නිතෆෝනය දාගෙන නටනවා. භාෂාව වත් නොදැන රුස්කී කෙල්ලෝ ගේනවා කාමරේට.​ සිංදු අහන්න ජීවිතය විඳින්න මාත් කැමැතියි, ඒත් මූ වගේ...බෑ. ඔතන ඉන්න එක මට වදයක් විය​.


පියා බාර කලාට, මට බැරිවුනා ඕකව මෙල්ල කරන්න.​ කියන දෙයක් අහන එකෙක් නෙමෙයි මූ. ​ ඕකා Zසියාඩ්ට අන්තයි, ඇවිල්ල සතියක් යන්ට මත්තෙන් හැම දේම පටං අරං. වසවර්තියත් එක්ක සතියකට වඩා මට ඉන්න බැරිවුනා. මම කාමරය ඔහුටම දීලා ගියා රියාල්ගේ කාමරේට​. දෙකාන්(පරිපාලක​)ට කියල කාමරයක් ඉල්ල ගන්නකං එහේ නවතින්නම් කියලයි මම හිටියේ. රියාල්ගේ අකැමැත්තක් තිබුනෙත් නෑ. මම රියාල්ගේ බඩු මුට්ටු පාවිච්චි කලා වගේම​ කෑම​ වියදමේ ලොකු හරිය මමම කලා. ඔහුට එය සහනයක් වූ බවත්, එයින් ඔහු සතුටු වූ බවත් මට තේරුම් ගියා. එහෙයින්, මටම කියා කාමරයක් ඉල්ලා ගැනීමේ උවමනාවත් නැතිව ගිහින් වරදකාරී හැඟීමෙන් තොර දිගටම එහේ නවතින්නත් ​මට පුළුවන් වුනා. අනික අපි දෙන්නට අනෙක් උවමනාවනුත් නොතිබුනු නිසා තනි කාමර ඕන උනෙත් නෑ.


මම ​?


මම උක්රේනයට​  ව්යාපාර කලමනාකරණය ගැන පාඨමාලාවක් කරන්න ආවාය කිව්වොත් ඔහේල මට හිනා වෙයිද මන්දා. එහෙමයි අපි ඒ දවස්වල​කියා ගත්තේ, මා මෙහි පැමින සිටියේ එලඹෙන ගිම්හානයේ විසාවක් අරගෙන එන්ගලන්තයට පැන ගන්නයි. ඒ දිනවල ​බොහෝ දෙනෙක් උක්රේනයට පැමිනියේ ඔය කාරණේටයි. මා සමඟ ඔය ෆේජි පැමින සිටියෙත් ඔය අදහසින්මයි. එනිසාමත් අනවශ්ය කරදර වලින් හැකිතාක් ඈත්වී සිටීමට මා වගබලාගෙන සිටියා. සාදයක දී ටිකක් තොල ගෑවත්, සල්ලාලයකු වගේ බිව්වේ නෑ, වගේම අනිත් කිසි දේකටත් මම ගියේ නෑ. කාගෙත් පිළිගැනීමට අනූව එහේ මා තැන්පත් චරිතයක්. ඒ නිසාම පොදුවේ කවුරුත් මට ප්රියයි. මෙහි දී කවුරුත් පිළිගත්තේ නැතත්, මේ කියන ඒ මොහොත වන තුරුත්, වයස 23 පසුවුනු​ මා, රටේ දී හෝ මාස 3ක උක්රේන ජීවිතයේ දී තවමත් නෑ, මම නොඉඳුල්.


වේලාව​: උක්රේන වෙලාව සවස 8.30


නියැලී සිටියේ:


ඉහත​ විස්තර කල ඊගර් වෙත පැමින සිටී උක්රයීන දේවුෂ්කා(කෙල්ල)ගේ පධෲගා(මිතුරිය)ක් වෙනුවෙන් තේ පැන් සංග්රහයක් පිළියෙල කරමිනුයි. දේවුෂ්කි(තරුණි)යන් දෙදෙනාම වයස අවුරුදු 18 කට වඩා නැති උනාට උස මහතින් අම්මන්ඩිලා. එයින් ඔහුගේ මිතුරිය ලෙස මා හැඳින්වූ තරුණිය පැමින සිටියේ ඊගර් වෙනුවෙනුයි. එහෙම වුනා නම් අනිත් කෙල්ල​? ඇය කොහේ නවතීවිද​? 'ඇය කරදරේක වැටේවියි නේද​?' ලෙස හැදී වඩුනු පරිසරය නිසා අපට සිතුනත්, එහෙම දෙයක් වෙන්නේ නැහ​. තමාට ලැබුනු සුළු කාල පාරාසය තුල එයට පිළියමක් සොයා ගන්න ඇය සමත් වෙයි. කවුරු හෝ කෙනෙක් අනිර්වාර්යයෙන් ඇය වෙනුවෙන් ඉදිරියට එනු ඇත​​.


මොවුන් ඔවුන්ද එහෙනං? ලෙස අපට සිතුනත්, ඒ ලෝ ප්රකට වචනය එහෙත්, ඒ භාෂාවට​ බරව ඒ අයුරින්ම පරිහරණය වුනත්, මා එදා දුටු උක්රයීන ජන ජීවිතයට අනූව එහෙම මුද්රාවක් නෑ. අප සංස්කෘතිය මෙන් විවාහයකින් පසුම සිදු විය​ යුතුයි ලෙස තරයේ ඇති සමහර කරුණු, වයස 16 පසුවෙනවාත් සමඟම උක්රේන​ තරුණ තරුණියෝ නිදැල්ලේ කරති. දෙමාපියන්ගෙන් හෝ පවතින රජයෙන් බලවත් තහංචියක් ඕවාට​ තිබෙන බවක් දැනෙන්නට නොතිබුනි. 16 වඩා අඩු වයසේ ගෑණු ළමයෙක් රාත්රියේ තබා ගැනීම එරටේ නීතියට අනූව වරදක් බව නම් දැනගත්තා.

එනිසා, ඔවුන් අති සාමාන්ය දේවුෂ්කි(තරුණි)යන්ය​. කාලයක් ඒ පරිසරය තුල ජීවත් වුනු නිසාදෝ ඔවුන් දිහා පිළිකුලෙන් අපට නොබැලුනි. ඔවුන් ගෝස්ති(ආගන්තුක) ගෙන්වා ගන්න පුද්ගලයාට ඔවුන් වෙනුවෙන් උපරිමයෙන් වියදම් කරන්න සිදුවුනේ, එදින රාත්රී භෝජනයට අමතරව​ ෂැම්පේන් හෝ වොඩ්කා සමඟ සිගරට් කිහිපයක් පමනි. එදා උක්රේනයේ සරල ජීවිතයට අනූව​ වොඩ්කා බෝතලයක් අපේ මුදලින් රු 200 කට වඩා තිබුනද කියලා මතකේ නෑ. ෂැම්පේන් තරමක් මිළ බව නම් මතකයි. තරුණියන් පමනක් නොවෙයි, පුරුෂයෙක් හිමි zෂෙන්ෂිනි(විවාහක) ස්ත්රීන්ද මෙවෙනි අවස්තාවන්ට සහභාගී වෙනවා අනන්තයි. වානිජයක්, වෙළඳාමක් බඳුව දුටුවා මිසක් ආදරයක් සෙනෙහසක් එතන​ මට නොපෙනුනි. ඔවුන් මට අගයෙන් නොපෙනුනෝය​​.


[ හැමදේම උක්රේන කියල මා හැඳින්වුවාට, අවුරුදු 23 කට පෙර මා එහි සිටි ඒ කාලයේ උක්රාන්ස්කි(උක්රේනුවන්) පවා තමන්ව හඳුන්වා ගත්තේ රුස්කි(රුසියානුවන්) ලෙසයි. ඒ රුසියාවෙන් වෙන් වූ අලුත නිසාම විය යුතුයි. පෙර දී ඔවුන් රුසියානුවන් නේ]




ඉතින්, අහම්බෙන් ලැබුනු අවස්තාව ප්රයෝජනය ගන්න මා යුහුසුළුවෙන් සප්පායම් වෙමින් සිටියෙමි. උක්රේන කාන්තාවන් සාමාන්යයෙන්ම පියකරු (සුදු පියකරුයි කියල​ එදා මා  හිතන් හිටියා)නිසාම, අහම්බෙන් ලැබුනු එකක් වුනන් කෙනෙකුට​ ප්රශ්නයක් (පළපුරුද්දක් නැති එක, මා නොදැන හිටියට​) නොවීය.​ "අහම්බෙන් ලැබුනු'' බවක් මා සඳහන් කලේ, ඒකටත් තරමක වෙහෙසක් දැරිය යුතුව තිබුනු නිසයි. සවස් භාගයේ          නා -ඌලිත්සේ(පාර​ තොටේ), පාර්ක්(උද්යාන)යේ ඇවිදමින්, පීවා(බීර​) බොමින් (හරියට මාළු දැල් විසිකරනවා වගේයි) අවස්තාව බලං ඉඳලා හරි එක්කෙනා හැඳිනගෙන ගෙන කතා බහ කර, නේවාසිකාගාරයට ගෝස්ති(ආගන්තුක)යන් කැන්දං ඒම තරමක වෙහෙසකාරි වැඩක්. ඔවුන්ට කතා කරන්න​, ඔවුන්ව පිලිසඳරකට හෝ රාත්රී භෝජනයක ඇරයුම් කිරීම සාමාන්ය දෙයක්ව තිබුනි. ගෝස්ති ඇරයුම් කරන්නාට කිපීම බැනවැදීම වැනි කිසි දෙයක් ඔවුන් නොකරයි, සාදරයෙන් පිළිගැනීමට නොහැකි නම්, ඔවුන් එය සාමාන්යයව ​ප්රතික්ෂේප කරයි. නැති නම් වෙනත් දිනයක් ලබා දෙයි.

[රුසියානුවන් බීර බොන්නෙ හරියට අපි වතුර බොනව වගෙයි, පේමන්ට්වල​, උද්යානවල​, රීනක්(පොල​)වල​, කියොස්ක්(පෙට්ටි කඩ​)වල​, අරහේ මෙහේ හැමතැනම​ ඕවා තියෙනවා, මෙහේ වට්ටි අම්මලා ඉඳගෙන බුලත් විකුන්නන්නේ, අන්න ඒවගේ බාබුෂ්කා(මැහැල්ලී)ලා තැන තැන ඉඳගෙන​ එහේ පීවා(බීර​) විකුනනවා. ඉස්සර අපේ සමූපකාරවල බැරල්වලින් කරාමේ ඇරල ලාම්පු තෙල් දෙන්නේ මතකද​? එහේ සමූපකාරවල ඒ දවස්වල පීවා වික්කෙත් ඒ වගේයි. ප්ලාස්ටික් භාවිතයක් නොතිබුනු එහේ, අපි පීවා අරගෙන එන්නේ ලීටර් පහක විතර විශාල වීදුරු බොතල් වලයි, අපි එල කිරි අරගෙන එන්නෙත් ඔය වගේ විශාල​බෝතල් වලයි.


මා එහේ දී දුටු විශේෂ ලක්ෂනයක් තමයි ශාක්ෂරතාවය,​ ඔවුන්ගේ ශාක්ෂරතා අගය ඉතා ඉහළ බවක් මට පෙනුනි. ලියන්න කියවන්න බැරි කිසි කෙනෙක් මා එහි  දුටුවේම නෑ. වයස 80ක විතර බාබුෂ්කියක් දේදුෂ්කෙක් වුනත් ඉතාමත් හොඳින් ලිවීම කියවීම කරයි. ගනු දෙනුවල දී ඔවුන් ගනන් හදන්න පාවිච්චි කලේ ''ඇබකස්'' ලෑල්ලයි. බලන්න එපෑය අවුරුදු 90ක විතර ආච්චි කෙනෙක් 'ටික්, ටික්' ගාල ඇබකස් එකෙන් ගනන් හදන ලස්සන​]


අනෙක් ගැටලුව තමයි ඔවුන් සමූහයෙන් මුදවාගෙන ඒම​. තරුණියන් තිදෙනෙක් සිටියා නම්, ඒ තිදෙනාවම ගෝස්ති ගෙනියන්න​ ආදාල පුද්ගලයාට සිදුවෙයි. එම නිසාම අපේ කට්ටිය​ ඇවිදීමට යන්නෙත් කිහිප දෙනෙක් එකතුවයි. ශරීර වර්ණ, අයත් වන ආගම, කිසිත් ඔවුන් ගනන් නොගත්තෝය​. ආසන්න වනතුරුම කොමියුන්ට් වාදයේම රැඳී සිටි නිසාදෝ පොතේ පතේ උගත් දේ මිස ආගම්වල තිබුනු හරයන් ඔවුන් නොදැන සිටියෝය​. සත්යම කියනව නම් ඒ දිනවල උක්රේන​ තරුණියන් zෂිමිලියාකී(සුජාතික)යින්ට වඩා ඉනස්ත්රානී(විජාතික)යින් සමඟ ඇයි හොඳයි කම් පවත්වන්න කැමැත්තක් දැක්වූහ​. සහවන්තයා මැදිවියේ හෝ මහළු වියේ වීම ගැන ඔවුන් තැකීම් නොකහ​​​. හැඩි දැඩි කඩවසම් තරුණයින් තමන්ගේම​ සිටියදීත් ඔවුන් පිටස්තරයන් සොයා ගියේ එතෙන වඩා සතුටක් තමන්ට තිබේවියි ඔවුන් සිතූ නිසයි. තමන්ගේ උදවියට වඩා විජාතිකයින් ගාව සල්ලි බාගේ ගැවසෙන බව මතයක් එදා සිටි උක්රයීන කාන්තාවන්ට තිබුනා. එදා තිබුනු සැබෑ තත්වය ඒකම​ වුනත්, මා එහි රැඳී සිටි 1994 වර්ෂය අවසන් වෙන්නට පෙරාතුවම ඒ තත්වය වෙනස්වීගෙන යන බවක් මට හොඳාකාරව දැනුනා.


[හැඩි දැඩි කියනකොටයි මතකෙට ආවේ, ඔවුන්ගේ හිටියා ''ෂහ්තියෝර්'' කියල හඳුන්වන පිරිසක්, ඌගල්( ගල් අඟුරු පතල්)වල සේවය කරන මොවුන් යෝදයෝ වගේයි. දේහ සම්පන්න වගේම මොවුන් හරිම​ ශක්තිවන්තයි. අපට අත දුන්නොත්, ඒක නිකං අපි කුඩා ළමයෙකුට අත දෙන්නේ, අන්න ඒ වගේයි දැනෙන්නේ. පොදුවේම ඔවුන්ට රළු කට හඬකුයි තිබෙනේ, මදිවට උගුරෙන් උච්චාරණය වන ඔවුන්ගේ භාෂාව එයට තව තවත් රළු බවක් එකතු කරනවා. ඒ වුනාට හැසිරීමෙන් ඔවුන් මෘදුයි, මිත්රශීලියි, අපි කියන ඕනෑම බොරුවක් ඔවුන් පිළිගන්නවා. ස්ත්රී ආධිපත්යයක් මට ඉව වැටුනා, එහේ පිරිමීන් කොතරම් හැඩි දැඩිව පෙනුනත්, තමන්ගේ ස්ත්රීන් ඉදිරියේ පූසෝ වගෙයි හිටියේ. ආයතනවල පාලන තනතුරු බොහෝ තැන්වල​ ඉසුලුවේ ස්ත්රීන්]


නොකීවාට මොකද​, මිතුරන්ගේ පෙරැත්තය නිසා මං ඉදිරිපත් වුනා මිසක්, ඔය කියන​ කාරණය මගේ කැමැත්තම නොවෙයි​. රියාල් ඕවා පස්සෙන් යන්නේ නැති එකා උනත් ඔහුත් මට ඇවිත් කිව්වේ, උක්රේනයට ආවා නම් ඕවායේ අත්දැකීම් තිබෙන්න ඕනෑය කියලයි,​ කාමරය මටම දීලා නිදාගන්න​ වෙන කාමරයකට යන බවත් කිව්වා. zසියාඩ් ගැන කියන්නත් ඕන නෑ, ඌ ඕවට මාස්ටර්. ඌ ඕවා ගැන මට​ ලෙක්චර් දෙන්න පටං ගත්තා. ඊගර් නම් ආවේ ආදරේට නෙවෙයි, නැත්නම්  නම් මිනිහගේ වැඩේ සුංනේ, ඒකයි. එකෙක් නරක් කරන්න මුංගේ තිබුන උවමනාව යකෝ.​ පව් කාරයෝ!... කොච්චර නැහැයි කිව්වත් ඉතිං, කුතුහලයක් තියේවිනේ...එයින් මෙයින් මම හා වුනා..


ගෝස්ති පැමිනි දේවුෂ්කි(කෙල්ලෝ) දෙන්නම බිම් මහලට නාන්න ගිය නිසා, ඔවුන් එනකං මම කාමරයට වෙලා හිටියා, ඒ අතරෙයි තේ එකක් හදන්නයි කියා රියාල් කුස්සියට ගියේ....කුස්සියට ගිය රියාල් හනි හනිකට දුවගෙන ඇවිත්....


උන්මන්! උන්මන්! (ඇයි බැලුවේ (මගේ නම කෙටියෙන් අඬගහන්න 
ඇති) ගනන් ගන්න එපා, ඕවා ඔහොම තමා) කියමින්....දුම දාන චායිනී (කේතලේ) අතේ තියාගෙන ''අන්න අරයා ඇවිත් ඔයාව හොයනවා!'' කියා බෙරිහන් දුන්නේය​​, ඔහු ඕක කිව්වේ මට ලොතරැයියක් ඇදිලයි, කියන ගානටයි, ඇස් උඩ ගිහිනුයි තිබුනේ...

කවුද​? ...කවුරුන් කිව්වා? ලෙස මම කුතුහලයෙන් ඇසුවේ රියාල්ගේ කලබලය නිසයි.


ඔයාගේ පන්තියේ ඉන්න සෝයා- කිත්තායි (''Zසෝයා​" කියන රුස්කි නමයි, ''ඛිතායි'' ​ කියන චීන නමයි, රියාල් උච්චාරණය කල සැටියි) ඇවිල්ලා! රියාල් කියාගෙන ගියේ හති අරිමිනි.


(විහිළුව කියන්නේ, Zසෝයා 'රියාල්'ගේ නම උච්චාරණය කලේත් වැරදියටයි, ඇය ඔහුට කීවේ 'ලියාල්' කියලයි. ඇය මගේ නම උච්චාරණය කලෙත් වැරදියි. (මගේ නම උන්මන්තනේ,,, ඒ ගැන  ආයේ කතා ඕන්නෑහ්...හරිද​) 

ඉතිං? ප්රශ්නාන්තරව ඔහු දෙස බැලුවේ මට මොකුත් තේරුම් නොගිය නිසයි. ​

'සෝයා ඇවිත් ඉන්නේ ඔයාව හොයාගෙනයි' රියාල් ආයෙමත් කීවේ ටිකක් සැරෙනුයි, තරහ
කුත් ගිහිල්ලයි​ තිබුනේ.

මට​ 'හහ්'...කියවිනි, මොකක්ද යකෝ මේ වෙන්නේ​? මගේ ලග්නය අද කන්යාව වත්ද​? මහිසේ මල් පිපින, මයිල් ඉස්මයිල් විය​, කැරකවිල්ල හැදින. එක කෙල්ලෙක් රාත්රිය ගෙවන්න බලං ඉන්නවා, තව එකක්(ඊගරයගේ) එක, ඕකා වෙනුවෙන් ආවයි කිව්වට මොකෝ, ඕකිත් මේ අස්සෙමයි රිංගන්න කැමැති) සැරෙන් සැරේ ඇවිත් යනවා. යනවා කිව්වට මොකෝ, අරූ ඇවිල්ලා එක්කං යනවා. ඇවිස්සිල්ලක් තිබුනත් ඊගර් පෙන්න ගත්තේ නෑ. මං මොනව කරන්නද... ඉතිං අඬ ගැහුවයැ...


මට ප්රෙහිළිකාවක් විය​. ඇය මොකටද මාව හොයං එන්නේ, සත්තකින්ම මා මෙහි ඇය බලාපොරොත්තු වුනේ නෑ, එහෙම උවමනාවක් මට තිබුනෙත් නෑ. ඇය මගේ පද්ෆාක්(පහත චේදයේ හඳුන්වන රුzස්කි පදය කෙටියෙන්) පංතියේ....එච්චරයි


zසෝයා ???

zසෝයා චීන කෙල්ලක් ''වංග්ත්සුඕඕ'' කියන ඇගේ චීන නම වෙනුවට zසෝයා කියන රුසියානු නමිනුයි ​අප ඇයව හඳුනන්නේ. පද්ගතවීල්නම් ෆකුල්තියත්(පෙරසූදානම් කිරීමේ පීඨය​)හි අප සමඟ එකම පංතියේ ඉගෙනුම ලබන​, zසෝයා මාස හයකට පමන පෙර අකදේමියාවට බැඳුනු දේවුෂ්කා(තරුණි)යක්. තරුණියක් කිව්වට, තවමත් 17 ඉක්ම නොවූ කෙලිලොල් වියේ කෙල්ලෙක්, 17 පිරෙන්නෙත් එලෙඹෙන මැයි 12 වෙනි දිනටයි. සාමාන්ය චීන යුවතියන්ට වඩා ශරීර ලක්ෂනයින් තරමක් විශාල නමුත් වසීකර සිනහමුසු මුහුනක් ඇති zසෝයා, දඟකාර​ කෙල්ලක්.


සාමාන්ය චීන යුවතින් මෙන්ම පලල් මුහුනකින්, පිරිපුන් ශරීරයකින් ඔපවී සිටි ඇය​ රුසියානුවන් තරමටම සුදුවට සිටියාය. සුඛෝමල කමින් පිරී සිටියත් බියක් කියන දෙයක් ඈට ගෑවිලා වත් තිබුනේ නෑ. තමන්ට සිතුනු දේ කරන්න ඇය කිසිවිටෙක පසුබට වුනේ නෑ. අපේ පංතියේ සිටි අනෙක් චීන මලදීය​(තරුණයින්) පවා ඈට කතා කරන්න බිය වූවෝය​. අපේ පංතියේ ගුරුතුමී 'තාන්යා' පවා සෞම්ය වචනයකින් මිස හඬ ඉස්මතු වූ වචනවලින් ඈට කතා නොකරයි​. එකට එක කතා කරන අවස්තා ඇති වූ විට ඇය සමඟ තර්කෙට ගියේ මායි ෆේජීයි පමනයි. එවැනි අවස්තාවල දී ෆේජිට මුහුනටම කඩා පනින zසෝයා මට එහෙම නොකලාය​. දඟකාරව හැසිරමින් පංතියේ සියළු දෙනාගේ සැලකිල්ල තමන් වෙත රඳවා ගන්න zසෝයා සැම විටම සමත් වූවාය​. zසෝයා, පංතියේ අනෙක් සියල්ල අභිබවා ගිය දක්ෂ ශිශ්යාවක්ව සිටී අතර වයසට වඩා මුහුකුරා ගිය ස්වභා ලක්ෂන නිරන්තරයෙන්ම​​ ප්රදර්ෂනය කලාය​.​.


[තාන්යා! තාන්යා වයස 23 ක මගේම වයසේ වූ අපේ භාෂා ගුරුතුමියයි. සාමාන්ය රූ සපුවක් තිබූ ඇය නියම ස්ත්රී ලක්ෂන හෙබී කාන්තාවක් වූ අතර අහිංසකාවියක් වූවාය​. අපේ පංති පටං ගත්තු අලුත​ තාන්යා ඉතා උනන්දුවෙන්, සතුටින් පංතියේ විෂයන් මෙහෙයැව්වා. ඒ, මා ෆේජී සහ තේජී(අප්රිකානු ශිශ්යයෙක්) තුන් දෙනා පමනක් පංතියේ සිටි කාලයේයි. අපි මෙන්ම භාෂාව ඉගෙන ගන්න පැමින සිටි ඇමැරිකානු ශිශ්යෙයෙක් සමඟ හාදයක් ඇති වූ බවත්, ඔහු සමුගෙන ආපසු ගිය නිසා තමාට වේදනාවක් ඇති වූ බවත්, එයින් පසු කා සමඟ හෝ තමා හාදයක් ඇති නොකර ගත් බවත් තාන්යා අපට කියා තිබුනාය​​.​ 


තාන්යා​ මා වෙත​ විශේෂ සැලකිල්ලක් දැක්වූ අතර ඇය පංති නායකයා කර ගත්තෙත් මාවයි 'මා අනික් දෙදෙනාට වඩා විෂයන් වලදී කැපී පෙනුනු නිසයි' ඒ, එදා තිබුනු මගේ දැනුමයි. මාස තුනකින් zසෝයා ඇතුළු චීන ශිශ්යයන්ගේ ආවඩනයින් පසු තාන්යාගේ පෙර තිබූ ජයිවය පිරිහී තිබුනි. zසෝයාද පැමිනියේ ඒ සමූහයේමයි. සම වයසේ වුනත්, මට අකුරු කියා දුන් ගුරු තුමිය නිසාම, තාන්යා වෙත නිරන්තර​ ​ඝෞරවයක් මගේ තිබිනි. ඇගේ සිත කියවන්න තරම් දැනීමක් ඒ දිනවල මට නොබූ බව නම් සැබෑව]


පංතියේ විෂය යන අතර තුර zසෝයා මා වෙත විනොදාකාර ප්රශ්න යොමු කලාය. වරක් කඩේකින් මිලට ගෙන​​ මගේ අතේ පටලවාගෙන තිබූ මුද්දක් අත ගා බලමින් 'ඔබ බැඳලද​? කියා ඇසුවාය​. මට ළමයි දෙදෙනෙකුත් සිටින​ බව කියමින් විහිළුවෙන් ඇයට පිළිතුරු දුනිමි. තවත් වරක, විවේක ගමනක් පිළිබඳ​ විෂයක දී, 'කවුරුන් කා සමඟද විවේක ගන්න වඩාත් කැමැතියි' යන ප්රශ්නය අපි එකිනෙකාගෙන් යොමු කර​ ගන්නා මොහොතක​, ඇය ඉතා උවමනාවෙන් මගෙන් ඇසුවේ 'ඔබ වඩාත්ම කැමැති කා සමඟ විවේක ගන්නද​? කියලයි. සහතිකවම, ඔබ සමඟ විවේක ගන්නයි මා වඩාත් කැමැතියි' ලෙස විෂයට අදාලව පිළිතුරු දුන්නේ, ඒකේ බරපතල කම නොදැනීමයි. අදහසකින් තොර​ මගෙන් පිට වූ ඒ වචන නිසා ඇති වූ ලැජ්ජාවෙන් මා හිස පහත් කර ගන්න වූ නමුත්, ඒ වචන 
පෙළ ඇයට විශ්වාසයක් නව ප්රවේශයක් ලබා දී තිබුනි. 

නොදකින්, ඒ බවත් මට නෙවෙයි තේරුනේ, එය පෙන්නල දුන්නේ තාන්යා විසිනි ''මලදියත්ස් උන්මන්, ස්මත්රී ඉයෝ ලිත්සෝ, ස්මත්රී ඉයෝ ග්ලzසා, කක් අනා ප්රියත්නා( අපූරුයි උන්මන්, ඇගේ මුහුන බලන්න​, ඇගේ ඇස් දිහා බලන්න​, ඇය කොතරම් සතුටින්ද) ඒ zසෝයාගේ ඇස්වල තිබූ සතුට තාන්යා මට පෙන්නල දුන්නු ආකාරයයි. මගේ ඒ පිළිතුරේ ජීවයක් නොතිබුනත්, ඒවා ඇගේ සිතේ ගැඹුරටම පැලපදියම් වුනු බව මට පසුවයි තේරුනේ.. අපි අතර හුවමාරුවුනු වචන​, සංවාද වැනි දේවල් එකින් එක ගෙතිලා, ඒවා ඇයට මා ගැන අභිප්රායක් ඇති කරලයි තිබුනේ.

ඇය නිතරම වගේ මගේ ඇස් දෙක වර්ණනා කරන්නත් පුරුදුව සිටියා, දුඹුරුවට තිබුනු මගේ ඇස් ලස්සනයි කියන එක ඇය කියලයි මං දැන ගත්තේ. මට මතකයි තාන්යාත් ඒ බවක් කියනවා, වරක් ඇගේ මිතුරී ඉරීනා(වරක් හෝ දෙකක් අපට උගන්නලා තියෙන)ත් වර්ණනා කලා. මට මදෑ ඕක, ඉතිං තරමක අහංකාර කමකුත් ඇතිවුනා​. ''යකෝ, කොල්ලෙක් කෙල්ලෙක්ව වර්ණනා කරන එකයි සාමාන්ය​, උඹ මොන -ත්තක්ද​(සමාවෙන්න​ අපේ සාමාන්ය ව්යවහාර භාෂාව ටිකක් පාවිච්චි උනා)​ එහෙනං කලේ, බොරුවට හරි ආපහු මොකුත් නොකියා?'' කියල සමහරුන් අහන එක මට තේරෙනෙවා. බොරුවක් ඕනේ නෑ, ඇය සැබෑටම ලස්සනයි, ට ඇය ගැන අදහසක් ඇතිවෙලා තිබුන් නැති එකයි කාරණේ.


මට එහෙම අදහසක් නොඑන්න වූ කාරණා තිබුනා, ප්රතම කාරනාව වුනේ, පිඹුරුපතේ මගේ ගමනාන්තයව තිබුනේ උක්රේනය හෝ ඛිතායි(චීනය)නොව, එංගලන්තයයි. තව මාස දෙකකින් එළඹෙන ගිම්හානයේ අංග්ලීස්කි(එංගලන්ත) වීzසා වක් ලබා ගන්න නම්, මම​ගෙම්බෙක්(උක්රේනය හරහා යුරෝපයට පැනගන්න පැමිනෙන අයව ඒ දිනවල හැඳින්වූවේ) නොව, ශිශ්යයෙක් බවට තහවුරු කරන්නයි. ඒකට​හොඳට රුzස්කි(රුසියානු) ඉගෙන ගන්න මට​ උවමනා වෙලා තිබුනා. ඒ නිසා අපේ දෙකාන්(පීඨාදිපති)ගේ උපදෙස්(උපදේසය දුන්නේ අපිත් එක්ක එකට ඉඳන් බොන වෙලාවේ)අනූව, ඉක්මනට රුසියානු ඉගෙන ගන්න නම්, රුසියානු කෙල්ලෙක් යාළු කරගන්නා ලෙසයි. ප්රධානතම කාරණාව, ඉතාම සංවේදී මා මොනව හරි රෙද්දක පැටලූනා නම්, ගලවනකොට ඉරෙන්නේ රෙද්ද නෙවෙයි මගේ පපු කැත්තම​, බව මා හොඳින් දැන සිටියා. එහෙයින්, මා ඉතාමත් කල්පානාවෙන් තීන්දු තීරණ​ ගත්තා.


අපේ රුzස්කි යෙzසික්( රුසියානු භාෂා)ව පංති කාමරය තිබුනේ අපේ නේවාසිකයේමයි. සුළු විරාමයක දී පවා අපේ සාලයට දුවං යන පුරුද්දක් මට තිබුනා. එයින් කෝප්පි කෝප්පයක් බීලා සිගරට් එකක් දල්වා ගන්න මට අවස්තාව සැලසෙනවා. සිකුරාදා පංති ඉවරවුනු ගමන්ම අපි ලාංකිකයෝ තුන්දෙනාම 
'දැපේ' නමින් හැඳින්වුනු ප්‍රදාන​ නගරයේ ඇති අපේ රටේ යාලුවන්ගේ නේවාසිකයට යනවා. අපි ආයේ අපේ නේවාසිකයට එන්නේ ඉරිදා රාත්රියේයි. එයින්, zසෝයා මුන ගැහීමේ හෝ ඇය පිළිබන්ද විස්තර දැන ගැනීමේ අවස්තා මට​ අඩුව තිබුනා. එහෙම විශේෂ උවමනාවකුත් මට නොතිබුනි. 

zසෝයා ගැන මම සොයා නොබැලුවාට, ඇය ගැන සොයා බැලූ තොරතුරු එක්තැන් කෙරූ කෙනෙක් අපේ හිටියා, ඒ තමයි ෆේජී. 


ඇත්තටම zසෝයා ගැන නෙමෙයි, මට පොඩි පහේ ආසාවක් ඇති වී තිබුනේ, අපේ පංතියේම zසෝයාගේ යාළුවෙක් වූ ''යංඞ්නී'' වෙතයි මට ඇල්මක් තිබුනේ. පොඩි හුරුබුහුටිව බෝනික්කියෙක් වාගේ හිටී ඇය හොඳයි කියල හිතුනා විතරයි. ඇයට වචන යොමු කරන්න, ඇරයුම් කරන්න​, හීන මවන්න කිසි දෙයක් මම කලේ නෑ. මා මෙතන කියන්න එන්නේ යංඞ්නී වෙත මට ඇති වී තිබුනු ආසාව පවා zසෝයා වෙත ඇති නොවීම ගැනයි.

සැරයක්, මට හිත ගිය මාලිගාව (යංඞ්නී) ගැන නිකමට යාළුවන්ට කියන්න ගියා ''අම්මෝ, උන්මන්! උඹට යහතින් ගෙදර යන්නෝන්නැද්ද​? රෝත්තම එයි උඹව කම්බස් කරන්න​'' එකිනෙකා මාව බය කරන්න වුනා​ ''ඔන්න ඔව්ව අත් ඇරලා රුස්කියක් දාගනින්''යාළුවෝ උපදෙස් දුන්නා​. එක පාරටම මට අපේ පංතියේ ''සාශා, zසව්දුංග්, ඌචැන්ව" ලාව මතක් වුනා​, අහිංසකයෝ වගේ ඔහොම හිටියට ''චීන අඩි කරාටේ කුංෆූ වලින් මට නෙලාවිද​''​ කියල හිතුනි. රුසියානුවොත් ඒ දවස්වල බයයි චින්නුන්ට​. ඇයි, ජැකී චෑන්, ජෙට්ලීලගේ පිචර් බලනවනේ.....


ඉතිං කරුණු කාරණා තේරුනානේ......


මට කල්පනා කරන්න වෙලාවක් ඉතිරි නොවීය​, මිටි රියාල්ගේ පසු පසින් යෝදියෙක් වගේ මතුවුනු  zසෝයා මට එක්දවර දසුන් දුන්නාය. කලු පාට ස්කිනියකින් හා එල්ලෙනසුලු රෙද්දකින් නිමවුනු තැඹිලි පාට අත්දිග ටොප් එකකි....න්..'ම්ම්ම්....න්නෑ....නේ?​ තිබුනා නේ!, පංතියේ දැකල තියෙනව​' ලෙස,
 ඇගේ මොකක්දෝ සොයන්න වුනු මගේ වනචර සිත පසුව සිත හදාගත්තේතේ,  සවස් වරුවේ ඇය සැහැල්ලු ඇඳුමකමට මාරු වී ඇති බව තේරුම් ගිය නිසාය. 

සඳ රේනු වෑහෙනා..........මේ සීත රාත්රියේ.........ඔබ ඉන්න...මාගේ... ළඟින්..... හද පිරුනු වේදනා.... පිසදා සිනා සලා..... මට දෙන්න ආදරේ...ඔබගේ හදින්.....


......................මග්නිතෆෝනයේ සිටි ''ප්රින්ස් ''එවර මෙහෙමත් කියන්න විය...............


ඒ දොරකඩම නැවැතී, ඇගේ සුපුරුදු සිනහව පාමින් මට,


ඝර්වාන්විතව​ 'ප්රීවියත්(හායි)' කීවාය.​ 


'ප්රීවියත්' සමඟ සිනහවක් උපදවන්න උත්සාහ කල මුත්, එය​ මතු නොවුනේ මා තවමත් කම්පනය තුල​ නිසයි.


සැරෙන් ''ච්තෝ(ඇයි)?වෙනසක් නොවී ඝර්වය එතනත් තිබිනි.


නියත්,,,නිච්චිවෝ(නෑ,,, මුකුත් නෑ) zසහදී(එන්න ඇතුලට​) මාව සමබර කරගෙන ඇයව ගෙට​ ඇරයුම් කලෙමි.


මගේ ඇරයුම එනකං හිටීවියෑ zසෝයා, මං අඬගහනකොටත් එයා හිටියේ මගේ ඉස්සරහා තම දනහිස්වල හිටගෙනයි (දෙව්මැදුරුවල සමාව ගන්න දනගසන් ඉන්නේ, අන්න ඒ වගේ) පුදුම කෙල්ලෙක්! කවදත් අප බලාපොරොත්තු නොව දේ කරන කෙල්ලෙක් තමයි zසෝයා, විමතියෙන් පිරුනු ඇස් වලින් මොහොතක් ඈ දිහා බලාගෙනම සිටියෙමි. ​(හදවතේ දොරට පොඩි තට්ටුවක් වැටුනාක් මෙන් දැනිනි​) මගේ අත්වලින් අල්ලා ගත්තාය​, අත් දෙකෙන්ම අල්ලා ගත්තාය​.


(පියවී ලොවේ කිසිදා...එක්වන්නේ නෑ................ එනමුත් මගේ හදින්...වෙන්වෙන්නේ නෑ...............) 


මගේ නම කියමින් (ඇයට මගේ නම හරියට උච්චාරණය කරන්න බැහ​) එක දෙයක් කියන්නම් අහනවද​? ඇසුවාය​.


මා         : අහන්න​ , මොකක්ද?


zසෝයා:  ෆේජී මට කරදර කරනවා? ඇය කීවේ, ම් අගේ ඔලුව අවුල් කරමිනුයි (මම දැන හිටියා, කවදා හරි ෆේජී ඈ පස්සෙන් යන බව​) ඕඕහ් ඕකටද එහෙනං ආවේ? සිත ඇතුලේ ඇතුලේ කියවිනි.


මා        :  ආ..ආ ඒකද? මං ඒක බලා ගන්නම් ඔයා බය නොවී ඉන්න, ​මං එයාට කියන්නම්, එපා කියලා (පංතියේ ඔක්කෝම හිතං හිටියේ ෆේජී මට අවනත පුද්ගලයෙක් කියලයි) 'ඔයා කලබල නොවී ඇවිත් මෙහේ වාඩිවෙන්නකෝ' මගේ අසලම ඉඩක් පෙන්වා මම කීවේ, ඈ මා ඉදිරියේ දන ගසන් ඉන්න එක මට නිකං මොකක්දෝ වගේ දැනුනු නිසයි.


​සිද්දවෙන දේ තේරුමක් නැතිව තවමත් චායිනී(කේතල​)ය තවමත් අතේ තියාගෙන​ සිටි රියාල්, ආඳෙක් වගේ බලං හිටියේය​​. 'නිකං දෙමළ​ පිචර් සීන් එකක් නේ යන්නේ' තමනුත් ඔතන ඉන්නවයි කියන එක අඟවන්නදෝ 'උන්මන්' තේ එකක් හදන්නද​? ඇසුවේය​. නැත්නම් කෝපියක්? මගෙන් අසා 'zසෝයා, හෝචස් දමාzෂ්නී කොෆී'(zසෝයා, නිවසේ කුඩුවලින් කෝපියකට කැමැතිද​?) ඔහු ඇයගෙනුත් ඇසීය. අප්පේ, ඇත්තටම! කතා කරන කොටයි මතක් උනේ, රියාල් තාම ඔතන.​ මගේ වගකීමට මමත් ඇසුවා ඇගෙන්, මොනව හරි බොනවද කියලා. ඒත් මම දන්නවා, zසෝයා, කවදත් අනුන් සිතන​ දේ නොකරන බව​​.


(දෙතැන තනිවී සදා..... හෙළන සුසුමන් නිවා... ඔබ එන්න මා.......)


නිඃ නාධා...ඵෂ්ලී පඃ​ දෙවියාතම් එතාzෂ්යේ (එපා, අපි යමු නවවෙනි මහලට​) ආයෙමත් ඇය මාව හොල්මන් කලාය​, අපේ නේවාසිකයේ නවවෙනි මහලක් නෑ, තියෙන්නේ ගොඩනැගීල්ලේ අවසන් එළිමහන් බිමයි. මැයට විකාරද මන්දා (මම කලින්ම කිව්ව නේ, මැය කවදත් වෙනස් කියල​) මේ සීතලේ එහේ මොකට කතා කරනවද​? මා තනියෙම කියෙව්වෙමි. ච්තෝ තීඃ නිප්රිද්යෝෂ්, ම්ම්ම්ම් නොඃ යා පෂ්ලාඃ(ඇයි ඔබ එන්නැද්ද, එහෙනං ම්ම්ම්ම් මං එහෙනං යන්නම් ​)?පෙර ඝර්වයෙන්ම කීවාය​. ​ප්රිදූඃ(එනවා) බයටම​ කියවුනේ, බැහැයි කිව්ව නම් දාලා යයි කියල මගේ සිතේ ඇති වූ බයක් නිසාමයි. ම්ම්ම්,,ඒ මොකක්ද​? මට මොකද වුනේ? ඇගේ වචනෙට පිටුපාන්න මට මට බැරි වෙලා. පහුරු බැඳන් තිබූ මගේ හදාරක්ෂක​ කොටුවේ සිදුරු වැටිල බව ඉවෙන් මෙන් දැනුනා​​. අංශයේ අවම දැනුමක් මට තිබුනත්, මෙලහකට​ත් මම වැටිලයි කියන එක නම් තේරිනි. මම ඇය පසු පසින් යන්න වුනෙමි, නගුට වැනුවේ නැති එකයි අඩු.


මාර්තු 8 වෙනිදා රාත්රිය මෙහේ කොහොමද මං බලල නෑ, එදා ඒ දපාzෂයේ නම්, හඳක් පායලා තිබුනා. ආර්ද්රතාවය නිසා නොපැහැදිලිව පෙනුනු හඳේ එළිය අප මත සුමුදුව වැටී තිබුනි. එයින් එළිය ලැබූ zසෝයාගේ පිරිනු වත ඒ සඳ මෙන්ම එළියමත්ව පෙනිනි. (එය මට​​ මංගල රාත්රියයි, මෙපමන කලක් ස්ත්රී පරානයක ආශ්රයක් නොලබා, ඒවයේ හොඳ නරක ගැන දැනුමක් නැතිව සිට​, අයනු අකුරෙන් අද අද අරඹන​ මගේ ආදර ගමනේ, මංගල හමුවීමයි, එය රාත්රියක වූ නිසා එය මගේ මංගල රාත්රියයි) හරි හැටි ජැකට් එකක්වත් දාගන්න දෙන්නේ නැතිව මාව ඇදගෙන ආපු zසෝයා මාව සීතලේ වෙව්ලන්න ඇරියාය. ''සිගරට් පැකට් එකවවත් ගන්න දුන්නෑ හැතිරී" මා හිතින් බැන (නො)වැදුනෙමි. 


තමාගේ උසේ අඩකට​ වූ කොන්ක්රීට් බංකුවක් මෙන් එකක මාව ඉන්දවූ zසෝයා, පළල් කල මගේ කකුල් අතරට පැමින, ඇගේ තිබූ ඒ ඝර්වාන්විත ස්වරයෙන්ම ''තීඃ මින්ය ලූබිෂ්(ඔබ මට ආදරය කරනවද​)? විචාලේ,පිහියක් බෙල්ලේ තියාගෙන​, 'කිව්වේ නැත්තම් මරනවා' කියන විලාසයෙනි ( මෙහෙම ආදරේ ඉල්ලන​ ක්රමයකුත් තියෙන බව එදයි මං දැන ගත්තේ)​. ඒ ප්රෂ්නයට එකවරම පිළිතුරක් නාවත්, මම ධාඃ(ඔව්) කීවේ. හිතට එකඟ පිළිතුරක් මගේ මුවගට නාව නිසයි. ''නියතඃ නියතඃ ප්රාව්ධා ස්කෂීඃ, තීඃ මින්යා ලූබිෂ්..ඉලි නියත්(නෑ..නෑ..ඇත්ත කියන්න, ඔබ මට ආදරය කරනවද..​නැත්තම් නැද්ද​)? zසෝයා නැවතත් ඇසුවේ ආවේගයකිනි.


ඇගේ ඔය දඟකාර කමටයි මම කැමැති, ඒ කැමැත්ත පංතියේ දීම මට තිබී, එය ඉස්මතු නොවී, අද මේ අවස්තාව තෙක්ම එය​ යටපත්වෙලා තිබුනේ ඇයිදැයි මට නොතේරිනි. ඒ තත්පරය තුල අතීතයේ ඈ මාව ආකර්ෂණය කල නොකළ​ කරුණු සියල්ල​ එක්තැන් වෙලා ඇති බව මට තේරිනි, දුටු නරකට වඩා හොඳ වැඩි බවින්, භාහිර කරුණු හරහට හිටියත්, ඕවා සාදක නොවන බව නිගමන් වී, හදේ කොළ එළිය දැල්වී මසිතේ කොළ දජය ලෙල දෙන්න වුනීමම එක සිතින්ම​ ''ධාඃ, යා තිබ්ය ඕඕචින් ලුබුලූඃ( ඔව් මා ඔබට ගොඩාක් ආදරෙයි) මට​ දිග සුසුමක් පිට වුනේය​. ඇගේ ඇස් සතුටින් එළිය දෙන්න විය​​. ''ඔබ දැන් කී දේයි සත්ය​, එය මා ඔබේ ඇස්වලින් දුටුවා'' මගේ ඇස්වලින් මගේ හදවත කියවූ මේ දාසය හැවිරිදි  zසෝයා ගැන​ මම පුදුම වුනෙමි. 


ඒ ගෙවුනු තත්පර කිහිපය තුල, ඈට ඇති වූ මගේ ආලය ​නොනැවතී ඉහළ යමින් තිබිනි. එය ආදරයක්මද නැත්නම් ප්රිය අභිප්රායක්ද කියන එක පැටලවිල්ලක්ම විය​. කෙසේ නමුත් මගේ මුවින් ඈට මගේ ආදරය ප්රකාෂ කරල හමාරයි, ඇය දැං මගේ පධෲගා(ආදරවන්තිය)යි. නුපුරුදු සීතලට ඔරොත්තු දෙන්න බැරිව මගේ නාසයෙන් පිටවෙන සොටු පිසදා ගැනීමට යමක් නැතිව මා ලතැවෙන්නට වූ මොහොතේ, තම කබා සාක්කුවෙන් එලියට ගත් ලේන්සුවකින් මගේ සොටු පිස දැම්මාය​. ආදරයේ රසය මට තේරෙන්නට වින. ආදරය කිරීම සතුටක් නම්, ආදරය ලැබීම සතුටේ ඉහළම තරයයි. මම එය ලැබුවෙමි.


මම කිසිවක් නොකීවත්, ඇය මං ගැන ඔහේ කියවන්න වූවාය​. තමා ආදරය කලේ මට නොව මගේ ඇස් දෙකටයි කියා කිසි අනුකම්පාවකින් තොර​ මගේ මුහුනටම කීවාය​. කිසිත් නොකියා මා ඈ දෙස සෙනෙහසින් බලා සිටියාඇය​ කුඩා ළමයෙක් මෙන් නොයෙක් දේ දෙඩෙව්වාය​, කලාය​, ඇය කියන කරන සෑම දෙයක්ම මට​ සතුටක් විය​. මොහොතකට පෙර ගෝස්ති පැමිනි දේවුෂ්කි, රියාල්, ෆේජි, ඊගර්, zසියාඩ් සියල්ලෝවම අමතක වී තිබිනි. මා ඉදිරියේ සිටියේ zසෝයා පමනයි! සිත පුරා සිටියේ zසෝයා පමනයි!... මගේ අරමුන, මගේ 'එංගලන්ත' සිහිනයත් මට අමතක වී තිබිනි.... මගේ සිතේ සියුම් ආශාවක් ඇති විය​. හමුවීම සනිටුහන් කරන්න උවමනා වුනි, චකිතයක් දැනිනි, න්නෑ...නැත්තම් ඕන්නෑ, මුකුත් නෑ වගේ කරබාගත්තෙමි. 


ච්තෝ(ඇයි) පච්චිමෝ තාක් තිඃ නිස්පකොයිනොයි, ආආ( ඔබ ඇයි අසනයෙන් වගේ  ආආ)'ඇය මගෙන් ඇසුවේ ඔක්කල්ලා සිනහවක් පාමිනි. ඇයට තේරුනා වත්ද​?​, මම ලැජ්ජාවෙන් ඇඹරුනෙමි. මොහොතක් මා දිහා උපේක්ෂාවෙන් බලං ඉඳ​,  මගේ කලව අතරින් තව තවත් මට​ ලං වූ ඇය, මා ආෂා කල එය මට​ ලබා දුන්නේ මා නොඉල්ලාමය​. ඔව්, මගේ zසෝයා ඇගේ පළමු හාදුව මගේ තොල්වල පතිත කලාය​ (එය ජීවිතයේ මා ලැබූ පළමු හාදුවද විය) සීතල පසුබිමක ඇගේ උනුසුම් තොල්වල රසය මාව මා නොදත් කොහේදෝ  හිස් පරාසයකට​ රැගෙන ගියේය​. එය කිසිදා විඳී නැති දිව්ය රසයකි........................................ 


''ඇගෙන් ලැබුනු ඒ හාදුව ඇගෙන් සමුගෙන මා උක්රේනයෙන් පිටවෙන තෙක්ම මාව ආරක්ෂා කලේය​'' 


මේ ඉහත වචන පේලිය මා ඔබ ඉදිරියේ තැබුවේ, විශේෂ කරුණක් නිසයි. මා නැති නිසා ඊගර්ගේ සහායට ඉදිරිපත්ව මගේ අඩුව මකා ඇති zසියාඩ්, මොකක්දෝ ලෙඩක් නිසා සති දෙකක කාලයක් බෙහෙත් කල බව පසුව​ සඳහන්​.


පසු වදන​'


මා කතාවේ ගොනු කරන්නේ, මා ඝෘජුවම  සම්භන්ද වුනු, මා ඈත ඉඳන් දුටු හා අසා දැන ගත්තු කරුණු අදාල කරගෙන, මට නිගමන් වූ මතට අනූවයි. කතාව තුල සඳහන් වන කරුණු සමඟ කවුරුන් එකඟ නොවේ නම්, එය ඔවුන්ගේ නිගමන් හෝ ඔවුන්ගේ මත වන අතර ඒ පිලිබන්ද මගේ තර්කයක් නැත. 


ව්‍යාකරණ, අක්ෂර වල වැරදි තිබෙන්නට පුළුවං නමුත්, වැරදෙන අකුරකින් හෝ යමකින් කතාවේ රසය ඔබට නොලැබී නොයන බව විශ්වාස කරන බැවින්, වැරදෙන අකුරකට වචනයකට කලබල නොවී සාවදානයෙන් ප්රතිචාර දෙන්න.

සැමට ජය​.... 

Wednesday, April 8, 2020

වෙද ඇස් දෙකකට පෙම් බැන්ද ඒකපාර්ශ්වික​ ප්‍රේමය​ !

ඇය, අවුරුදු 12 ක් හා 7 ක් වයසැති පිරිමි දරුවන් දෙදෙනෙකුගේ හා අවුරුදු 6 වයසැති ගැහැණු දරුවකුගේ මවකි. වයස අවුරුදු 35ක් පමන​ වන මැය, ඇස් දෙක, මැනික් කටුවෙන් පහල අත් දෙක​ ඉතිරි කර හිස සිට දෙපතුල දක්වාම කලු ලෝගුවකින් වසා සිටින, වෙදකාන්තාවකි. ඇය කරන්නේ, දේව කැමැත්තෙන් තමාට ලැබී තිබෙන​ ගුප්ත බලයක් හරහා කරන ප්රතිභාකාර්ය වෙදකමකි.

ළමයි එකලොස් දෙනෙකුගෙන් යුත් පවුලක බඩපිස්සිය ලෙස ඉපද, මේ වෙදකමට මැය යොමුවෙලා තිබෙන්නේ තමාගේ වයස අවුරුදු දාහතරේ, පාසල් යන අවදියේ සිටමය. ආගමික ඥානයන්ගෙන් හෙබී ජීවත් පුද්ගලයකු වූ තම සීයා ලැබ සිටී ඒ ඥානයේ අනුඵලයන් තමාටත් ලැබෙන්නට ඇති බව මැගේ මතයයි. අසාර්තක​ පළමු විවාහයෙන් දික්කසාද වී අවුරුදු 6ක් ගතව තිබියදීත් වෙනත් විවාහයක් නොකර තම දරුවන් හා මව සමඟ ජීවත් වන මෙම වෙද කාන්තාව​, තම පවුලේ විය හියදම් සපුරා ගන්නේ තමන් විසින්මය​. ඒ, අසහනයට පත් අය වෙනුවෙන් තමා කරන​ ශාන්තිකර්මයන් වෙනුවෙන් එය ලබන්නවුන් විසින් ​පිළිගන්වන මුදලිනි.

කාගේ හෝ හව් හරනක් නොපතන මැය දිරිය කාන්තාවකි, ආදර්ෂමත් ගැහැණියකි. පිළිගන්න​! මැය මේ සේවය දිගටම කරගෙන යන්නේ, නගරයේ ප්රදාන බාලිකා විදුහලක දෙමළ මාධ්යයෙන් ඉගෙනුම ලැබ අ.පො.ස සාමාන්ය පෙල A නවයකින් සමත් වී ඇති තත්වයකදීය. වාසනාවකටදෝ අවාසනාවකටදෝ, ඒ කිසිත් නොතකා මැය මේ සේවය දිගටම කරගෙන යන්නීය​. අවශ්යතාවන්ට අනූව ශාන්තිකර්මයන් සඳහා නිවසින් බැහැරව යාමට මැයට සිදුවෙයි. ඒ සඳහා ගමන් යන්න මැය යොදා ගන්නේ කුලී ත්රි රෝද රතයන්ය​. ඒ සඳහා විශ්වාසවන්තවුන් මැය තෝරාගෙන ඇත​. අවශ්ය විටක​ මධ්යම පලාතේ පිහිටි තමන් පදිංචි නගරයේ සිට​ මද්දහනද​ පසුවෙලා කොළඹ පිටත්වන මැය මධ්යම රාත්රිය පසුවෙලා හෝ තමන් පදිංචි කුලී නිවසට හැරී පැමිනෙයි.

(තම ආගමේ නොවන නමුත් පොලිසියේ සේවය කරන කුලී නිවෙස්කරු හා ඔහුගේ බිරිඳ ඉතා කරුණාවන්ත අය බව මැය සඳහන් කරයි) මැය​ තම ගමන් තනියට​, තමා සමඟ සිටින තම වැඩිමහල් සහෝදරයා හෝ තම ඥාති පුත්රයෙක් කැටුව යයි. මැය​ ඒ දේ කරන්නේද තනියම යාමට ඇති බියකම​ නිසා හෝ බැරිකම නිසා  නොව, ස්ත්රීයක් ගමන් බිමන් යාමක දී, තම පුරුෂයා හෝ විවාහ කර ගැනීමට තහනම් ලේ ඥාතියෙක් කැටුව යන ලෙස​ ඇගේ ආගම අනකර සිටී නිසාවෙනි. ඇය ආපසු තම නිවස කරා පැමිනෙන්නේද​ ඒ ත්රිරෝද රියෙන්මය​. (තම ආගමේ නොවන ත්රිරෝද රියදුරන්ද විනීතවුන් බව ඇය කියයි) සඳහන් ස්තානයේ සිට කොලඹ ගමනට පැය හතරක් ගතවුවත් ආපසු පැමිනීමේ කාලයද සමඟ සම්පූර්ණ ගමන් කාලය පැය අටකි. අවශ්යතාවයක් තිබුනෝතින් ඇය පසුදිනත් එවැනි ගමනක යෙදෙන්නීය​, තව අවශ්යනම් ඊට පසු දිනද යන්නීය​. දහවලින් පසු ඈත ගමනක සූදානමක් තිබුනද උදේ වරුවේ ඇය තමාගේ හා තම දරුවන්ගේ අනෙක් කාර්යයන්වල නිරත වෙයි. විඩාවක සේයාවක් ඇගෙන් කිසිසෙත්ම දිස් නොවෙයි.

ඕ ගැන විපරමින් බලන කෙනෙකුට​ ඇගේ ශරීරය සෑදී තිබෙන්නේ යකඩවලින්ද ලෙස සිතෙනු නෝනුමානයි. ඒ සාමාන්යයක්ද නැතහොත් ඇය ලබා ඇති ඒ ගුප්ත බලයේ ආශ්චර්යය නිසාද යන්න බව ප්රෙහෙළිකාවකි​. ඇය පදිංචි නිවසට යන්න අවස්තාව​ ලැබුනු කෙනෙකු, ඇය තමා පදිංචි එම නිවස​​ ඉතා පිළිවෙලකටත් පිරිසිදුවටත් තබාගෙන ඇති බව වටහා ගනීයි, එම නිවසේ එකුදු දූවිලි කැබැල්ලක් හෝ දක්නට නොතිබුනු බවද කියනු ඇත්තේ ඇස් විශාල ගනිමිනි. නිවසක් පිරිසුදුව තබා ගැනීම සාමාන්ය දෙයක් නමුත් මෙතරම් කාර්ය බහුල ස්ත්රීයක් එය එසේ පවත්වාගන්නේ කෙසේද යන්නයි විමතියට කරුන​. අනික, සාමාන්ය නිවසක් මා දුටු තරම් පිරිසිදුව තබා ගන්නට​ නම්, කෙනෙකුට​නිතර පහේ ඒ නිවස පිරිසිදු කරමින්ම ​සිටීමට​ සිදුවනු ඇත​​. අවස්තාවක, තේ එකක් ගේන්නද ලෙස මගෙන් විමසා සිටි ඇය​ මොහොතකින් උනු උනු තේ කෝප්පයක් ගෙනවිත් මා වෙත​ පිළිගැන්වුවේ  මාව තුෂ්නිම්භූත කරවිමිනි. එහි රසයද ඉහලම තත්වයක තිබිනි. මා දේ කියන්නේ මේ දේවල් ඈට කරන්න හැකිවී තිබෙන්නේ ඈ සතු ඒ ගුප්ත බලය නිසාම විය යුතුයි ලෙස සිතුනු නිසත් එහි අසාමාන්ය බවකුත් දැනුනු නිසයි.

සහෝදරයන්ගෙන් එක්කෙනෙක් මිය ගිහින්ද අනෙක් සහෝදර සහෝදරියන් ජීවත්ව​ සිටියදීත්,  දික්කසාද, අනාත​ කාන්තාවක් වන මෑට උදව් කරනවා වෙනුවට​ මැගෙන් යැපෙන්න ඔවුන් පුරුදුව සිටින බවක් මැගේ කතාවෙන් මට පෙනී ගියේය​. දික්කසාද වී අවුරුදු 6ක් ගතවෙලා තිබියදීත් මැයව තවත් විවාහයක් සඳහා කැමැති කරවා ගන්න මොවුන් උත්සාහ නොගන්න ඇත්තේ මේ නිසාම​දෝ කියලත් මට සිතුනි. තම පවුල​ තමන් ගැන තැකීමක් නොකරන බව දැන දැනත් ඒ කිසිත් නොතකා, මසුරුකම් නොපා ඔවුන් වෙනුවෙන් මෑ වියදම් කරන්නේ අත දිග ඇරලාය​. ඔවුන් ගැන මැය කෙසේ සිතා සිටියත් ඔවුන් ආර්ත්මාතකාමීන් ලෙසයි මටනම් සිතෙන්නේ.

අවුරුදු 91ක් වයසැති ඇගේ මව මෑ සමඟ ජීවත් වන්නීය​. තම දෝනියන්දෑ ශාන්තිකර්මයන් සඳහා නිවසින් බැහැර යන අවසතාවන්වලදී ඇගේ දරුවන් බලා ගැනීම හා ඉවුම් පිහුම් වැනි නිවසේ වැඩ කටයුතු කිරීම් කෙරෙන්නේ මේ මහළු මවගේ අතින්මය​. වැඩක් නැති අවස්තාවක වත්තේ යමක් කරමින් සිටීම මේ මහළු මවගේ පුරුද්දයි. මුනුබුරන් මිනිබිරියන් 59ක් හිමි මෙම මව කියන්නේ ඇගේ මව මියදුනේ අවුරුදු 111ක් ජීවත්වෙලා ඉඳිමින් බවයි. මේ කතා නායිකාව​ පමනක් නොව ඇගේ පවුල වටාම යම් කිසි ගුප්ත බලයක් රැඳී ඇති බව මට සිතෙයි. විවාහ​ වන​ අවස්තාවේ පවුම් 150 ක රන් ආභරන තමා සතුව තිබූ බව මෙම මෙම ස්ත්රීය වරක් මට කීවාය​. එයින් පවුම් 50ක් තමා ඉපයූ මුදලින් මිල දී ගත් ඒවා වූ අතර ඉතිරි පවුම් 100 ලැබුනේ තමා  කල ශාන්තිකර්මයකට කෙළෙහිගුන සැලකීමක් වශයෙන් දනවත් ඉන්දියානු පවුලකින් තෑගි ලැබුනු ඒවා බවය.

අවාසනාවන්ත පළමු විවාහය සිදුවුනේ තම සහෝදරියකගේ පුරුෂයාගේ සහෝදරයෙක් සමඟ බව ඇය කියන ඇය එය රැවටීමක් ලෙසත් කියයි. තමා විවාහ කර ගන්නා අවස්තාවේ දීද ඔහු විවාහකයෙක් බවත්, ඒ වනවිටත් ඔහුට දරුවන් ඉඳ ඇති බවත් ඈ මට පැවැසුවේ උදාසීනවය​. මේ බවක් තමා කිසිසෙත්ම දැන නොසිටී බවත් කියන ඇය​ තම සහෝදරිය පවා මේ බවක් තමන්ට වසන් කලේ මන්දැයි ලෙස​ ඈ මා සමඟ පැවැසුවේ කනස්සල් විලාසයනි. සත්යය වසන්කර​ තමාව අමාරුවේ වට්ටවා ඇති බව කියන මැය​ තම දික්කසාද පුරුෂයාට හරි හමන් ආදායම් මාර්ගයක් නොතිබුනු බවත් කීවාය. මොහු, තමාට​ රහසින් තම සේවාදායකයන්ගෙන්  මුදල් ඉල්ලාගෙන තමාව​ අපහසුතාවයන්ට පත් කල​බවත් කියන​ මැය​ රු 1500000/ ක පමන වන​ ​මුදලක්, ටිකින් ටික ගෙවා තමා නිමකල බවත් කීවේ සැහැල්ලුවටය.

එම පළමු පුරුෂයා මැයව ඔහුගේ නිවසින් සාහසකිව​ පිටමං කර ඇත්තේ ඈ සතුව තිබූ සියළු දෑ උදුරාගෙනය​. ඒ අවස්තාවේ එම නිවසේ තමා ඉපයූ මුදල් රු 500000/ තිබුනු බවත් ඇය මට කීවේ ඈ සතුව තිබූ ඒ පියකරු සිනහවේ බිඳක් හෝ නොඅඩුව තබාගෙනය​(සිනාසෙන ඇගේ මුහුණ​ මා නොදුටු නමුත් ඈ සිනාසුනු බවක් ඇගේ ඇස්වලින් මා දිටිමි) එක්තරා ශාන්තිකර්මයක් සඳහා සතියක කාලයකට එංගලන්තයටද ගොස් ආපසු පැමිනි බව මැය මට කීවේ සරල සිද්දියක් පවසන්නාක් මෙනි. මේ කාන්තාව මා සමඟ පැවැසූ මේ දේවල් සත්යමද ලෙස වරෙකට සිතුනත්, ඈ හා ඇගේ ආශ්රිත පරිසරයෙන් මා දිටි සමහර දේවල් නිසා ඒවා සත්යයන්ම විය යුතුයි ලෙස සිතන්නට සිදුවිය​. අනික කුඩා ළමයකුගේ මෙන් හැසිරුනු ඇගේ දෑස්වල බොරුවක ලක්ෂනයක් මා නොදුටුවෙමි.

තමන් වෙත පැමිනෙන්නන් ඝරු සරු ඇතිව පිළිගන්නා ඇය​ පැමිනෙන්නවුන්ගේ අවශ්යතාවයන් තේරුම් ගෙන කටයුතු කරයි. මුදලට වඩා දෙයක් එතන තිබෙන බවක් පෙනෙයි. උස් පහත්, මුදල් ඇති නැති ලෙස හෝ වෙනත් කාරනා නිසා ඇය සේවාදායකයන් බෙදා වෙන් නොකරයි. අනුන් සමඟ සසඳන විට තම ශාන්තිකර්මයන් සඳහා ඇය අරගන්නේ බොහොම කෙටි කාලයකි. නිකරුනේ වියදම් ඇති කර රෝගීන් අපහසුතාවයට පත් නොකරයි.​​ සියල්ලන් සම​ඟ ඉතාමත් ප්රිමනාපව හැසිරෙන්නේ, ඒ කතා කලවුන් 'නැවැත වරක් ඈ සමඟ කතා කරන්න ඇත්නම්' ලෙස සිතන්නට සලසමිනි. ඇය මෙසේ හැසිරෙන්නේ එසේ කිරීමෙන් තමන්ට වාසි අත් කරගන්නයි ලෙස කිසිසෙත් මා අදහස් නොකරමි. මේ ඇගේ සාමාන්ය ස්වභාවයයි. 

ඕනෑම දෙයක් සැහැල්ලුවට ගෙන යතාර්තව සිතන ඇගේ ගුණය මාව බෙහෙවින්ම ග්රහනය කලේය​. ඇය අතිශයින්ම වශීකරයි, ගැහැණු පිරිමි බේදයක් නැතුව​ සියල්ලන් ඈට වශී වෙයි. ඇය 'රාගීයයි' බවක් කිසිසෙත් මා මෙයින් අදහස් නොකරමි.  'ඇය රාගීය නොවෙයි' ලෙසත් මෙයින් අදහස් වන්නේ නැත​, ඇගේ ස්වාමිපුරුශයාට ඇය රාගීයව හැසිරෙන්න ඇති සමහර විට​. සේවයන් පතන මුවාවෙන් තමන් සමඟ කතා කරන අදහසින් පැමිනි පුද්ගයන්ද සිටි බව ඇය මට කීවේ සිනහව උපදවමිනි. එම හේතුවෙන් එතෙක් මුහුන නිරාවරනය කරමින් ජීවත් වූ තමා මුහුන ආවරනය කරන්න පුරුදු වූ බවත් කීවාය​. ඇගේ එම වචන පෙල මට ඉදිකට්ටකින් ඇන්නාක් මෙන් රිදුනි.

ඇසුරු කරන කෙනෙකුට​ මේ වෙදවරිය​, නිතරම පාහේ 'ඇය අසල තමාව රඳව ගන්න හෝ තමා අසල ඇයව රඳව ගන්න, සිතෙන සුළු අපූරු චරිතයක් වූවාය​. එහිද ගැහැණු පිරිමි බේදයක් නොමැති වුනත් පිරිමීන් විශේශයි. ඒ ගැහැණියකගේ සුඛෝමල බවේ රසය විඳීමේ ප්රවනතාවය ගැහැණුන්ට වඩා පිරිමීන් ඉහලව දරන නිසාය​. මේ වෙදහාමිනේගේ සුඛෝමල කම එලිදැක්වෙන්නේ ඇගේ​ නේත්රා යුගල ​ප්රමූක කට හඬද ඇතුලුව දෙඅත් හා දෙපාවලින්ම පමනක්ම බව කීම විශේශිතයි. මැය මෙසේ හැසිරෙන්නේ උවමනාවෙන් අනුන් ආකර්ශනය කරන්නද, නැතිනම් සාමාන්යයක්ද කියන්න මට නොතේරෙයි. ඇය අනුන් ආකර්ශනය කරන්න මෙසේ හැසිරෙන්වා නම් ඇගේ ආගමට අනූව ඇය කරන්නේ වරදකි  (එම ආගමට අනූව ස්ත්රීයක් තමාව කලු ලෝගුවකින් වසා ගන්නේ පිටස්තර පිරිමීන්ගේ ආකර්ශනයෙන් මිදීමටය​. එය එසේ නොවෙනවා නම් එම ලෝගුව පැළඳීමෙන් පලක් නැත​. තමා තමාවම රවටා ගැනීමකි) (වැරදි චේතනාවක් නොතිබුනත්, අනුන් තම තම ආකර්ෂනය ලබනවාට ස්ත්රීයන් බොහෝම කැමැතිය, එයින් මිදෙන්නේ ඉතාම ප්රවේශමෙන් සීලය රකින ස්ත්රීන් පමනි)

ඇය දැනට කරගෙන යන සේවය​​ ඇගේ හෝ මගේ විශ්වාසයන්ට අනූව හරිද වැරදිද කියන්න නියතවම​ මම නොදන්නා (අනුමැතියකින් තොර අනුන්ගේ සිත් කියවීම​, සමාන්ය ලෙස දැකිය නොහැකි වැසී ඇති දෙයක්, යම් ගුප්ත බලවේගයක් තුලින් බැලීම හෝ කියවීම ඇගේ/ මගේ ආගමට අනූව තහනම් කර ඇති නිසා) නමුත් අවස්තා තුනක දී ඈ කල ශාන්තිකර්මයන් නිට්ටාවටම​ හරි ගිය බව මා අත්විඳී සත්යයකි. තම ආගමෙන් එපිට අය වෙත ඇය නිර්නය කරන දේ​ මා නියතවම​ නොදන්නා නමුත් තමාගේම ආගමට අයත් රෝගීන් වෙත දන්ඩ නමස්කාර කිරීම දේව ග්රන්ථ පාරායනය කිරීම වැනි දෑ ඇය දිරිමත් කරයි.

මැගේ ජීවිතය ගැන අවධානයෙන් බැලූ කල මට වැටහුනු දේ නම්, ඇය තම පෞද්ගලික සතුට, මිල මුදල්, තාන්න මාන ගැන වැඩි තැකීමක් නොකරන බවයි. එය එසේ නොවූනත් තමා කරන දෙයින් ඇය යම් මානසික සතුටක් විඳින බව නම් මට නිසැකවම තේරිනි. එය එසේ නොවුනා නම් මේ දේ දිගටම කරගෙන යෑමේ සිතක් ඇයට පහල නොවෙනු ඇත​​. ඇය මේ දේ කිරීමෙන් සැලකියයුතු මුදලක් උපයනවා කියන එකත් ඉහල මා සැපයූ විස්තරවලින් තහවරු වන නමුත්, ඒවා ඉතිරිකරගෙන එමගින් තම දිවිය සව්පුරන්න ඇය අපොහොසත් වී ඇති බව​ත් තහවුරු වෙයි. එය එසේ නොවේ නම් තව වෙනකම් කුලී නිවසක පදිංචි වී සිටීමට ඇයට අවශ්යතාවයක් නැත​. කෙසේ නමුත් තමා උපයන මුදලින් විශාල කොටසක් තමන් වටා ඇති අති විශාල පවුල වෙනුවෙන් මැය වැය කරන බව පේනවා. මේ ගුප්ත මායාකාරී මගේ සිත විසනය කල තවත් විසනකාරියක් වූවාය​...........

මේ වෙදහාමිනේව​ මා පලමුවරට හමුවුනේ මගේ පවුලට ඇතිව තිබූ අසහනයක් පිලිබඳව කියවීම​ සඳහා, අපේ ව්යාපාර​ ස්තානය වෙත ඈ පැමින සිටි අවස්තාවක දීය​. මිතුරෙකුගේ මාර්ගයෙන් හඳුනාගත් ඇයව මගේ ස්තානය වෙත මා කැටුව ගියේ මගේ පවුලේ වාහනයේය​. අපේ ගමනට ඉහත කී මගේ මිතුරාද එක්වූ අතර අපේ ඒ ගමනට පැයක පමන කාලයක් ගතවිය.​ ගමන​ අතරතුර මාද මිතුරාද අතර ඇතිවූ සුහද​සංවාදවලට ඈද එකතු වූයේ ඒ සාංවාදයන්ට නවරසයන් එක්කරමිනි. ප්රතම වතාවට ඇගේ මිහිරි කට හඬ ශ්රවනය ලැබූ මගේ කන ඒ මිහිරෙන් උන්මාද වී ගියේ මසිත​ නන්නත්තාර කරවමිනි. නන්නත්තාර වූ සිත එසැනින් සපල නොවූයේ ඒ වනවිටත් ඈ පිළිබඳ සත්ය විස්තර මසිත නොදැන සිටී නිසා විය යුතුයි. අවශ්ය ​පරතරය තබාගෙන ඈ සමඟ මා ඉතා විනීතව හැසිරුනේ මා සැබැවින්ම විනය ගරුක පුද්ගලයෙක් වූ නිසයි.

ඇගේ ඇස් මා පලමුවර දුටුවේ විදුලිය නැති අවස්තාවක් වූ සවස් යාමයේ ඒ අඳුරු කුටිය තුල දීය​. ඒ, ඇය ඉටි පහන් එලියක ආදාරයෙන් අපගේ අවශ්යතාවය වෙනුවෙන් පෙනී සිටි අවස්තාවේ දීය​. ඇගේ මුව අප සම්භන්ද තොරතුරු එකින් එක කියවන විට ඒවා මගේ කන නොවැටුනේ, ඇගේ ඇස් කියූ දේ බලවත් වූ නිසයි​. කියන්න වර්ණයක් මට නොතේරෙන නමුත් ඇඹැතිස් පලිඟුවකට ටෝච් එලිය විහිදුවාම, එතුලින් දිස්වෙන ලා දම් පාට එලියක් වැනි එලියක් ඇගේ ඇස්වලින් දිස්වුනාදෝ කියලත් මට සිතෙයි. තිබූ අඳුර ඇගේ ඇස්වල දිස්නය තව තවත් වැඩි කලේ පලිඟු කැට දෙකක් මෙන් දිලිසෙමිනි. තිබූ අඳුරේ දී මා යමක් දැක බලාගදත්තේ ඇගේ ඇස්වලින් විහිදෙන​ ඒ එලිය නිසාමදෝ කියලත් මට​ සිතුනි. ඇගේ ඇස් දුටු මගේ ප්රතම බැල්ම මා බිම හෙලා ගත්තේ ඒවායේ තිබූ අධිතර​ දිස්නය නිසා වැඩි වෙලාවක් ඒවා බලා සිටීමට නොහැකි වූ නිසාද, අනියම් ස්ත්රීයක් රස විඳීම මට තහනමක් බව මෙනෙහි වූ නිසාද විය​. පලමු බැල්මේ දීම මා ඇගේ ඇස්වලට වශී වුනු බව ඇයටද තේරුනු බවක් පසුව ඇගේ ඇස් හැසිරුනු ආකාරයෙන් මා වටහා ගතිමි. සැබෑටම ඈ සතුව තිබුනේ ආලවන්ත ඇස් දෙකකි.

ඇගේ ඇස් දෙක මාව මෙතරම් ආකර්ෂනය කරන්න වූ තවත් හේතුවක් විය හැක්කේ, මා ඇයව​ දැක්කේ ඇගේ ඇස් තුලින් පමනක් වූ නිසයි. වසා ඇති යමක් වෙත​, ඕනෑම කෙනෙක්ගේ බැල්මක්​ කේඳ්රගත​ වන්නේ එම දෙයේ විවුර්තව පෙනෙන​ කොටස් වෙතටයි. සියල්ල එක්කැටිව ප්රදර්ශනය වන එම කොටස බෙහෙවින්ම ආකර්ශනීයශීලියි. එයිනුත් බැල්මන් ඇස්වලට කේඳ්ර වීම සාමාන්යයකි. මේ ස්ත්රීයව මා දකින්න ඇත්තේ නියත වශයෙන්ම පස් වතාවකි. ඒ පස් වතාවන් තුල දීම​ ඇය මාව දරුනු ලෙස ආකර්ශනය කලාය​​. ඇගේ හැසිරීම්, කතා විලාසයන්, ගතිගුණ​, සිනා, මනා ( මා දැක නැත නමුත් අනුමානයෙන්) ඇවිදීම් සිට ගැනීම් ඉඳ ගැනීම්, හැම දෙයක් තුලින්ම ඇය මා ආකර්ෂනය කලාය​. මා මේ ස්ත්රීයට මෙතරම් වශී වුනේ ඇගේ මුහුන නොදැකමය​. එය අතිශයින්ම පියකරු එකක් බව  තදබල​ විශ්වාසයක් මට තිබුනි.

මා ඇය හමුවුනු සියලුම අවස්තාවලදී ඈ මා සමඟ කතා කලේ තම​ ඇස්වලිනි. එහෙයින් ඇගෙන් ගිලිහිනු සංඥා බොහෝමයක් සත්ය ඒවාම බව මා විශ්වාස කරමි. කට බොරු කීවත් ඇස් බොරු කියන්නැයි කියන්නේ! එවැනි ඇස් දෙකක ආශ්රයක්, මිත්රත්වයක්, හව්ලක්, හව්හරනක් කිසිදාක නොලැබේදෝයි සාංකාවෙන් පෙලෙමින් සිටි මට මේ ඇස් අලුත් ඉඟි නිකුත් කලේය​​. සත්යයෙන් පලමු අවස්තාවේ දීම මාව වශී කරන්න සමත් වුයේ ඇගේ ඇස් දෙක පමනක් නොව, මා ඉදිරියේ මායාවන් පාමින් හැසිරුනු, ඇගේ හීන්දෑරී ඇඟිලි සමූහය​ද වූහ​​ 

(තමා ආගමානුකූලයි ලෙස මැය කොපමන සිතා සිටියත්, මැය ආගම නියමාකාරයෙන්ම අනුගමනය කරනවාය යන්නට මගේ එකඟතාවයක් නැත​. ඇය ආගමානුකූම නම් මට ඈ කෙරෙහි ආකර්ෂනයක් ඇතිවෙන්න බැරිය​. තමාව සම්පූර්ණයෙන් වසාගෙන සිට හෝ ඈ මාව ආකර්ෂනය කර උන්නාය​, මා පමනක් නොව මැය සමඟ කටයුතු කරන්න වෙන ඕනෑම පිරිමියෙක් මේ ඉරනමට මුහුන පායි. එම ආකර්ෂනය හේතුවෙන් ගතින් සිතින් එම පුරුෂයා කරන පවට මැයද හවුල් කාරිය වන්නාය​. පුරුෂයා මත වරද පටවා එයින් නිදොස්වෙන්න මැයට කිසිසෙත්ම බැරිය​, මැය එයට වග උත්තරකාරීම වන්නාය​, ​අබ්බාගාතයෙක්ගේ හෝ නමක් තම නම පිටුපසින් ඇය එකතුකරගත්තා නම්, බොහෝ දුරට සිදුවෙන මෙවැනි අපහසුතාවයන්ගෙන් මිදීමට ඇයට හැකිවනු ඇත​, ඇය සමඟ කටයුතු කරන පුරුෂයන්ද මෙය දැනගෙන ඇගෙන් ඈත් වී කටයුතු කරනු ඇත​,​එහෙයින් මැය මේ සේවය කිරීමේදී මීට වඩා කල්පනාකාරී විය යුතුය​)

ඈ අතර මා තබා තිබූ දුරස අව ම වී මගේ විනයද ලිහිල් වන්න කාරනා වූයේ ඈ පිලිබඳව සත්යයක් මගේ කන වැටුනායින් පසුවය​. ඒ,ඒ වනවිටත් ඇය, කාටත් අයදුම් කල හැකි දික්කසාද ස්ත්රීයක් බව​ මට දැනගන්න ලැබීමෙන් පසුවය​. එය දැන ගැනීමෙන් පසු ඈ වෙත මගේ සිත ඇදී ගියේ නිදැල්ලේ, පාලනයෙන් තොර​ මුරන්ඩුකාරී ලෙසය​. නිතරම ඈ ගැන සිතන්නත් සිහින මවන්නත් මගේ සිත පෙලඹුනේය​. ඒ අනෙකක් නිසා නොව මා 40 පසු කල​ විවාහක හා දරු දෙදෙනෙකුගේ පියෙක් වූ නිසාය​. දරුවන් දෙදෙනාගේ අනාගතය මෙන්ම​​​ මුහුන පාන්න වෙන ප්රශ්නයන්ද සිහියට විත් මට වද දුන්නේ මාව වැට උඩ ඉන්දවාය​. ඈව මතකෙන් ඈත් කර, අධිෂ්ඪාගතව ඇගෙන් වැලකෙන්න මා උත්සාහ කලේ මගේ මුරන්ඩු යටිසිත සමඟ පොර බදිමිනි.  ප්රයෝජනයක් නැත, මගේ බිරිඳ මා ඉදිරියේ සිටියත්, මගේ දරුවන් මා අසලම සිටියත්, ඇගේ ඒ මායාකාරී ඇස් මගේ ඉදිරියේ මැවී පෙනෙන්න විය​, ඇගේ ඇඟිලි තුඩු විජ්ජා පාන්න විය​.

'මට මෙසේ වෙන්න හේතුව මන්ද' සිතන්න වුයෙමි. විවාහ ජීවිතය සාර්තක එකක් නම් හා ඒ තුලින් මගේ උවමනා එපාකම් සපිරෙනවා නම්, ආදර බැඳීමක් තිබේ නම් මේ ලෙස සිත අයාලේ යන එකක් නැහැනේ. මගේ ජීවිතයේ යම් වරදක් තිබෙන බව මා දනිමි. මගේ සිත සොයන, ආශා කරන සතුට මගේ විවාහ ජීවිතය තුල මා නොලබන බව මට දැනුනේ විවාහයේ අලුත සිටමය​. ඒ අතර තුර ගිළිහී ගිය තම සතුට සපුරාලන යමක් මගේ සිත සොයන්න වූයේ මටත් හොරාමය​​. ගිළිහුන එම සතුට 'මෙම ස්ත්රීය මගින් සපුරා ගන්න හැකි වේවියි' සිත තදින් විශ්වාස කලේය​. මා තරමක් පසු බසිනු දුටු සිත​  'පසු බහින්න එපා, මෙය ඔබ ලබා ඇති මහඟු අවස්තාවක්, ඔබේ සීලය ආරක්ෂා කර ගැනීම පිනිස​ ඔබ ලැබූ අයිතියයි' ලෙස කියා මාව දිරිමත් කලේය​.

එනිසාවෙන්, තමා කැමැති තාලේ චරිතයක් හමුවූ පමනින්ම මසිත එය පසු පස ලුහුබඳින්න පෙලෙඹුනේ මගේ අනුමැතිය නොවිමසාමය​. සිතට වහල් වූ මා එය අයාලේ යන්න අතෑරියේ එය සොයනුයේ මට සෞම්ය දෙයක් බව මට දැනුනු නිසාය​. වරදාන්විත හැඟීමක් මට ඇති නොවීය. (අසරණ දික්කසාද හෝ වැන්දඹු ස්ත්රීයකට හා ඇගෙන් යැපෙන්නන්ට හව්හරනක් වීමේද ආරක්ෂකයෙක් වීමේ චේතනාවෙන්ද, සමාජයේ එවැනි ගැහැණියකට මුහුන පාන්න වෙන හිරිහැර නරක නාමයන්ගෙන් ආරක්ෂා කර ගැනීමේ චේතනාවෙන්ද මෙවන් දේකට​ එළඹීම මා අයත් ආගම​ දිරිමත් කරයි, එය පිං ලැබෙන කාර්යයකි, ආර්තික ශක්තියයි ශරීර ශක්තියයි තිබේනම්, සියල්ලට සමබරව සලකන්න හැකිනම් එකම අවස්තාවක භාර්යාවන් සතර දෙනෙක් දක්වා විවාහ කර ගැනීමට මා අයත් ආගම​ අනුමත කරයි,  එක්කුස උපන් සහෝදරියන් එකම අවස්තාවේ දී භාර්යාවන් ලෙස තබා ගැනීම​ ආගම තහනම් කරයි)

(තනිව සිටින ගැහැණියක හෝ පිරිමියෙක්ව ග්රහනය කර ගන්න සාතාන් අති දක්ෂයෙකි. අනාචාරය යනු ශාරීරිකව කරන එක පමනක් නොව බැල්මකින්, මානසින් කරන දේද අනාචාරයකි, පවකි. ) ඒ කරුණුද සමඟ, අනාචාරයෙන් හා සිත අයාලයේ යෑමෙන් මිදීම සඳහා බහු විවාහයන් කර ගැනීමට ආගමෙන් මට ලැබී ඇති අවසරයේ මුවාවෙන්, මගේ මේ ඉදිරිපත්වීම මා සාධාරණීකරනය කර ගතිමි. ආදාල ගැහැණියට එවැනි වරදාන්විත හැඟීමක් නොතිබෙන්නට පුළුවන් නමුත් ඇය සමඟ කටයුතු කරන්න වෙන පිරිමියාට ඒ හැඟීම​ ඇති වන්නට පුළුවන් නේද​? (සාතාන් කොයි මොහොතේත් තමාගේ ගොදුර ඩැහැගන්න මාන බලාගෙන ඉඳීයි, අනුකූලව ජීවත් වෙන අප ආගමට​ අයත් අය බිය වන්නේ මිනිසාට නොව, සැබැවින්ම සාතාන්ටය​, සියල්ලන්ව වරදට පොළොඹවන්නේ සාතාන්ම බව අප තරයේ විශ්වාස කරමු)

මා ස්ත්රී ලෝලියෙක්ද​? කුපාඩියෙක්ද​? ලෙස මෙය කියවන අය සිතෙනු ඇත​. ස්ත්රීයක් කෙරෙහි ඇල්මක් ඇති වීමට ස්ත්රී ලෝලියෙක්ම හෝ කුපාඩියෙක්ම විය යුතුද​? බලාපොරොත්තු සුන්වී අසහනයෙන් පෙලෙන කෙනෙකුට එවැනි සිතක් ඇති වීම වරදක්ද​? ඇල්මක් ආදරයක් ඉපදිය යුත්තේ 20 දීමද​? ඇයි 40 දී එය සිදුවුනානම් එය වැරදිද​? මා මැයට මෙම​ යෝජනාව ගෙන ඒමට සිතීම වරදක් ලෙසට කිසිසෙත්ම නොදකිමි.

අපේ දෙවෙනි හමුවීම වෙද උවමනාව නිසාම වුවක් වූ අතර මා ඒ ලැබුනු අවස්තාව උපයෝගී කර ගත්තේ පුදුම සතුටකිනි. තුන්වෙනුවද එහෙම එකක් වූ අතර ඒ අවස්තා දෙකම ඈ සමඟ කතා කරන්න මට වැඩි කල් ගන්න බැරි විය​. සතර වැනි අවස්තාව මා උදාකර ගත්තේ හේතුවක් නොතිබුනු බැවින් මගේ පෞද්ගලික කියවීමක් අවශ්යව ඇති බව ඇයට කියමිනි. මේ ගුප්ත මායාකාරී සමඟ වැඩි වෙලාවක් මා ගත කරේ මේ අවස්තාවේ දීය​. ඇගේ පෞද්ගලික වග තුග දැන ගන්න මම එම අවස්තාව උපයෝගී කර ගත්තෙමි. ඉහත දී මා විස්තර කල ඇගේ විස්තර බොහෝමයක් මා අවශෝෂණය කර ගත්තේ මෙම අවස්තාවේ දීය. ඇගෙන් ස්පර්ශයක් ලැබුනු අවස්තාවද මෙය විය ( වරදවා සිතන්නෙපා, වෙදකම සඳහා වූ සාමාන්ය ස්පර්ශයක්, ඇය දේව බියව කටයුතු කරන සිල්වත්​ කාන්තාවක් ​) එම ස්පර්ශය නිසා මා විඳී සතුට ගැනයි කිව්වේ. 

මා කොපමන​ මාව සාධාරණීය කරන්න උත්සාහ කලත් මා අදහන ආගමට අනූව මා කරන්නේ වැරදිය​ (තනිපංගලමේ ඉඳන් අනියම් ස්ත්රීයක් සමඟ සල්ලාපයේ යෙදෙන්න කොහොමටත් ආගම අනුමත නොකරයි, නොවලැක්විය හේතුවක් තිබුනොත් මිසක් අන්ය ස්ත්රීයක් සමඟ පිරිමියෙක් කතා කිරීම ආගම තරයේ තහනම් කර ඇත) ඈ පිළිබඳ අදහසක් ඇතත් මා මේ දෙස යොමු විය යුත්තේ තරමක​වෙනස් ආකාරයකිනි.

ඇය මා අමතන්න වූ සැමැවිටම ඇමැතුවේ 'නානා' (සහෝදරයා) යන යෙදුම් යොදාගෙන නමුත් මා කිසිවිටකත් සහෝදරිය කියන යෙදුම් යොදාගෙන ඇයව ඇමැතුවේ නැත​. ඒ මගේ සිතේ සපල කම තිබුනු නිසා විය යුතුයි. සහෝදරියක් ලෙස ඇයව දකින්න මසිත කිසිවිටකත් කැමැති නොවුයෙමි. සිතට​ එකඟව කටයුතු කරන්න කැමැති මා බොරුව පිළිකුල් කරන්නෙකි. ​අවස්තාවක් උදාවුනොත් මා තවත් විවාහයක් කරගන්නා බවට මගේ බිරිඳටද මා පවසා ඇත්තෙමි.

මා මේ යෝජනාව ඇය වෙත ඉදිරිපත් කලේ නිසැකවම ඇය මා ප්රිය කරන බව දැන ගැනීමකින් පසුවය​. අනික, ආගම ගැන නිසියාකාර දැනුමක් ඇති හා විවාහයක දැඩි අවශ්යතාවය ගැන දන්නා ඇය කිසිසෙත්ම එය ප්රතික්ෂේප නොකරයි ලෙසට දැඩි විශ්වාසයක්ද මට තිබුනි. ඇය ඇගේ අවසන් වී ගිය විවාහ ජීවිතයේ සමහර කරුණු මා සමඟ බෙදාගත්තේද ඇගේ සිත මාව පිළිගෙන ඇති නිසාම බව මා අනුමාන කලෙමි. හමුවීම් කිහිපය තුල දීම ඇය මා සමඟ පිළිසඳරේ යෙදුනේ ඉතාම කැමැත්තෙන් හා කුළුපගවය​. ඇය මට අකැමැති බවක සේයාවක් කිසිසෙත් මා ඇගෙන් නොදිටිමි. එම නිසාම පැකිලීමකින් තොරවම ඈට ඇති මගේ කැමැත්ත ඉදිරිපත් කලෙමි.

මා තරමක් ඉක්මන් වුනාදෝ ලෙස මට හැඟුනත්, මා ඉක්මන් වන්නට හේතු ​වුනේ නිතරම අන් පිරිමීන් සමඟ කටයුතු කරන්න සිදුවෙන​ මෙවැනි සුඛෝමල ගැහැණියක්ව වෙනත් කෙනෙක් ඩැහගෙන යාවිදෝ යන මට ඇති වූ  බියයි​. මා ඇය හමුවුනු පස්වන අවස්තාව තමයි මා ඈ සමඟ කතා කල අවසන් අවස්තාව​, ඒ කවිපතක් ඇගේ අතේ තබා ඇගේ කැමැත්ත විමසා සිටී අවස්තාවයි. එවෙලේ ඇය එය කියවන්න ගිය නැති අතර එය පසුව කියවන්නම් ලෙස ඈ මට කීවාය​. සිංහල කියවන්න ඇය නොදන්නා බව හැඟුනු නිසාදෝ මා එම කවි පෙල ලීවේ, කියවන්න දන්න නමුත් ලියන්න නොදන්නා දෙමළ භාශාවෙනි. යම් සාහිත්ය රසයක් මට තිබුනු නිසාදෝ අන්ඩර දෙමළින් හරි කියන්න ඕන වුනු දෙය කවියක්  මගින් ඇයට​ කියන්නට මට හැකි විය​. එම අවස්තාවේ දී මා ඇයට සුළුපහේ තෑග්ගක්ද දුන් අතර ඇගේ අතින් පිළියෙල වූ තේ කෝප්පයක රස විඳීමටද මම වාසනාව ලැබුවෙමි. තේ කෝප්පයක් ඉරීම සාමාන්ය දෙයක් වූ නමුත් ඒ තේ කෝප්ප්පය මට අමුර්තයක් විය. මා දෙමලින් ලියූ කවිය මෙසේය ( අකුරු භාවිතයේ වැරදි නොතකා එහි අන්තර්ගතය පමනක් කරුණට ගන්නා ලෙස දෙමල දන්නා අයගෙන් ඉල්ලා සිටිමි)

கண்ணுக்கு மய்யலகு.....கவிதய்க்கி பொய்யலகு.....சொல்வது பாடலே.....


கண்ணிலே மய்யும் இல்லை.....கவிதயில் பொய்யும் இல்லை.....எண்பது உண்மயையே.....


கண்டது கண்கலை மட்டுமே இண்றி​ உண் முகமல்ல.....முகம் காண​ தேவய்யில்லை உண் அலகய்ச்சொல்ல.....

கரும் கண்ணல்ல.....காதல் கதய் சொல்லும் கதைப்புத்தகமே.....இலம் கருமைய்யில் ஜொலிக்கும் கவிதய் கலைண்ஜியமே.....

கவில்ண்ததோ எண் கண்கல் உண்தண் முதல் சண்திப்பிலே.....மெலுகுவத்தியிண் ஒலியிண் ஊடாக​ அண்த​ இருட்டு அரய்யிணிலே....மரண்தேணோ எண்ணய் ஆடி அசய்யும் உண்தண் கவிதய் அலகிலே.....

உதடுகல் எண்ணவோ பேசியது கேட்கவில்லய்.....கண்கல் சொண்து மட்டும் கேட்டது.....எண் நெண்ஜில் ஆலமாய் பதிண்தது.....மரக்க​ முடியவில்லய்......

ஓர் இரு நிமிடம் நிண்றாலும் கடுக்கும் எண் கால்கல் கடுக்க​ வில்லய் உண்தண் முன்ணிலே.....பஸி தாகம் மரண்ததோ எண்மணம் உண்தண் தரிஸணத்திலே......

நேரே பார்க்க​ முடியாமல் கீலே தால்திணேண் எண் கண்கலய்...மணமுரண்டாக​.....தவிர்த்தேண்...தவிர்த்தேண்...இயண்ற வரய் தவிர்த்தேண்...இறய் பயத்தால்.....போராட​ முடியாமல் திரும்பவும் பார்தேண் ஆவலிண் உரத்தால்......

ஓஒஹ்ஹ்....அது கண்கலா .....சிரகடிக்கும் இரு பரவய்கலா.....அல்லது, துடி துடிக்கும் இரு மீண்கலா.....கண்கலய் கவரும் இரு சித்திரண்கலா.....அல்லது கண்கலயே சுட்டெரிக்கும் தீ ஜுவாலய்கலா......

தப்பியதோ கண்கல் எண் மூக்கு கண்ணாடியிண் தயவால்.....மீரி சுட்டதே எண் இதயத்தய்....அதட்கு இல்லையே காவல்.....

தடுமாரியது எண் மணம் நிலய் குலரியே.....மரக்க​ துடித்த​து அதய், யாருரிமய்யோ..... அவய் எணதில்லயே......

உண்மய் புரிண்தவுடண் புத்துயிர் கொண்டேண் மீண்றும்..... எண் கணவில் கண்டேண் உண் கண்கலை தொடர்ண்தும்....

காரணம் தேடியது எண் மணம் உண்ணை திணமும் காணவே.....காரணம் கிடய்க்காமல் தவிர்தது எண்மணம் நிலய் குலரியே....

மணம் ஒரு குரண்கோ....துவண்டுப்போண​ உல்லத்திண் தேடலோ....அல்லது எண் உரிமய்யய் நிணய்வூட்டும் ஒரு நிணய்வலைய்யோ....இல்லய் மாண்டுப்போண​ எண்ணுல்லத்தய் நிலை நிருத்தும் ஒரு மாமருண்தோ.....

கண்ணே...உண்ணை அணுக நிணணைக்குது மணமே....ஆணால்...தடுத்து நிருத்துது இரு தடய்கலே.....

ஆசய் கொண்டது மணம் நீ எணதே ஆவதை....ஓஸய் எலுப்பாமல் அலுதது மணம் தடய்கலை எண்ணியே.....

முதலாமை தடையல்ல எண் உரிமய்யே.....இரண்டாமையே தடய், அது ஆணிண் கடமையே.....வால்கையிண் முதுகெலும்பே......

கண்ணே....முடிண்துப்போண​​ எண் மூச்சி, நிமிடமாவது நீடிக்கும் நீ இருண்தால் எண் அருகே.....நடுமய்யய் கண்டிருக்கும் எண் வயது குரய்ண்திடுமே அறய் பாதியே............

கண்ணே.....மாண்டு போண​ எண் மணதுக்கு மருண்தாக வருவாயா.....பசுமய்யாண​ உண் இதய்யத்தில் இடம் ஒண்று தருவாயா......

கண்ணே.....ஏண்துவாயா  கய்கலை உண் இறய்வணய் நாடியே....எண் வால்கயில் வெற்றியய் கண்று கணவிணய் வெல்லவே....

நாண் தேடிய​.....காண​ ஏண்கிய​.....அண்தக் கண்கல்..........அவய் உணதே.....எண்ணய் தீண்டிய​ உண்தண் கண்கலே...........................

தொடர்ண்தும்.............

கண்டது கண்கலய் மட்டும் அல்ல பெண்ணே...உண் பாதம்கலயும் கண்டேண்.....நீ எண்ணருகில் வண்த​ போது அதண் அலகிணய்க் கண்டேண்.....உண் பாத​ அலகய் மரய்க்க​ எத்தனிக்கும் வெள்லி கொலுஸுகலயும் கண்டேண்...........

வெண்டிக்காய் பின்ஜாய் தெரிண்த​...உண்கய் விரல்கலயும் கண்டேண்.....எண் பாதண்கல் தொட்டபோது அதண் மெண்மய்யய் உணர்ண்தேண்.....

உண் உடலய் நடணமாடச்செய்யும் உண் நடய் அலகய் கண்டேண்....தெண்றலாய் எண் மீது படிண்த​ உண் மூச்சிணைய்யும் கண்டேண்........உண் சுவாஸத்தயும் நுகர்ண்தேண்....

தொலய் பெசியிண் ஊடாக​ உண் குரல் இணிமய்யய் கண்டேண்.....நேரிலும் கண்டேண்........

அணுமாணமாக​ சொல்கிரேண் பெண்ணே...சிரிதாக​...சிகப்பாக​ இருக்கும் உண் காதுகலும் அலகே.....ரோஜா இதல்கலாய் சுவக்கும் உண் உதடுகலும் அலகே......

சிரிதாக​ அலகாக​...உண் மூக்கு நீலமாணதோ.....நீ அடக்கி ஆல்வவலே இண்றி அடண்கி போவவல் அல்ல எண்பதய் உணருகிரது ....

மூடி இரிண்தாலும் உண்ணய் முட்றிலும் நாண்கண்டேண்....எண் மணக்கன்ணால் உன்ணய்க்கண்டேண்.....நீ அலகியல்ல...ஓர் பேரலகியெண்பதய்யும் உணர்ண்தேண்..........................................!

සාමාන්යයෙන් වැඩ බහුලව සිටියත් ඇමැතුම් දෙකක් තුනක් ලබා දුන් විට හෝ පෙරලා පිළිතුරු දෙන ඇය දින දහයක් ගත වනතුරුම මට​ පිලිතුරු දීමෙන් වැලකී සිටියාය​. එකම අවස්තාවක දී පමනක් වැරදීමකින් හෝ පිලිතුරක් දුන් ඇය මට කියා සිටියේ තමා දුර පලාතක ඉන්නා බවත් ගෙදර පැමිනීමෙන් පසු මට කතා කරන බවය. කෙටි පනිවිඩද කිහිපයක් මා ලබා දුන්නද එයටද පිලිතුරු දීමෙන් ඇය වැලකී සිටියාය​​. කෙසේ නමුත් 'I call you later 'nana' ලෙස එක කෙටි පනිවුඩයක් ලබා දී තාවකාලිකව හෝ මා නවතාලන්න ඈ උත්සාහ කලාය​. එයින් සන්සුන් නොවූ මා දැඩි ස්තාවරයක සිට​ පිළිතුරක් ඉල්ලා සිටි කෙටි පනිවුඩයකට​, එසැනින්ම ඇය මට එවූ පිළිතුර වනුයේ  'naan viruppam illa, call panna vaanam, pesa matten' (මම කැමැති නෑ, ඇමැතුම් දෙන්න එපා, මා කතා කරන්නේ නෑ) කියාය.

සිකුරාදා පෙ.ව 07.03 ට ලැබුනු එම කෙටි පනිවුඩය මට හෙනයක් පාත් වුනා මෙන් වුනී. එතෙක් සමාන්ය ලෙස මාව ග්රහනය කරගෙන සිටි ඇය ඒ මොහොතේ සිට මාව විසනය කරන්න වූවාය​. ඉඳ හිට මගේ මතකයට පැමිනි ඇය සදාතනිකවම මාව අරක්ගන්න වූවාය. මගේ සාමාන්ය ජීවිතය අසමබර කරන්න වූවාය​. ඇගේ ඒ පිළිතුර කිසිසෙත් මට දරාගත නොහැකි විය. සේවයේ මුවාවෙන් ඈ සොයන් ගිය පුරුෂයන්ගේ පෝලිමේ අවසානයා ලෙස මා​ සිටන් ඉන්න රූපයක් මට මැවී පෙනෙන්නට විය​. එයින්, විරහය පරයමින් ලැජ්ජාව ඉස්මතුවිය​. 'ලැජ්ජාව' මා පහත හෙලීය. සියල්ල මසිත තුල වැලලුනේ අළු යට ගින්දර මෙන්ය​. ඒ බරින් සිත බෙහෙවින් වෙහෙසට පත්විය. සාංඛාව මත්තෙන්​ එක සත්යයක් මට පසක් විය​​. ඒ මා අත්දුටු පරාජයයි. ඇය මාව පිලිනොගැනීමෙන්, මගේ   උත්සාහයක් සපල නොවීමෙන් අත් වී ඇති පරාජයයි. ලැජ්ජාව එහි අතුරු ථලයකි. ඒ පරාජයයි මාව බෙහෙවින්ම අසහනයට පත්කරේ. මා පරාජිතයෙක් නොවී තිබුනානම් ඈ මා ප්රතික්ෂේප කිරීම මට සාමාන්ය දෙයකි. මට මිදෙන්න අවශ්ය වුනේ ඒ පරාජිත ම නෝභාවයෙනි. 

බලාපොරොත්තු සුන්වී පරාජිත හැඟීමෙන් යුතු මානසික පීඩනයෙන් මිදෙන්න, පසුව එලඹුනු දින තුනේම දීම උපවාසයේ යෙදුනෙමි ( ප්රශ්නයකින් මිදෙන්න හෝ යමක් නිරාකරනය කර ගන්න, උපවාසයේ යෙදී දේව කන්නලව්වේ යෙදීම අප විශ්වාසයට අයත් අය සාමාන්යයෙන් කරයි, එයින් සහනයක්ද ලැබෙන්නේය​) උපවාස කාලය තුලදීද ඈ මාව ග්රහනය කලාය​​, කතා කලාය,සිනාසුනාය​, විහුළු කලාය​, පරාජිත මා බලා ඔච්චම්ද කලාය​. මා ඈ හමුවූ අවස්තාවන් 5 තුලදී හා දුරකතන සංවාදවලදී අප අතරේ හුවමාරු වූ කරුණු එකින් එක මා ඉදිරියේ පෙල ගැසෙන්නටත් වුයේ මසිතේ දෝංකාර දෙමිනි​. වද දුන් ඒ බොහෝ කරුණු අතර සුළුපහේ සුභ පනිවිඩයක්ද විය​. කරුණු සියල්ල එක්කැටි වී මට කියා සිටියේ, ඈ කෙසේ කීවත්, ඇගේ අකමැත්තක් මට නැති බවයි. 

ඇය තම ස්තාවරය​ කවිය කියවූ දින හෝ ඊට​ පසු දින මෙන් ආසන්න​ දිනයක ප්රකාෂ කර සිටියා නම්, ඈ පිළිබඳව මට​ ඇති වූ බලාපොරොත්තු ඇති නොවී මා මේ තරම් වද භන්දනයට ලක් නොවෙන්න ඉඩ තිබුනා. බලාපොරොත්තු ඇති වී නොතිබුනානම් පරාජිතයෙක් වීමේ තත්වයක්ද මට​ ඇති නොවන්නේය​. ඈ නිශ්ශබ්දව ගෙවූ කාලය, මට​ ඈ පිළිබඳ බලාපොරොත්තු සීකරයට ගෙන ගියේය. 'மவ்ணம் சம்மதமே' 'නිශ්ශබ්දය එකඟතාවයයි' යන අරුතැති දෙමළ කියමන, දැවෙන ගින්නට තෙල් වක්කලේ එය දලුලා දැවෙන්න ඇරලාය​​​. (කියන දෙයක් කෙලින් නොකීම, වහින් ඔරෝ කීම​, උදාසීනව බවක් පෑම, හේතුවක් නැතිව කුපිත වීම, හෝ දකුණ පෙන්නා වමට හැරීම වැනි මෙකී නොකී ගුණාංගයන් ගැහැණුන් සතු බව මා හොඳාකාරව​ දනිමි, ගැහැණු හදවත ආගාදයට වඩා ගැඹුරු බවක් කවියන් කියන්න ඇත්තේ නිකම්ද? තමන්ට ආදරේ කරනවුන් රිදවලා බැලීමෙන් ගැහැණුන් අපරිම සතුටක් ලබයි) මැයත් ගැහැණියක් නිසා, එයින් නිදොස්වෙන්න මැයටද බැරි නමුත් එවැනි චේතනාවක් මැයට තිබුනාද යන වගක් නොතේරුනි.

මා එම කවිපත ඇයට දෙන අවස්තාවේ දී මගේ සිතේ සාමාන්ය ආශාවක්, කැමැත්තක් මිස ඊට එහා ගිය තද ඇල්මක් මට​ නොතිබුනි. ඈ මා අමතන ඇගේ සුපුරුදු වචනයෙන්ම 'අනේ අයියා, මා සමඟ අමනාප වෙන්න​ එපා, තවත් විවාහයක් කරගන්න මට කැමැත්තක් නෑ' ලෙස ඇඟට නොදැනෙන්න මා වෙත සැල කර සිටියා නම්, එය ඇගේ සැබෑ අකැමැත්තයි. එය සහජව පිළිගෙන මට​ මගේ මගක් බලාගෙන යන්න තිබුනි. නමුත් ඒ වෙනුවට​ මැය කලේ නිශ්ශබ්දය පාමින් මට ඈ ගැන බලාපොරොත්තු වැඩි කරලීමය​. මොන හේතුවකට ඇය එසේ කලාද කියා මා නොදනිමි (තමන්ට බොහෝ සෙයින් ආදරේ පාන කෙනෙක්ට බලාපොරොත්තු ඇති කර රිදවා බැලීම ස්ත්රී ගුණාංගයක්, එහි ප්රතිපලය තමා අත් විඳිනවාද නැද්ද යන්න වෙනම කාරනාවක් නමුත් එසේ කිරීමෙන් ගැහැණුන් අසීමිත සතුටක් විඳිති) නිශ්ශබ්ද වී සිටී ඒ දින කිහිපය තුල​ මැය ඇගේ සිත තුල අරගල කරන්නත් ඇති සමහර විට. ඇගේ සිතේ මා ගැන අදහසක් ඇතිව​ තිබුනත් එය නොපවසා මගේ තිරසර බව​ මනින්නට උත්සා කර ඇති බවකුත් මට​ සිතෙයි.

ඇය කරන්නේ බොරුවක් බවට​ මගේ සැකය තවත් වැඩිවුනේ අනපේක්ෂිත ලෙස​ ඇයව නගරයේ දී දකින්නට ලැබීමෙනි. සම්පූර්ණයෙන් කලු ලෝගුවකි වසාගෙන පියමන් කරන ස්ත්රීයක් දැක​, ඇගේ පිටු පසින් දැක වුවද​ නියත වශයෙන්ම ඒ මැයම​ බව හඳුනා ගන්න තරම් මේ වෙදහාමිනේ මට හුරුවී සිටියාය​. පදික වේදිකාවේ පියමන් කරන ඇයව දැක පදවාගෙන ගිය වාහනයේ වේගය අඩාල කල මා දුටු ඇගේ දෑස් හැසිරුනු ආකාරය, සසල වූ විදිහ​ මට නැවුම් පනිවුඩ නිකුත් කලේය​. ඇගේ ඇස් ගැන හොඳ අවබෝදයකින් සිටි මට ඒවා නිකුත් කල​ සංඥා හොඳටෝම වැටහිනි.

මට ඇගේ අකැමැත්තක් නොතිබුනු බව නියත වශයෙන්ම මා එයින් වටහා ගතිමි. මගේ රදල බිරිඳගේ පවුල් වට පිටාව ගැන​ දැනගෙන සිටින නිසා තමන් අපහසුතාවයට පත් වේවිදෝ යන බිය​, තවත් පවුලක් හිමි පුරුශයෙක් සමඟ විවාහ වීම හිරිහැරයක් ලෙස සිතීම​, මගේ ආර්තික ස්තාවරය ගැන ඈට මතුවූ සැකය, අසාර්තක වූ තම විවාහ දිවියේ අමිහිරි අත්දැකීම් නිසා විවාහය පිළිකුල් කිරීම හෝ සෑම පිරිමියෙක්ම තම පෙර විවාහයේ පුරුශයා මෙන්ම වේවිදෝයි යන සැකය​​​, තමන් දැනට යෙදී සිටින සේවයට විවාහ ජීවිතය අවහිරයක් වේවිදෝයි සිතීම හෝ විවාහයක අවශ්යතාවයක් තමාට නොදැනීම වැනි කාරනා මිස ඇය මාව ප්රතික්ෂේප කරන්නේ මට ඇති අකැමැත්ත නිසා නොවන බව මට පැහැදිලි විය​.  එයින් මට තරමක සැනසුමක් ඇති විය​. මගේ සිතේ බර අඩුවෙන්නට විය​. මගේ පරාජිත මනෝභාවය ලිහිල් වන්නට විය​.


එම අහඹු හමුවීමෙන් පසු ඈ වෙත මා යැවූ කෙටි පනිවුඩයට ඈ යැවූ ප්රතිපිළිතුර එය තව දුරටත් සනාත කලේය. ​'4nukku sms anuppa vaanam' (දුරකතනයට කෙටි පනිවුඩ යවන්නෙපා) මෙයද ඊට පෙර මා ඇගෙන් ලැබූ අවසන් කෙටි පනිවුඩයද අතර යම් සමානාවයක් මා දුටු අතර, පෙර ඇය මට යවන්න පුරුදුව සිටි පනිවුඩයන් අතර වෙනස්කමකුත් එම කෙටි පනිවුඩ දෙකේහිදීම​ මා දුටිමි. ඒ 'නානා' (අයියා) යන ඇගේ සුපුරුදු යෙදුම අවසන් පනිවුඩ දෙකේහි දීම​ අතුරුදහන් වෙලා තිබුනු නිසාය​. ඇගේ සිත සපල වෙලා නැත්නම් ඇය සාමාන්යනම් 'අයියා' යන යෙදුම තව දුරටත් පවත්වාගෙන් යාමට ඇයට ඉඩ තිබුනි. මා ඇයට කල යෝජනාව විනීතවද​ මිස අයුතුවද​ කල එකක් නොවන නිසාවෙන්, තම​ සිත සස​ල වෙලා නැත්නම් මාව ඇමැතීමට​ 'අයියා' යන යෙදුම​ දිගටම එකතු කිරීම​ ඇයට ප්රශ්නයක් නැත​. ඇය එසේ නොකලේ  'මා අයියෙක් නොව අයියෙක්ට වඩා අන්යෝන්ය' බව​ ඇගේ සිත මාව පිළිගෙන ඇති නිසාමය​.


​මම ඇගේ ඇස් දෙකට වශී වෙලා ඇති සේම, මාද ඈව වශී කර ඇත්තෙමි. එය, කුමක් හෝ ඇය ප්රිය කරන යමක් මගෙන් ඇය දුටු නිසාම විය යුතුයි. අැය මට කැමැතියි කියන එක මා සැක නෑර දැනගතිමි (තමන් බොහෝ සෙයින් ප්රිය කරන කෙනෙක් තමන්ව පිළිනොගෙන ප්රතික්ෂේප කර ඇති බවින් දැනෙන විරහ වේදනාවද​, එය එසේ නොවී තමන්ව පිළිගෙන ඇති බවට දැනෙන ඉඟියක් නිසා, සිතේ උපදින අපරිමිත සතුටන් ගැනද​, මෙවන් අවස්තාවකට මුහුන දෙන්නට සිදුවූ කෙනෙක් දනීයි) එබැවින්, වචනයෙන් ඇය මාව පිළිනොගත්තද සිතින් මාව පිළිගෙන ඇති බව දැන ගැනීමෙන් මගේ සිත සන්සුන් විය​, ගත සැහැල්ලු විය​, මෙතෙක් මගේ සිත තුල රජකල ඇගේ සිත තුල මාද යමක් කර ඇති බව දැන ගැනීමෙන් මසිත විකෘති සතුටක් වින්දේය​. මම පරාජිකයෙක් නොවන බවට මගේ සිත උදම් අනන්න පෙළෙඹුනේය​. කවදා හෝ දිනක ඇය මාව වචනයෙන්ද පිළිගනීවීයි යන බලාපොරොත්තු මට​ නව පනක් දුන්නේය​.  ඇය හිමි වීම හෝ අහිමි වීම ගැන  සිතට​ දැන් තැකීමක් නැති බවක් මට ඉවෙන් මෙන් දැනුනි. ඒ, සිත​ තම​ එල්ලය සපුරාගෙන තමා ජයග්රාහිකයෙක් වී ඇති බවට ඉඟියන් දුටු බැවිනි.

               
පසුවදන​,

මා මෙම කතාවෙන් දෙන්න අදහස් කරන පනිවුඩය වන්නේ 'විරහ වේදනාවට වඩා පරාජිත බවේ වේදනාව දරුණුයි' යන වගයි. මෙම සත්‍ය කතාව දැනටමත් සිදුවෙමින් පවතින එකකි. මෙය මගේ සාමාන්ය ආරයට වෙනස්ව තිබුනත් සත්යය එලෙසම කීමේ චේතනාව නිසා මීට වඩා යමක් මගෙන් බලාපොරොත්තු වූ මගේ ප්රිය පාටකයන්ගෙන් සමාව අයදින්නට මට සිදුවෙයි.  මේ සම්භන්දව ඉදිරියේදී සිදුවෙන යම් වෙනස්කමක් ඇතොත්, ඒවාද බ්ලොගය හරහා ඔබ සමඟ බෙදා ගන්න බලාපොරොත්තු වෙමි.

කතාව කියවීමෙන් පමනක් නොනැවතී මේ පිළිබඳ ඔබගේ අදහස් උදහස් ප්රකාශ කරන ලෙස ඉල්ලා සිටින්නේ ඉතාමත් බැගෑපත්වය ( ලඟක හිටියොත් උඹ ලඟ දනින් වැටී ඉල්ලන්නේ මං කොමන්ට් කරපං කියලා, ඒ තරම් මං කෑදරයි බං මං කොමන්ට්වලට​)


මගේ සත්ය ආදර කතාව සීත උක්රේනයේ ​සුමුදු සැඳෑවක්! කියවා ප්රතිචාර දෙන්න​.....