Showing posts with label Zoya. Show all posts
Showing posts with label Zoya. Show all posts

Wednesday, December 22, 2021

සීත උක්‍රේනයේ සුමුදු සැඳෑවක් 10

 "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි''


"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 9


ඉරණම වෙනස් කල විනාඩි කිහිපය !

(පරිච්චේදය) 10

මාර්තු 8 වෙනි දින රාත්‍රිය, අපේ කොහොමද කියල මං දැකලා නෑ, එදා, ඒ දපාzෂයේ නම්, හඳක් පායලා තිබුනා. පුන්සඳක් වගෙයි මතකේ.

ආර්ද්‍රතාවය නිසා නොපැහැදිලිව විහිදුනු හඳේ එළිය අප මත සුමුදුවට වැටුනි. එයින් එළිය ලැබූ zසෝයාගේ පිරිපුන් වත සඳක් මෙන් මට පෙනිනි.

(එදා මට මංගල රාත්‍රියයි, මෙපමන කලක් ස්ත්‍රී ආශ්‍රයක් නොතිබී, ‘අ’ අකුරෙන් අරඹන​ මගේ ආදර ගමනේ, මංගල හමුවීම රාත්‍රියක දී සිදුවන නිසා, එය මගේ මංගල රාත්ත්‍රිය විය)

ස්වෙටරයවත් දාගන්න නොදී ජැකට් එක බාගෙට පොරවාගෙන මාව ඇදගෙන ගිය zසෝයා, එළිමහනේ මාව සීතලේ වෙව්ලන්න ඇරියාය.

''සිගරට් පැකට් එකක්වත් ගන්න දුන්නෑ හැතිරී" හිතින් (නො) බැන වැදුනෙමි.

තමාගේ උසින් අඩක් පමන වූ කොන්ක්රීට් බංකුවක් වගේ එකක මාව ඉන්දවූ zසෝයා,

මගේ දෙකකුල් අතරට පැමිනියාය. පසුව සුපුරුසු ඝර්වාන්විත ස්වරයෙන්ම

''තීඃ මින්ය ලූබිෂ් (ඔබ මට ආදරය කරනවද​)?’’ ලෙස මගෙන් ඇසුවේ, පිහියක් බෙල්ලේ තබා ‘සල්ලි දෙනවද නැද්ද’ ලෙස අසන ආකාරෙකිනියි.

(ආදරේද බව දැන ගන්න මෙහෙම ක්‍රමයකුත් තියෙන බව එදයි මං දැන ගත්තේ)​

මා ‘’ධාඃ (ඔව්)’’ ලෙස මා ඇයට කීවේ කියන්න කිසි දෙයක් දෙයක් මට නොදැනුනු නිසයි.

''නියතඃ නියතඃ ප්රාව්ධා ස්කෂීඃ, තීඃ මින්ය ලූබිෂ්, ඉලි නියත් (නෑ..නෑ..ඇත්ත කියන්න, ඔබ මට ආදරය කරනවද..​නැත්නම් නැද්ද​)?’’

zසෝයා නැවතත් ඇසුවේ ‘දොන් නං දොං සිමං නං සිමං. දොංසිමං දෙකම බෑ’ කියනාකාරෙටයි. ඇගේ ස්වරය තරමක් ඉස්සී තිබිනි.

ඇගේ දඟකාර කමට මා කැමැතියි. ⁣එයට මා ගොඩාක් කැමැතියි. ඒ රුචිය පංතියේ දීත් මට තිබුනි,

නමුත්, කිසිදිනක ඉස්මතු නොවීය. අද මේ අවස්තාව වන තෙක්ම එය​ ඉස්මතු නොවීමයි තිබුනේ. හේතුව මට නොතේරිනි.

ඒ තත්පර කිහිපය තුල, අතීතයේ දී අප අතර වූ සංවාද, zසෝයා මාව ආකර්ෂණය කල නොකළ​ තැන්, වෙනත් කාරණා,

සියල්ල​ එක්තැන් වෙලා, මා ඉදිරියට පැමිනීහ, ඇය නියතවම මා ආකර්ශනය කර ඇති බව නිගමන් විය.

සමහර දේ හරහට හිටියත්, ඕවා zසෝයාව බැහැර කරන්න තරම් සාදක නොවන බව මට ඒත්තු ගන්වන්න සිත පෙළෙඹුනේය. එයින් මෙයින්

'කොළ එළිය දැල්වින'

''ධාඃ, යා තිබ්ය ඕඕචින් ලුබුලූඃ (ඔව් මා ඔබට ගොඩාක් ආදරෙයි)’’ කියන අතර තුර මගෙන් උනුසුම් සුසුමක්ද පිට විය.

''ඔබ දැන් කී දේ සත්‍යයි, ඒ බව මා ඔබේ ඇස්වල දුටුවා'' මගේ ඇස්වලින් මගේ හදවත කියවූ 17ක් වත් නුපිරුනු zසෝයා ගැන​ මම පුදුම විමි.

ඒ ගෙවුනු තත්පර කිහිපය තුල, ඈ වෙත මට ඇති වු මගේ ආදරය ​නොනැවතී ඉහළ යමින් තිබිනි.

ගෙවුනු සෑම තත්පරයක්ම මට ඒ බව පසක් කලේය. මගෑරුනු මතක සටහන් එකින් එක මතකෙට එමින් ඒ දේ කලේය.

එය ආදරයක්මද නැත්නම් ආක්ෂනයක්ද වග නම් පැටලවිල්ලක්ම වූ නමුත්,

'දැං යමක් වෙලා හමාරයි. වචන දී හමාරයි. විශ්වාසය ඇති කරලයි තියෙන්නේ. ආයේ වෙනස් කරන්න බෑ' ලෙස සිත තුල ඝට්ටන ඇති වුනත්, පසුව එය ආදරයක්මයි ලෙස තීරණ වුනි.

zසෝයා දැං මගේ පධෲගා (ආදරවන්තිය) යි. හරියට තර⁣ඟෙක දුවල පළමු තැන ගත්තාවගෙයි ඒ වෙලේ මට දැනුනේ.

ජීවිතයේ ප්‍රතම වතාවට ආදරයක් දැකීම? කෙල්ලෙක් එලව එලව ඇවිත් ආදරේ කරීම. සියළු දේ එකව සිද්ද වුනි. අසීමිත සතුටක්, සැහැල්ලුවක් දැනුනි.

ඔරොත්තු දෙන්න බැරි සීතල නිසා නාසයෙන් පිටවෙන සොටු පිසදා ගන්න යමක් සොයමින් මා ලතැවෙන්නට වූ මොහොතේ,

zසෝයා තම කබා සාක්කුවෙන් ලේන්සුවක් ගෙන මගේ සොටු පිස දැම්මාය​.

ආදරයේ රසය මං ප්‍රතම වතාවට වින්දෙමි. ආදරය පිදීම සතුටක් නම්, ආදරය ලැබීම කොපමන සතුටක් වෙයාද? මම එය ලැබුවෙමි.

මම කිසිවක් කතා නොකර සිටියත්, zසෝයා ඔහේ දෙඩෙව්වාය.

මං ගැන කියවන්න ගත්තාය.

තමා ආදරය කලේ මට නොව මගේ ඇස් දෙකට බවයි ඇය කීවේ.

ඈ දෙස සෙනෙහසින් බලා සිටියා මිසක් කිසිත් කියන්න මම නොගියෙමි.

කුඩා ළමයෙක් මෙන් zසෝයා හැසිරුනාය.

ඇය කියන කරන සෑම දෙයක්ම මට​ සතුටක් විය​.

මොහොතකට පෙර ගෝස්ති පැමිනි දේවුෂ්කා, රියාල්, ෆේජි, ඊගර්, zසියාඩ් තාන්‍යා සියල්ලෝවම මට අමතක වී තිබිනි.

මගේ අරමුණු, එංගලන්ත සිහිනය මා වැදූ පිදූ දෙමාපියන් මට අමතක වී තිබුනි.

මා ඉදිරියේ සිටියේ zසෝයා පමනි! සිත පුරාම zසෝයා!

zසෝයා! zසෝයා!

(කොහොමද විනාඩි කිහිපයකින් කෙනෙක්ගේ ඉරණම වෙනස් වුනු හැටි. සත්තකින්ම එය මගේ ඉරණම වෙනස් කරපු මගේ ජීවිත ගමන වෙනස් කරවූ සනදිස්තානයකි)

සිතට උවමනාවක් දැනිනි. හමුවීම සතුට සනිටුහන් කරන්න ඔන වෙලා තිබුනි.

චකිතය නිසා ‘න්නෑ...නැත්තම් ඕන්නෑ, ලෙස කරබාගත්තෙමි.

‘’ච්තෝ (ඇයි) පච්චිමෝ තිඃ නිස්පකොයිනොයි, ආආ (ඇයි ඔයා අසහනයෙන් ආආ)’’ ලෙස මගෙන් ඇසුවේ, පැතිකඩ සිනහවක්ද පාමිනි.

ඇයට තේරිලා වගෙයි?​, මම ලැජ්ජාවෙන් ඇඹරුනෙමි. ඇගේ සුපුරුදු සිනහව ඇතිවම, මොහොතක් උපේක්ෂාවෙන් මා දිහා බලා ඉඳ,

මගේ කලව අතරින් තව තවත් මට​ ලංවුනු zසෝයා, එය මට​ ලබා දුන්නාය.

ඒ දේ මට ඇය දුන්නේ, මා ඇගෙන් එය නොඉල්ලාමය​.

zසෝයා තම ප්‍රතම හාදුව මගේ තොල්වල පතිත කලාය.

​ (ඇගෙන් පමනක් නොව, ජීවිතයේ මා ලැබූ පළමු හාදුවද එය විය) සීතල පසුබිමක ඒ උනුසුම් හාදුවක රසය &)&&)&$!!&$$' විය.

''කියන්න තෙරෙන්නැති එකට මං මොනව කරන්නද''

හිස් අවකාශයක පාවෙනවා වගේත් මට එවේලේ දැනිනි.

''ඒ මට ලැබුනු හාදුව ඇගෙන් සමුගෙන උක්‍රේනයෙන් මා පිටවෙන තෙක්ම මාව ආරක්ෂා කලේය.

අවසන් වචන පේලිය මා ඔබ ඉදිරියේ කැබුවේ, එක්තරා විශේෂ කරුණක් නිසයි.

ඊගර්ගේ සහායට ඉදිරිපත්ව මගේ අඩුව මකාලූ zසියාඩ්, මොකක්ක්දෝ ලෙඩක් නිසා සති දෙකක් පමන කාලයක් බෙහෙත් කල බවට ආරංචියක් මට පසුව දැනගන්නට ලැබුනා.

පසු වදන​'

මේ කතාව තුල මා ගොනු කරන්නේ, මා ඝෘජුවම සම්භන්ද වුනු, මා ආසන්නව ඉඳන් හෝ ඈත ඉඳන් දුටු, අසා දැන ගත්තු කාරණා හෝ වෙන යම් කරුණු අදාල කරගෙනයි. මේ කෙටි කතාව මා ලියා කිබෙන්නේ මට නිගමන් වූ සැටි ආදාල කරගෙනයි.

කතාව හෝ කතාවේ අඩංගු කරුණු සමඟ කවුරුන් එකඟ නොවේ නම්, එය ඔවුන්ගේ නිගමන් හෝ ඔවුන්ගේ මත වන අතර ඒ පිලිබන්ද මගේ තර්කයක් නැහ.

සැමට ජය,,,

සීත උක්‍රේනයේ සුමුදු සැඳෑවක් 9

  "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි''


"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 8
'ප්‍රින්ස්' ගේ පිටුව !

(පරිච්චේදය) 9

ඉතිං කරුණු කාරණා තේරුනානේ......

කල්පනා කරන්න වෙලාවක් මට තිබුන්නෑ , මිටි රියාල්ගේ පිටුපසින් පැමින​ යෝදියෙක් වගේ මතුවුනු zසෝයා එක්වරම මට​ දසුන් දුන්නාය. කලු පාට ස්කිනියකින්, තැඹිලි පාට මේස් රෙද්දකින් නිමවුනු අත්දිග ටොප් එකකි, න්න් න්, න්න්,

'ම්ම්ම්න්නෑ,,,,....නේ?​ ත්ත්ත්තිබුනා, නේ!’

‘ක්ලාස් එකේ මං දැකල තියෙනව​!’

ලෙස, නොපෙනෙන්න වුනු ඇගේ යමක් සොයන්න මහන්සි ගත් මගේ වනචර සිත, පසුව සාමදාන වුනේ, සවස් වරුවේ ඇය සැහැල්ලු ඇඳුමකමට මාරු වී ඇති බව තේරුම් ගිය නිසයි..

''සඳ රේනු වෑහෙනා,
මේ සීත රාත්‍රියේ,
ඔබ ඉන්න, මාගේ ළඟින්,

හද පිරුනු වේදනා,
පිසදා සිනා සලා,
මට දෙන්න ආදරේ, ඔබගේ හදින්''

(මග්නිතෆෝනයේ සිටි ‘ප්‍රින්ස්’ මෙහෙමත් ගයන්න විය)

ඒ දොරකඩම නැවැතී, තමාගේ සුපුරුදු වසීකර සිනහව පාමින් සිටි zසෝයා,

ඝර්වාන්විතව​ ‘'ප්‍රීවියත්’’ (හායි)' කීවාය.​

මාද පෙරලා,

‘'ප්‍රීවියත්’’ සමඟ සිනහවක් උපදවන්න උත්සාහ කලා මුත්, එය​ මතු නොවුනේ, කම්පනයෙන් මා තව මිදී නැති නිසයි.

සැරෙන් ''ච්තෝ?’’ (ඇයි)? ඒ ඝර්වයෙනිම,

‘’නියත්,,,නිච්චිවෝ’’ (න්නෑ,,, මුකුත් න්නෑ) කියමින්,

''zසහදී (එන්න ඇතුලට​)'' ලෙසත් මා කීවෙමි.

ඈව ගෙට​ ඇරයුම් කරන අතර තුර මාව සමබර කර ගන්න මා උත්සාහ කලෙමි.

මගෙන් ඇරයුමක් එනකං හිටීවියෑ zසෝයා, මා ඇට ඇරයුම් කරනනොට ඇය සිටියේ මා ඉදිරියේ දන ගසාගෙනයි.(ක්‍රිස්තියානීන් දෙව්මැදුරුවල සමාව ගන්න දනගසන් ඉන්නේ, අන්න ඒ වගෙයි)

පුදුම කෙල්ලෙක්! කවදත් අපි බලාපොරොත්තු නොවන දේ කරන කෙල්ලෙක් තමයි zසෝයා,

zසෝයා දිහා මොහොතක් බලාගෙනම සිටියෙමි, ​(හදවත් දොරට සියුම් තට්ටුවක් වැටුනාක් මෙන් දැනිනි) zසෝයා මගේ අත අල්ලා ගත්තාය​, ඇය මගේ අත් දෙකෙන්ම අල්ලාගෙන ඇද්දාය​.

''පියවී ලොවේ කිසිදා,
එක්වන්නේ නෑ,
එනමුත් මගේ හදින්,
වෙන්වන්නෙ නෑ''

(ලෙස කාමරය පුරා ‘ප්‍රින්ස්ගේ’ හඞ පැතිරී තිබුනු ඒ මොහොතේ) zසෝයා

''එක දෙයක් කියන්නම්, අහනවද​?’’ ඇසුවාය​.

‘’අහන්න​! මොකක්ද ඒ ?’’ඇසුවෙමි,.

‘’ෆේජී මට කරදර කරනවා?’’ කීවාය.

‘‘ඒකද? එකටද! එහෙනං? ඇවිත් ඉන්නේ''

(ඊට වඩා දෙයක් මං අගෙන් බලාපොරොත්තුවුනා වත්ද, එහෙනං? මට අලස බව දැනින. මම දැන හිටියා, ෆේජී කවද හරි ඈ පස්සෙන් යන බව​)

‘’ආ..ආ එයාද? ඒ ඇයි? මං එයාට කතා කරන්නම්! ඔයා බය නොවී ඉන්න’’ මා කීවෙමි.

(පංතියේ කට්ටිය හිතං හිටියේ ෆේජී මට අවනතයි, මං කියන දෙයක් අහන එකෙක් කියල)

‘'ඔයා කලබල නොවී ඇවිත් මෙහේ වාඩිවෙන්නකෝ'’ මගේ අසලම ඉඩක් පෙන්වා මම කීවේ, මා ඉදිරියේ ඇය දන ගසන් ඉන්න එකෙන් මට අසහනයක් දැනුනු නිසයි.

​තවමත් චායිනී (කේතල​) ය අතේ තියාගෙන​ සිටි රියාල්, අපි දිහා ආඳෙක් වගේ බලාගෙන සිටියේය. (නිකං දෙමළ​ පිචර් සීන් එකක් නේ දුවන්නේ) තමනුත් ඔතන ඉන්නවයි කියන එක අඟවන්නදෝ,

‘'සහෝ! තේ එකක් හදන්නද​? ඇසුවේය​.

‘’නැත්නම් කෝපියක්?’’ නැවතත් මගෙන් අසා,

‘’'සෝයා! හෝචස් දමාzෂ්නී කොෆී (සෝයා! නිවසේ කුඩුවලින් සෑදූ කෝපියකට කැමැතිද​?)’’ ඔහු ඇගෙනුත් ඇසීය.

හප්පේ, ඇත්තටම රියාල්! කතා කරන කොටයි රියාල් මතක් උනේ. රියාල් තාම ඔතන!

‘’ෂ්තෝ තී හෝචස් පීත්ච් (ඔයා මොනවද බොන්⁣නට කැමැති)’’ වගකීමකට මමත් ඇගෙන් ඇසුවා.

(ඇහුවට මොකද, මම දන්නවා zසෝයා කවුද කියලා)

''දෙතැන තනිවී සදා,
හෙලන සුසුමන් නිවා,
ඔබ එන්න මාආආ,

(‘ප්‍රින්ස්’ දිගටම ගයන්න වූ අතර)

‘’නිඃ නාධා!...ඵෂ්ලී පඃ​ දෙවියාතම් එතාzෂ (එපා! අපි යමු නවවෙනි මහලට​)’’ ආයෙමත් zසෝයා මාව හොල්මන් කලාය​.

අපේ හොස්ටල් එකේ නවවෙනි මහලක් නෑ, තියෙන්නේ ගොඩනැගීල්ලේ අවසන් එළිමහන් බිමයි.

මැයට විකාරද මන්දා (මම කලින්ම කිව්ව නේ, zසෝයා කවදත් වෙනස් කියල​)

‘’මේ සීතලේ එහේ මොකට?’’ මං කෙඳිරිවුවෙමි..

‘’ච්තෝ? තීඃ නිප්රිද්යෝෂ්? ම්ම්ම්ම් නොඃ යා පෂ්ලාඃ (ඇයි? ඔයා එන්නැද්ද? එහෙනං ම්ම්ම්ම් මං යන්නම් ​)?’’ zසෝයා කීවේ, ඇගේ සුපුරුදු ඝර්වයේ ඉඳන්මයි.

​ප්රිදූඃ (එනවා) ලෙස එසැනම මට කියවෙන්න ඇත්තේ, කල් ගත්ත නම් දමල යයි කියල බයක් දැනුන්නිසා විය යුතුයි. .

ම්ම්ම්,,මොකක්ද ඒ? මට මොකද වුනේ? ඈට පිටුපාන්න මට මට බැරි වෙලා.

(පහුරු බැඳන් සිටි මගේ හදාරක්ෂක​ කොටුවේ සිදුරු වැටිල බව ඉවෙන් මෙන් දැනෙන්න විය, ආදාල අංශයේ සීමිත දැනුමක් තිබුනත්,

'මෙලහකට​ත් මම වැටිල’ යන වග නම් මට තේරිලා) මම ඇය පසු පසින් යන්න ගියෙමි (වනන්න මට වලිගයක් නොතිබුනි)

(‘සඳ රේණු වෑහෙනා’ ගීතය හා මගේ මේ මතක සටහන අතර තදබල බැඳීමක් තිබෙනවා. එහෙයින්, අපෙන් වෙන්වී, තුරන්වී ගිය ‘ප්‍රින්ස් උදය ප්‍රියන්ත’ ගායකයාට උපහාරයක් පුදන්න, මේ පිටුව මා යොදා ගන්නවා)

සීත උක්‍රේනයේ සුමුදු සැඳෑවක් 8

  "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි''


"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 7

රියාල්ගේ කලබලේ !

(පරිච්චේදය) 8

ගෝස්ති පැමිනි දේවුෂ්කි(කෙල්ලෝ) දෙන්නම බිම් මහලට නාන්න ගිය නිසා, ඔවුන් එනකං මම කාමරයට වෙලා හිටියා.

ඒ අතරෙයි තේ එකක් හදන්නයි කියා රියාල් කුස්සියට ගියේ, කුස්සියට ගිය රියාල් හනි හනිකට දුවගෙන ඇවිත්,

‘‘ය… යා..යාළු….යාළුවාආ… අන්න...අරයාආ ඇවිත්!’’ (දුම දාන චායිනී (කේතලේ) අතේ තියාගෙන නැවතත්,

''අන්න අරයා ඇවිත්! ඔයාව හොයනවා!'' කිව්වේ හති දාගෙනමයි. ඔහු ඕක කිව්වේ මට ලොතරැයියක් ඇදිලයි, කියන ගානටයි, ඇස් උඩ ගිහිනුයි තිබුනේ...

කවුද​? ...කවුරුන් කිව්වා? ලෙස මම කුතුහලයෙන් ඇසුවේ රියාල්ගේ කලබලය නිසයි.

ඔයාගේ පංතියේ ඉන්න සෝයා- කිත්තායි (''zසෝයා" කියන ඇගේ රුස්කි නමයි, ''ඛිතායි'' රුස්කීන් චීනයට කියන නමයි, රියාල් උච්චාරණය කල සැටියි) ඇවිල්ලා! රියාල් කියාගෙන ගියේය, හති ඇරියේය.

(විහිළුව කියන්නේ, zසෝයා 'රියාල්'ගේ නම උච්චාරණය කලේත් වැරදියටයි, ඇය ඔහුට කීවේ 'ලියාල්' කියලයි. ඇය මගේ නම උච්චාරණය කලෙත් වැරදියි. (හිහ් හිහ් හී...)

ඉතිං? ඔහු දෙස බලා නැවතත් ඒ බව ඇසුවේ, මට මොකුත් තේරුම් නොගිය නිසාම නොවෙයි. ​මගේ කන වැටුනු ඒ දෙය, නැවත නැවත කියවගෙන මගේ සතුට වැඩි කර ගන්නයි.

(උක්‍රේනයට ඇවිත් මාස 6ක් වන එකේ, ඊගර්, zසියාඩ්ලා එක්ක ආශ්‍රය කරන එකේ, මටත් යම් කිසි දැනුමක් දැං තියේවිනේ, මොකද මං අහන්නේ)

'සෝයා ඇවිත් ඉන්නේ ඔයාව හොයාගෙනයි' රියාල් ආයෙමත් ඒක කීවේ සැරෙනුයි, තරහකුත් ගිහිල්ලයි​ තිබුනේ.

​ ''හහ්'' කියවිනි.

'මොකක්ද යකෝ මේ වෙන්නේ​?' මට නිකං කැරකවිල්ල වගේ. ඇඟ සීතල වෙලා ගියේය.

'අද මගේ ලග්නය කන්‍යාව වත්ද​?, කියවිනි.

එක කෙල්ලෙක් රාත්‍රිය ගෙවන්න බලං ඉන්නවා. තව එකක් (ඊගරයගේ) එක, ඕකා වෙනුවෙන් ආවයි කිව්වට මොකෝ, ඕකිත් ඇවිත් මේ අස්සෙමයි රිංගන්නේ.

යනවා කිව්වට මොකෝ, අරූ ඇවිල්ලා එක්කං යනවා. ඇවිස්සිල්ලක් තිබුනත් ඊගරයා පෙන්න ගත්තේ නෑ. මං මොනව කරන්නද?... ඉතිං අඬ ගැහුවයැ?

මගේ ප්‍රෙහෙළිකාව උනේ,

'zසෝයා මොකටද මාව හොයං ආවේ'

'සත්තකින්ම! මා ඇයව බලාපොරොත්තු වුනේ නෑ'

'එහෙම උවමනාවක් මට තිබුනෙත් නෑ'

'ඇය මගේ පද්ෆාක්' (පහත චේදයේ හඳුන්වන රුzස්කි පදය කෙටියෙන්) පංතියේ....එච්චරයි

සීත උක්‍රේනයේ සුමුදු සැඳෑවක් 7

  "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි''


"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 6

මගේ පිඹුරුපත !

(පරිච්චේදය) 7

මුවකින් නික්මෙන වචනය පෙළක බලගතු බව මාව විමතියට පත් කලේය. ඒ වචන කිහිපය ඇගේ සිතේ ගැඹුරට. කා වැදිලා, ඒවා එහි පැලපදියම් වෙලා බව මට පසුවයි තේරුනේ.

කාලයක් තිස්සේ අපි අතර හුවමාරු වුනු වචන​, සංවාද එකින් එක ගෙතිලා, ඒ එකලැස් වූ ඒ කාරණා ඉඟියන්, පනිවිඩයන් වෙලා, ඇයට මා ගැන අභිප්‍රායක් ඇති කරලයි තිබුනේ.

zසෝයා නිතරම වගේ මගේ ඇස් දෙක වර්ණනා කරන්නත් පුරුදුව සිටියා, දුඹුරුවට තිබුනු මගේ ඇස් ලස්සනයි කියන එක ඇය කියලයි මං දැන ගත්තේ.

තාන්‍යාත් ඒ බවක් කියනවා මට මතකයි. තාන්‍යාගේ මිතුරිය (වරක් හෝ දෙකක් අපට උගන්නලා තියෙන) ඉරීනාත් මගේ ඇස් වර්ණනා කලා.

මට මදෑ ඕක, ඉතිං තරමක අහංකාර කමකුත් ඇතිවුනා​.

''යකෝ, කොල්ලෙක් කෙල්ලෙක්ව වර්ණනා කරන එක සාමාන්‍ය දෙයක්. උඹ මොන -ත්තෙක්ද (සමාවෙන්න​ අපේ සාමාන්‍ය ව්යවහාරය ටිකක් භාවිතා උනා)​

'එහෙනං උඹ කලේ, බොරුවක්ද? අයි ඇයට ආපහු මොකුත් නොකියා සිටියේ ?'ලෙස සමහරුන් මගෙන් අහන එකත් මට තේරෙනෙවා.

'බොරුවක් ඕනේ නෑ, zසෝයා හැබෑවටම ලස්සනයි, ඇය පිළිබඳ අදහසක් මට ඇතිවෙලා තිබුන් නැති එකයි කාරණේ'

මට එහෙම අදහසක් නොඑන්න වූ කාරණා තිබුනා, ප්‍රතම කාරණාව වුනේ, මගේ පිඹුරුපතේ මගේ අවසන් ගමනාන්තය ලෙස තිබුනේ උක්‍රේනය හෝ චීනය නොව එංගලන්තයයි.

තව මාස දෙකකින් එළඹෙන ගිම්හානයේ අංග්ලීස්කි (එංගලන්ත) වීzසා වක් ලබා ගන්න නම්, මම​ ගෙම්බෙක් (උක්‍රේනය හරහා යුරෝපයට පැනගන්න පැමිනෙන පිරිස, ඒ දිනවල හැඳින්නවූ වචනය) නොව, ‘ශිශ්‍යයෙක්’ බවට තහවුරු කර ගන්න උවමනයි.

ඒකට​ හොඳට රුzස්කි (රුසියානු) ඉගෙනගෙන එය සරලව කතා කරන අවශ්‍යතාවයක් තිබුනා.

ඒ නිසාම, අපේ දෙකාන් (පීඨාධිපති) ගේ උපදෙස් (ඒ උපදේසය දුන්නේ අපිත් එක්ක එකට ඉඳන් බොන අවස්තාවකයි) වුනේ ඉක්මනට රුසියානු ඉගෙන ගන්න නම්,

රුසියානු කෙල්ලෙක් යාළු කරගන්නා ලෙසයි.

ඒ ප්‍රධාන කාරණාවට අමතරව, ඉතාම සංවේදී මං මොනව හරි රෙද්දක පැටලූනා නම්, ගලවනකොට ඉරෙන්නේ රෙද්ද නෙවෙයි මගේ පපු කැත්තම​ බව මා හොඳින් දැන සිටියා.

එහෙයින්, ඉතාමත් කල්පානාකාරීව තීන්දු තීරණ​ ගන්න මා සැළකිලිමත් වුනා.

අපේ රුzස්කි යෙzසික් (රුසියානු භාෂා) පංති කාමරය තිබුනේ අපේ හොස්ටල් එකේමයි. ලැබෙන සුළු විරාමයක දී පවා අපේ සාලයට දුවං යන පුරුද්දක් මට තිබුනා.

එයින් කෝප්පි කෝප්පයක් බීලා සිගරට් එකක් දල්වා ගන්න මට අවස්තා සැලසෙනවා.

සිකුරාදා පංති ඉවරවුනු ගමන්ම අපි ලාංකිකයෝ තුන්දෙනාම 'දැපේ' නමින් හැඳින්වුනු ප්‍රධාන නගරයේ ඇති අපේ රටේ යාලුවන්ගේ හොස්ටල් එකට යනවා. අපි ආයේ අපේ හොස්ටල් එන්නේ ඉරුදින රාත්‍රියේයි.

එයින්, zසෝයා මුන ගැසීමේ හෝ ඇය පිළිබන්ද සොයා බැලීමේ අවස්තා මට​ නැතිව තිබුනා. එහෙම විශේෂ උවමනාවක් මට තිබුනෙත් නෑ.

zසෝයා ගැන මම සොයා නොබැලුවාට, ඇය ගැන සොයා බැලූ තොරතුරු එක්ලැස් කරපු කෙනෙක් අපේ හිටියා, ඒ තමයි අපේ ෆේජී.

ඇත්තටම zසෝයා ගැන නෙමෙයි, මට පොඩි පහේ ආසාවක් ඇති වී තිබුනේ, ඒ අපේ ක්ලාස් එකේම හිටිය යංඪනීයි zසෝයාගේම යාළුවෙක් වූ ''යංඞ්නී'' ට මට පොඩිපහේ ඇල්මක් තිබුනා.

එයා කුඩාවට හුරුබුහුටිව පෙනුනු නිසයි ඒ ඇල්ම. චීන බෝනික්කියක් වාගේ පෙනුමට හිටී ඇය හොඳයි කියල හිතුනා විතරයි.

ඇයට වචන යොමු කරන්න, ඇරයුම් කරන්න​, හීන මවන්න කිසි දෙයක්කට මම ගියේ නෑ. මා මෙතන කියන්න එන්නේ, යංඞ්නී වෙත මට ඇති වී තිබුනු ඇල්ම පවා zසෝයා වෙත මට ඇති වී නොතිබීම පිළීබඳවයි.

සැරයක්, මට හිත ගිය මාලිගාව (යංඞ්නී) ගැන නිකමට යාළුවන්ට කියන්න ගියා

''අම්මෝ! උඹට යහතින් ගෙදර යන්නෝන්නැද්ද​? චීන්නු රෝත්තම එයි උඹව කම්බස් කරන්න​''

යාළුවෝ එකිනෙකා මාව බය කරන්න පෙළෙඹුනා.

''ඔන්න ඔව්ව අත් ඇරලා රුස්කියක් දාගනින්'' යාළුවෝ උපදෙස් දෙන්න වූහ.

එක පාරටම මට අපේ පංතියේ සිටි සාෂා! zසව්දුංග්! ඌචැන්ව! ලාව මතක් වෙන්න ගත්තේ, යාළුවොන්ගේ ඒ කතාවෙන් පස්සෙයි.

අහිංසකයෝ වගේ හිටියට චීන අඩි! කරාටේ! කුංෆූ! වලින් ඔවුන් මට නෙලාවි දෝ කියල හිතුනි. රුසියානුවොත් ඒ දවස්වල බයයි චින්නුන්ට​. ඇයි, ජැකී චෑන්, ජෙට්ලීලගේ පිචර් බලනවනේ.

සීත උක්‍රේනයේ සුමුදු සැඳෑවක් 6

  "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි''


"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 5


තත්චියානා ලියානිදව්නා !

(පරිච්චේදය) 6

'තාන්‍යා' නොහොත් තත්චියානා ලියානිව්දව්නා, වයස 23යි. මගේම වයසේ පසුවූ වූ ඇය අපේ පංති භාර, භාෂා ගුරුතුමියයි. සාමාන්‍ය රූ සපුවක් තිබූ නමුත් ඇය නියම ස්ත්‍රී ලක්ෂන හොබවූ කාන්තාවක් වූවාය.

ඇය අහිංසක, ගුප්ත, නොහොල්කම් සහිත තැනැක්කියක් වූවාය. පංති ආරම්භ කල කාලයේ තාන්‍යා ඉතා උනන්දුවෙන්න් විෂයන් මෙහෙයැව්වාය.

ඒ, මා, ෆේජී සහ තේජී තුන් දෙනා පමනක් පංතියේ සිටි කාලයේයි.

කලින් වතාවක් ‘රුස්කී’ ඉගෙන ගන්න ඇවිත් හිටි ඇමැරිකන් කොලලෙක් එක්ක හාදයක් ඇතිවෙලා, ඔහු සමුගෙන බැහැර ගිය බැවින්, තමා අසීමිත විරහ වේදනාවක් වින්ද බව බවත්,

පසුව කා සමඟව හෝ හාදයන් ඇති කර ගන්න කැමැත්තක් තමාට නොතිබුනු බවත් තාන්‍යා අපට පවසා තිබුනාය​​.

තාන්‍යා මා වෙත​ විශේෂ සැලකිල්ලක් දැක්වූ බව නං කිව යුතුමයි. ඇය පංති නායකයා කර ගත්තෙත් මාවයි. ඒ, අනෙක් දෙදෙනාට වඩා පංතියේ විශයන්වල මා කැපී පෙනුනු නිසයි. ඒ, එදා තිබුනු තත්වයයි.

මාස තුනකින් පසුව zසෝයා ඇතුළු චීන කන්ඩායමේ ආවඩනයින්, සියල්ල කන පිට හැරුනි. මම නිකංම නිකං පුහු මොනිටර් කෙනෙක් වුනෙමි. එතනින් එහා වැඩ කිඩ ඔක්කෝම චීන්නුන්ගෙනුයි උනේ.

(චීන්නු දක්ෂයෝ බව අවුරුදු 26 කට පෙර දී, ඔවුන් සමඟම ඉඳං මා දුටුවෙමි. මා මේ කියන කාලය වනවිටත් ලෝක අපනයනිකයන්ගේ දර්ශකයේ චීනය සිටියේ 10 තැනටත් පහතින්. ඒත් 1995 වසරේ 10 වෙනි තැනට පැමිනෙන චීනය වසර 18 කින් 2012 දී ලෝක අපනයන බලවතා බවට පත්වෙන්නේ, 'එහෙම වුනු එක අරුමයක් නොව, ඔබ එදා දුටු අපේ හැකියාව සැබෑවකි' ලෙස මට නැවතත් මතක් කරමිනුයි)

තාන්‍යාගේ මුහුනේ පෙර දකින්නට තිබූ සතුට නෑ. කලකිරීමකින් සිටි බවක් පෙනිනි.

සම වයසේ වුනත්, මට අකුරු කියා දුන් ගුරුතුමිය නිසා, තාන්‍යා වෙත නිරන්තර​ ​ඝෞරවයක් මගේ තිබිනි.

ඇගේ සිත කියවන්න තරම් දැනීමක් එදා මට නොතිබුනු බව නම් සැබෑවයි, ඒ බව මතක් වෙනකොට අදටත් සිතට වේදනාවක් දැනෙනවා, වරදකාරී හැඟීමකුත් එනවා.

පංතියේ විෂයන් අතරේ දී, මා වෙත විවිදාකාර ප්‍රශ්න යොමු කරන්න zසෝයා පුරුදුව සිටියා. මගේ අතේ පටලවාගෙන තිබූ මුද්දක් අත ගා බලමින් 'ඔබ බැඳලද​? කියා මගෙන් ඇසුවාය​.

මට දරුවන් දෙදෙනෙකුද සිටින​ බව කියා විහිළුවෙන් මා ඇයට පිළිතුරු දුන්නේ විහිළුවටයි.

තවත. විටෙක, විනොද චාරිකාවන් (විනොද චාරිකා ලෙස අප හඳුන්ව ඒ ක්‍රියාව රුසියානුවන් හැඳින්වූවේ නිදහසේ ඉන්න/ විවෙක ගන්න යන අර්ථයෙනි) පිළිබඳ​ විෂයක දී, 'කවුරුන් කා සමඟ විවේක ගන්නද වඩාත් කැමැතියි' යන ප්‍රශ්නය එකිනෙකා වෙත යොමු කර​ ගන්නා මොහොතක​,

''ස්කෙම් තී ලූබිශ් ව්-අද්හච්? (කා සමඟ විවෙක ගන්නද ඔබ කැමැති?)'' ලෙස ඉතා උවමනාවෙන් zසෝයා මගෙන් ඇසුවාය.

කනියච්නා, ස්තබෝයි! (සහතිකවම, ඔබ සමඟයි) ලෙස විෂයට අදාලව වචන දෙකකින් මා පිළිතුරු දුන්නත්, එහි ගැබ්වී තිබුනු ඇතුලාරිථය නිසා, මා හිස පහත් කර ගතිමි.

තරමක ලැජ්ජාවක්ද මට ඇති විය. ඒ වචන පෙළ ඇයට තව පුරුකක් නව ප්‍රවේශයක් ලබා දී තිබුනි.

නොදකිං! ඒ බව මට නොවෙයි තේරුනේ. ඒ බවක් මට පෙන්නල දුන්නේ තාන්‍යා විසිනි

''මලදියත්ස් ශ්‍රී ලංකී!, ස්මත්රී ඉයෝ ලිත්සෝ! ස්මත්‍රී ඉයෝ ග්ලzසා! අනා ඕචින් ප්‍රියත්නා! (අපූරුයි ශ්‍රී ලාංකිකයා! ඇගේ මුහුන බලන්න​! ඇගේ ඇස් දිහා බලන්න​! ඇය හරිම සතුටින්!)

ඒ, zසෝයාගේ ඇස්වල තිබූ සතුට තාන්‍යා මට පෙන්නල දුන්නු ආකාරයයි.

Friday, December 10, 2021

සීත උක්‍රේනයේ සුමුදු සැඳෑවක් 5

  "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි''


"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 4


Zසෝයා !

(පරිච්චේදය) 5

‘‘ය්ය… යා..යාළු….යාළුවාආ… අන්න...අරයාආ ඇවිත්!’’ (දුම දාන චායිනී (කේතලේ) අතේ තියාගෙන නැවතත් ''අන්න අරයා ඇවිත්! ඔයාව හොයනවා!'' රියාල් කිව්වේ හති දාගෙනමයි.

රියාල් ඒක කිව්වේ මට ලොතරැයියක් ඇදිලයි, කියන ගානටයි, ඇස් උඩ ගිහිනුයි තිබුනේ...

කවුද​? ...කවුරුන් කිව්වා? ලෙස මම කුතුහලයෙන් ඇසුවේ රියාල්ගේ කලබලය නිසයි.

ඔයාගේ පංතියේ ඉන්න සෝයා- කිත්තායි (''zසෝයා" කියන ඇගේ රුස්කි නමයි, ''ඛිතායි'' රුස්කීන් චීනයට කියන නමයි, රියාල් උච්චාරණය කල සැටියි) ඇවිල්ලා! රියාල් කියාගෙන ගියේය, හති ඇරියේය.

විහිළුව කියන්නේ, zසෝයා 'රියාල්'ගේ නම උච්චාරණය කලේත් වැරදියටයි, ඇය ඔහුට කීවේ 'ලියාල්' කියලයි. ඇය මගේ නම උච්චාරණය කලෙත් වැරදියි. (හිහ් හිහ් හී)

ඉතිං? ප්‍රශ්නාන්තරව මා ඔහු දෙස බැලුවේ මට මොකුත් තේරුම් නොගිය නිසාමම නොවෙයි. ​නැවත නැවත ඕක කියවගන්නයි මට ඕනේ කලේ.

'සෝයා ඇවිත් ඉන්නේ ඔයාව හොයාගෙනයි' රියාල් ආයෙමත් කීවේ ටිකක් සැරෙනුයි, තරහකුත් ගිහිල්ලයි​ තිබුනේ.

මට​ 'හහ්'...කියවිනි, මොකක්ද යකෝ මේ වෙන්නේ​? අද මගේ ලග්නය කන්‍යාව වත්ද​? මහිසේ මල් පිපින, මයිල් කෙලින් විය​, කැරකවිල්ලකුත් දැනුනා වගෙයි.

එක කෙල්ලෙක් රාත්‍රිය ගෙවන්න බලං ඉන්නවා. තව එකක් (ඊගරයගේ) එක, ඕකා වෙනුවෙන් ආවයි කිව්වට මොකෝ, ඕකිත් ඇවිත් මේ අස්සෙමයි රිංගන්නේ, සැරෙන් සැරේ
ඇවිත් යනවා.

යනවා කිව්වට මොකෝ, අරූ ඇවිල්ලා එක්කං යනවා. ඇවිස්සිල්ලක් තිබුනත් ඊගරයා පෙන්න ගත්තේ නෑ. මං මොනව කරන්නද?... ඉතිං මං අඬ ගැහුවයැ?

මගේ ප්‍රෙහෙළිකාව උනේ. ඇය මොකටද මාව හොයං ආවේ, සත්තකින්ම! මා ඇයව බලාපොරොත්තු වුනේ නෑ, එහෙම උවමනාවක් මට තිබුනෙත් නෑ.

ඇය මගේ පද්ෆාක් (පහත චේදයේ හඳුන්වන රුzස්කි පදය කෙටියෙන්) පංතියේ....එච්චරයි.

‘zසෝයා අකදෙමියාවට ව්‍යාපාර කලමනාකරණය හදාරන්න චීනේ ඉඳන් පැමිනි තරුණියක්. ඇගේ නියම නම ‘වංසුඕ’. ‘zසෝයා’ ඇය තමාට තියා ගත්තු නමයි.

(ෆේජි කරා වගේ, ගොඩක් දෙනෙක් ඔක කරනවා අපි නොකරාට) ‘උනිවියර්සිතියත්’ (විශවිද්‍යාලය) යේ අප සහාභාගි වූ ප්‍රතම රැස්වීමේ දී, අපේනුත් ඒ ගැන ඇහුවා)

zසොයා ‘පද්ගතවීල්නම් ෆකුල්තියත් (පෙරසූදානම් කිරීමේ පීඨය​) යේ අප සමඟ භාෂාව ඉගෙන ගනී.

ඇය හා පිරිස අපට කලින් මෙහි පැමින සිටියත් ඔවුන් අප සමඟ එක් වුනේ මාස 3 කට පෙර දීයි.

zසෝයා නැවතී සිටියේ අප ලැඟුම් ගෙන සිටි ඒ ‘ෂැෂ්තොම් අබ්zශzෂීතිය’ (සයවන නේවාසිකාරය) යේම ‘ත්‍රිඒතම් එතාzෂ්’ (3 වෙනි මහල) ලේ ‘චිත්වියර්තම් කොම්නතා’ (4 වෙනි කාමරය) යේයි.

තරුණියක් කිව්වට, තවමත් ගැටවර විය පසු කරන zසෝයා වයස 17 ඉක්ම නොවූ නාඹරියක්. ඈගේ 17 පිරෙන්නේ එලෙඹෙන (1994) මැයි 12 වෙනි දිනටයි.

''සත්තයි කියන්නේ! තවම 17 වෙලා නෑ!‘’ කියල zසෝයාම කිව්වත්, කවුරුත් පිළිගන්නැති වෙයි.

භූගොලීය ලක්ෂනානුකූලවම පළල් මුහුනක් zසෝයාට පිහිටලා තිබුනත්, ශරීරය ඒ සාමාන්‍යයට විරුද්දව පෙනුනි.

උසින් මහතින් වැඩී සිටි zසෝයා පුෂ්ටිමත් ශරීරයක් ලබා සිටියාය.

පාසල් සමයේ zසෝයා මළල ක්‍රීඩවේ යෙදී ඇති බවට ඇගෙ ශරීරය සාක්ෂි දැරීය.

මුහුනේ කුරුළෑ සලකුනු ඇගේ රෝස දෙකොපුල්වල විශාලට පෙනුනි.

කලු රාමුවකින් නිමවුනු ඇගේ බෝතල් අඩි කන්නාඩි කුට්ටම, ඈට ගැලපුනි.

සෝබාවට ඇය සිටියත් බියක් නං ගෑවිලා තිබුන්නෑ.

zසෝයාට ‘ර’ ශබ්දය එන්නේ නෑ.’උක්‍රේන්’ කියන එකට කිව්වේ‘උක්ලේන්’ කියලයි,’ ශ්‍රී ලංකා’ ‘ස්ලී ලංකා’ය. ඊගර්ගේ නම වැරද්දුවේ නැති වගේ නම් මතකයි.

සිතට එන දේ එහෙමම පිට දමන, මුහුනට කතා කරන, තමන් ගැන අනුන් සිතන දේ ගැන අංෂුවකට මායිම් නොකරන zසෝයා,

අපූරු නිමවුමක්! අමතක නොවන චරිතයක්! සුන්දර මතකයක්! වශීකර සිනහවකට හිමි කාරියක් වූ zසෝයා බිළිඳියක මෙන් දඟකාරියක්.

ඇගේ ඇඳුම් පැළඳුම් ගැන විශේෂයෙන් කියන්න දෙයක් නැත්තේ, ඇය අඳින්න පළඳින්න පුරුදුව සිටියේ රුසියානු රටාවටම නිසාය.

අපේ පංතියේ සිටි චීන මලදියි (තරුණයින්) ඈ සමඟ එකින් එක කතා කරන්න බිය වූහ. (zසෝයා තම රටේ බල පුළුවංකාරකම් ඇති පවුලකින් පැමිනි එකියක් බව අපට දැනගන්න ලැබුනි)

තේජී සාමාන්‍යයෙන් තර්කවලට යන්නේ නැති එකෙක්. අපේ ‘'තාන්‍යා’ පවා සෞම්ය වචනයකින් මිසව ඈට කතා නොකරයි​.

ඇය සමඟ තර්කෙට ගියේ මායි ෆේජීයි පමනයි. ෆේජිගේ මුහුනට කඩා පනින zසෝයා මට එහෙම නොකලාය​.

දඟකාර කම නිසාම zසෝයා ක්ලාස් එකේ හැමෝගේම සැළකිලි තමා මත රඳවා ගත්තාය.

ඇය දක්ෂ ශිශ්‍යාවක්ද වූවාය. වයසට මුහුකුරා ගිය ස්වභා ලක්ෂන zසෝයාගෙන් නිතරම පෙනුනි.


සීත උක්‍රේනයේ සුමුදු සැඳෑවක් 4

 "විසිනව​ වසක් හද​ ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව​ සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු,  සුන්දර අතීතය තුල ​ඔබද රඳවාගන්නයි'

"මා මියයා හැකි මුත්, මගේ අතීතය මියයා යුතු නැත"

සීත උක්‍රේනයේ සුමුදු සැඳෑවක් 3


                                                   

මා හා උක්රේනු ජන ජීවිතය !

(පරිච්චේදය) 4

ව්‍යාපාර කලමනාකරණය පිළිබඳ උසස් අධ්‍යාපනය ලබන්න උක්‍රේනයට මම ආවාය කිව්වොත් ඔහේල මට හිනා වෙයිද මන්දා. එහෙමයි අපි ඒ දවස්වල කියා ගත්තේ.

මා උක්‍රේනයට පැමිනියෙ එලඹෙන ගිම්හානයේ දී විසාවක් අරගෙන එන්ගලන්තයට පැන ගන්න හිතාගනෙයි. ඒ දිනවල ගොඩක් දෙනෙක් උක්‍රේනයට ආවේ ඔන්න ඔය කාරනේටයි.

මා සමඟ ඔය ෆේජි පැමින සිටියෙත් ඕකටමයි. ඒ හේතුව නිසාවෙන්ම, ප්‍රශ්න ඇති කරන කාරනා වලින් හැකිතාක් ඈත්වී ඉන්නයි මා උත්සාහ කරේ. සාදයක දී ටිකක් තොල ගෑවත්, මම සල්ලාලයකු වගේ බොන්න ගියේ නෑ.

(සාදයක් නොතිබුනු දවසක් නැතිව තිබුනු එකයි ගැටළුවට තිබුනේ)

අනිත් කාරනා වලිනුත් මම ඈත්⁣ වෙලයි හිටියේ. ඒ කරුණේ දී මා ප්‍රතිපත්තියකුත් අනුගමනය කලා.

කාගෙත් පිළිගැනීමට අනූව, මා එහේ දී හොඳ ගති පැවැතුම් ඇති තැන්පත් චරිතයක්. එම හේතුවෙන්ම, පොදුවේ කවුරුත් මට ප්‍රියයි.

මෙහි දී කවුරුත් පිළිගත්තත් නැතත්, මේ කියන ඒ මොහොත වන තුරුත්, අවුරුදු 23 ක වයසකින් පසුවුනු මා, ලංකාවේ දී හෝ මාස 3 ක උක්‍රේන ජීවිතයේ දී හො වේවා ‘නොඉඳුල්’

වේලාව​: උක්‍රේන වෙලාව සවස 8.30

නියැලී සිටියේ,

‘ආගන්තුක සත්කාරයක් පිළියෙල කරමිනුයි, විශේෂ අවස්තාවකට ලක ලැහැස්ති වෙමිනුයි’

(දේවුෂ්කි (තරුණි) යන් දෙදෙනාම වයස අවුරුදු 18 කට වඩා නැති බව කියවුනා. ඒ උනාට උස මහතින් අම්මන්ඩිලා. තරුණියක් පැමින සිටියේ ඊගර් ගාවට නම්,

උක්‍රේනු ජන ජීවිතය

ඒ රැයේ දී එම තරුණිය තම මිතුරියව තනි කරයි නම්, ඒ කෙල්ල​? ඇය කොහේ නවතීවිද​? 'ඇය කරදරේ වැටැන්නැදද?' ලෙස හැදී වඩුනු පරිසරයේ ආභාශයට අනූව ප්‍රෂ්නයක් මකුවුනත්, එහෙම දෙයක් වෙන්නේ නැහ​.

තමාට ලැබෙන සුළු කාල අවකාශය තුල ඒකට පිළියමක් ඈ සොයා ගන්නීය.

කවුරුන් හෝ කෙනෙක් අනිර්වාර්‍යයෙන් ඇය වෙනුවෙන් ඉදිරිපත් වෙනවාමයි. මොවුන් ඔවුන්ද එහෙනං? ලෙස අපට සිතුනත්,

ඒ ලෝප්‍රකට වචනය එහේ, ඒ උක්‍රේන රටේද, ඔවුන්ගේ භාෂාව තුලද ඒ අර්ථයෙන්ම කියවුනත්, මා එදා දුටු උක්‍රේන ජන ජීවිතයට අනූව, ඒවාට එහෙම මුද්‍රාවක් නෑ.

එහෙම මුද්‍රා තබනවා නම් මග ඇරෙන කෙනෙකුත් නැතුවා සේ. අප සංස්කෘතිය තුල විවාහයකින් පසුම සිදු විය යුතුයි සැළකෙන සමහර කරුණු, මල්වර වීමත් සමඟම උක්‍රේන තරුණියෝ කරගනී.

දෙමාපියන්ගෙන් හෝ ඔවුන්ගේ රජයෙන් ඕවාට බලවත් තහංචි ඇති බවක් දැනෙන්නටත් නොතිබුනි. 16 වඩා අඩු වයසේ ගෑණු ළමයෙක් රාත්‍රියක නවතා ගැනීම ඒ නීතියට අනූව වරදක් බව නම් දැනගත්තා

එනිසා, ඔවුන් අති සාමාන්‍ය දේවුෂ්කි(තරුණි)යන්‍ය​. කාලයක් ඒ පරිසරය තුල ජීවත් වුනු නිසාදෝ අපට ඔවුන්ව වපරැසකින් නොබැලුනි.

ඔවුන් ගෝස්ති (ආගන්තුක) ගෙන්වා ගන්න පුද්ගලයාට ඔවුන් වෙනුවෙන් උපරිමයෙන් වියදම් කරන්න සිදුවුනේ, එදින රාත්‍රි භෝජනයට අමතරව ෂැම්පේන් හෝ වොඩ්කා සමඟ සිගරට් කිහිපයක් පමනි

එදා උක්‍රේනෙය් තිබූ සරල ජීවිතයට අනූව වොඩ්කා බෝතලයක් අපේ මුදලින් රු 200 කට වඩා තිබුනද කියලා මගේ මතකේ නෑ. ෂැම්පේන් තරමක් මිළ බව නම් මතකයි

තරුණියන් පමනක් නොවෙයි, ස්වාමියන් ඇති zෂෙන්‍ෂිනි (ගැහැණියන්) පවා මෙලෙස ආගන්තුකයන් ලෙස පැමින යනවා සාමාන්‍යයයි

ඒවා එහේ සාමාන්‍යයකි. වානිජයක්/වෙළඳාමක් බඳුව දුටුවා මිසක් ආදරයක් සෙනෙහසක් මා නිදිටිවෙමි. ඔවුන්ව මට අගයෙන් නොපෙනුනි.

හැමදේම උක්‍රේන කියල මා හැඳින්වුවාට, අවුරුදු 26 කට පෙර, මා එහි සිටි ඒ කාලයේ උක්‍රාන්ස්කි (උක්‍රේනුවන්) පවා තමන්ව හඳුන්වා ගත්තේ රුස්කි (රුසියානුවන්) ලෙසිනි.

ඒ රුසියාවෙන් වෙන් වී සිටි අලුත නිසාම විය යුතුයි. පෙර දී ඔවුන් රුසියානුවන් නේ

ඉතින්, අහම්බෙන් ලැබුනු අවස්තාව ප්‍රයෝනයට ගන්න මා යුහුසුළුවෙන් සප්පායම් වෙමින් සිටියෙමි. උක්‍රේන කාන්තාවන් සාමාන්‍යයෙන්ම පියකරු (‘සුදු තමයි පියකරු’ ලෙස මා එදා හිතං හිටියා) නිසාද,

පලපුරුදු කම නැති නිසාද අහම්බෙන් ලැබුනු අවස්තාව වුනද ඉතා උවනාකමින් යොදවා ගන්න උත්සාහ ගත්තෙමි.

''අහම්බෙන් ලැබුන’’ බවක් සඳහන් කලේ, ඒකක් එක්තරා රාජකාරියක් වූ නිසයි, ඒ කාර්‍යය සඳහාත් තරමක වෙහෙසක් දැරිය යුතුව තිබුනි.

සවස් භාගයේ නා -ඌලිත්සේ (පාර තොටේ), පාර්ක් (උද්‍යාන) යේ ඇවිදමින්, පීවා(බීර​) බොමින් (හරියට මාළු දැල් විසිකරනවා වගේයි

අවස්තාව බලං ඉඳලා හරි එක්කෙනා හැඳිනගෙන ගෙන කතා බහ කර, හොස්ටල් එකට ගෝස්ති (ආගන්තුක) යන් කැන්දං ඒම තරමක වෙහෙසකාරි වැඩක්

තරුණියන්ට කතා කර, ඔවුන්ව පිලිසඳරකට හෝ රාත්‍රී භෝජනයක ඇරයුම් කිරීම ඒ රටේ සාමාන්‍ය කරුණක්ව තිබුනි.

ගෝස්ති ඇරයුම් කරන්නාට කිපීම් බැනවැදීම් වැනි කිසි දෙයක් ඔවුන් නොකරයි. සාදරයෙන් පිළිගැනීමට බැරිනම්, එය සාමාන්‍යව ප්‍රතික්‍ෂේප කරයි. නැති නම් වෙනත් දිනයක් ලබා දෙයි.

රුසියානුවන් බීර බොන්නෙ හරියට අපි වතුර බොනව වගෙයි, පේමන්ට්වල​, උද්‍යානවල, රීනක් (පොල​) වල​, කියෝස්ක් (පෙට්ටි කඩ​) වල​, අරහේ මෙහේ හැමතැනම ඕවා තියෙනවා.

මෙහේ වට්ටි අම්මලා ඉඳගෙන බුලත් විකුන්නන්නේ, අන්න ඒවගේ බාබුෂ්කි (මැහැල්ලී) ලා තැන තැන ඉඳං එහේ පීවා (බීර​) විකුනනවා.

ඉස්සර අපේ සමූපකාරවල බැරල්වලින් කරාමේ ඇරල ලාම්පු තෙල් දෙන්නේ මතකද​? එහේ සමූපකාරවල ඒ දවස්වල පීවා වික්කෙත් ඒ වගේයි.

ප්ලාස්ටික් භාවිතයක් නොතිබුන උක්‍රේනයේ අපි පීවා අරගෙන එන්නේ ලීටර් පහේ විශාල වීදුරු බොතල් වලයි, අපි එළ කිරි අරගෙන එන්නෙත් ඔය බොතල් වලයි.

මා එහේ දී දුටු විශේෂ ලක්‍ෂනයක් තමයි ශාක්‍ෂරතාවය, ඔවුන්ගේ ශාක්‍ෂරතා අගය ඉතා ඉහළ බවක් මට පෙනුනි. ලියන්න කියවන්න බැරි කිසි කෙනෙක් මා එහි දුටුවේම නෑ.

වයස 80ක විතර බාබුෂ්කියක් දේදුෂ්කෙක් වුනත් ඉතාමත් හොඳින් ලිවීම කියවීම කරයි. ගනු දෙනුවල දී ඔවුන් ගනන් හදන්න පාවිච්චි කලේ ''ඇබකස්'' ලෑල්ලයි.

බලන්න එපෑය අවුරුදු 90ක විතර ආච්චි කෙනෙක් 'ටික්, ටික්' ගාල ඇබකස් එකෙන් ගනන් හදන ලස්සන​.

අනෙක් ගැටලුව තමයි තරුණියන් සමූහයෙන් මුදවාගෙන ඒම​. තරුණියන් තිදෙනෙක් සිටියා නම්, ඒ තිදෙනාවම ගෝස්ති ගෙනියන්න ආදාල පුද්ගලයාට සිදුවෙයි.

එම නිසාම අපේ කට්ටිය ඇවිදීමට යන්නෙත් කිහිප දෙනෙක් එකතුවයි. වයස, ජාතිය, ආගම, වර්ණය, කිසිත් ඔවුන්ට ආදාල නෑ.

ආසන්න වනතුරුම කොමියුන්ට් වාදයේම රැඳී සිටි නිසාදෝ පොතේ පතේ උගත් දේ මිස ආගමක් දහමක් කිසිත් ඔවුන් නොදැන සිටියෝය.

ඒ දිනවල උක්‍රේන තරුණියන් zෂිමිලියාකී (සුජාතික) යින්ට වඩා ඉනස්ත්‍රානී (විජාතික) යින් සමඟ ඇයි හොඳයි කම් පවත්වන්නට කැමැත්තක් දැක්වූහ​.

සහවන්තයා මැදිවියේ හෝ මහළු වියේ වීම ගැන තැකීමක් නොතිබුනි. තමන්ගේම හැඩි දැඩි කඩවසම් තරුණයින් සිටියදී පිටස්තරයන් සොයා ඔවුන් ගියේ එතැන වඩා සතුටක් තිබේවි යයි සිතූ නිසයි.

විජාතිකයින් ලඟ මුදල් හදල් වැඩිපුර ගැවසුනු බව මතයක් එදා සිටි උක්‍රේනයේ තිබුනා. එදා තිබුනු සැබෑ තත්වය ඒකම වුනත්,

මා එහි සිටි 1994 වර්‍ෂය අවසන් වන්නටත් පෙරාතුව ඒ තත්වය වෙනස්වීගෙන යන බවක් මා හොඳාකාරව දැක්කා.

හැඩි දැඩි කියනකොටයි මතකෙට ආවේ, ඔවුන්ගේ හිටියා ''ෂහ්තියෝර්'' කියල හඳුන්වන පිරිසක්, ඌගල් (ගල් අඟුරු පතල්) වල සේවය කරන මොවුන් යෝදයෝ වගේයි.

දේහධාරී මොවුන් හරිම ශක්තිවන්තයි. අපට අතට අත දුන්නොත්, අපි කුඩා ළමයෙකුගේ අතක් අල්ලනවා වගේ ඔවුන්ට දැනෙනවා ඇති.

පොදුවේම රුසියානුවන්ට රළු කට හඬකුයි තිබෙනේ, මදිවට උගුරෙන් උච්චාරණය වන ඔවුන්ගේ භාෂාව, එකට තව තවත් රළු බව එක් කරයි.

කෙසේ නමුත්, පොදුවේම මනසින් ඔවුන් හරිම මෘදුයි, ඔවුන් මිත්‍රශීලියි, ආකල්ප අඩුයි. (ඒ සමාජවාදයේ ආභාෂය නිසාම විය යුතුයි

අපි කියන ඕනෑම බොරුවක් හිස මුදුනින් ඔවුන් පිළිගන්නවා. ස්ත්‍රී ආධිපත්‍යයක් මට ඉව වැටුනා. එහේ පිරිමීන් තමන්ගේ සත්‍රීන් ඉදිරියේ පූසෝ වගෙයි.

රාජ්‍ය ආයතනවල පාලන තනතුරු බොහෝමයන් ඉසුලුවේ සත්‍රීන් ලෙසයි මා දුටුවේ

නොකීවාට මොකද​, මිතුරන්ගේ පෙරැත්තය නිසාම මං ඉදිරිපත් වුනා මිසක්, ඔය කාරණය මගේ කැමැත්තම නොවුවෙය.

රියාල් ඕවා පස්සෙන් යන්නේ නැති එකා උනත්, ඇවිදින් මට කිව්වේ, උක්‍රේනයට ආවා නම් ඕවායේ අත්දැකීම් තියෙන්න ඕනෑය කියලයි.

ඒ රැය ගත කරන්න තමා වෙන කාමරයකට යන බවත් ඔහු පැවසුවා, ඒ මා දිරිමත් කරන්න තිබුනු උවමනාවටයි.

zසියාඩ් ගැන කියන්නත් ඕන නෑ, ඌ ඕවට මාස්ටර්. ඔහු මට ලෙක්චර් දෙන්න පටං ගත්තා.

ඊගර් නම් ආවේ ආදරේකට නෙවෙයි, නැත්නම් නම් මිනිහගේ වැඩේත් සුංනේ! ඒකයි.

'අහිංසකයෙක් නරක් කරන්න මුංගේ තිබුන උවමනාව යකෝ!

පව් කාරයෝ!

කොච්චර නැහැයි කිව්වත් ඉතිං, කුතුහලය කියන එකකුත් තියෙනවනේ. එයින් මෙයින් මමත් හා වුනා.