Friday, December 18, 2015

​හොඳ සිහියෙන් කුර්-ආනය දකින ලාංකික සිතිවිල්ලක්!

ප්‍රතිචාරයකින් කියන්න ගිය දෙය දික් වුනු නිසා ලිපියක් වශයෙන් පිලිගන්වන්න සිදුවූ මගේ පැහැදිලි කිරීම,


මටත් ඕනේ වෙලා තියෙන්නේ මේ සංවාදයෙන් ඉවත් වෙන්න​​,..ඒත් ඉදිරිපත් ව ඇති කාරණයට සාධාරනයක් ඉටු නොකර ඉවත් වෙන්න බැහැනේ, බ්ලොගයන් තුල අපේ කර්තව්‍යයත් එකනේ. ඔබ ඉදිරිපත් කල දේ අපැහැදිලි  කියල මම කිව්වේ නෑ, ඔබ ඉදිරිපත් කල දේ සාදකයක් නෙවෙයි කියන එකයි මම​ කිව්වේ.​ කොපමන තේරුම් කලත් ඔබ නොතේරුනු ගානට​ ඒ තැටියම හරව හරව දානවා, ඒක්කෝ සත්‍යය දැනගෙන බබා පාට් (ආආං 'බබා පාට්' ඔබින තැන​) දානවා 

ජන සමූහයක් හිස මුදුනින් පිලිගෙන අදහන ආගමකටයි ඔබ මෙම අභූත චෝදනාව ඉදිරිපත් කරේ. මාතලංගේ බ්ලොගයේ ඒ ඔබ යෙදූ ''වැරදි කරන්න ඔවුන්ට ආගමෙන්ම උගන්වා තිබීමයි'' වචනය වැරදියි කියලා සහතිකවම මම දන්නවා, ඒ සඳහා ඔබ ආදාරකයන් ලෙස ගෙන ඉදිරිපත් කල කුර්-ආන් වැකි සියල්ල ඔබ අර්තකථනය කලා වැරදියි කියලත් මම ඔප්පු කලා. වැරදි සොයන චේතනාවෙන්ම ඔබ කුර්-ආනයේ හා සුන්නාහ්වේ පිටු පෙරලුවාට මම ඒවායේ පිටු පෙරලුවේ ජීවිතය කර ගන්න.​ නියතවම, ඕවායේ අන්තර්ගත ඔබට වැඩිය මට තේරෙනෙවා, ඔබ කොපමන නන් දෙඩුවත්, ඕවා වැරදි නැහැ කියලත් මම දන්නවා, ඒ ඔබගේ දෙයක් මට වඩා ඔබ දන්නවා වගෙයි.

ඉස්ලාම් ආගම කුර්-ආනයම බව ඔබ තේරුම් ගන්න​, නීති, උපදෙස්, අවවාද​, අනතුරු ඇඟවීම් සියල්ලම කුර්-ආනයයයි, ඒ අතර ඉතිහාසයනුත් තිබෙනවා, ඒවා ඉතිහාසයන්ම වීනා නීති රාමු නෙවෙනයි​.'හදීස්' අටු ( මේ වචනයට සිංහල අර්තය මා ඉගෙන ගත්තේ ඔබගෙන්, ස්තූතියි) වක්තෲ ජීවිතයයි, එය ​ඉස්ලාමික ජීවනයකට අමතර සහායකයක් (මා අටු බැහැර කරනවා නෙවෙයි) කුර්-ආනයට ඉහලින් සිටිනද ​, එයට පටහැනිද වන්නටද අටුවට බැරිය​, එහෙම වාක්‍යයන් අටුවේ නැත​, එහෙම එකක් තිබේ නම්, ඒ අටුව වැරදිය​ හෝ එය අප අතට පත් වී ඇති මාර්ගය​ සැක සහිතය​ (මා දේ කිව්වේ තොරතුරක්  ලෙස මිසක් අල්ලගෙන ඉහලට ඇදෙන්න ඔබට පොටක් හැටියට​ නම් නෙවෙයි)

ඔය අටු කියන ඒවා කුර්-ආනය මෙන් අනූපමක් නෙවෙයි, මුස්ලීම් ලෝකයට ඕවා නොයෙකුත් මූලාග්‍රයන් හරහා ලැබී තිබෙනවා, ඕවායේ පිළිගන්න පුලුවන්ද, නුපුලුවන්ද, මතභේදාත්මකද​, ලිහිල්ද​, ශක්තිමත්ද ලෙස වෙන් කෙරෙන අටු තිබෙනවා, අනෙකුත් අටු හා ග්‍රන්තයන් සමඟ සසඳන විට ඔබ ඉදිරිපත් කල 'සුන්නාහ් අබූ දවූද්' ග්‍රන්තයට ලැබෙන තැන හා ඔබ සඳහන් ඒ ඉතිහාසය ඒ තුල සටහන් වෙලා තිබෙන අයුරු ඒ ලෙසමද​ කියන එක නැවැතත් සොයා බලන්න​.(ඔබ සඳහන් කල පරිදිම විය යුතුයි, මතක තබා ගන්න​)

මාතලංගේ බ්ලොගයේ දී ඔබ අදාල සටහන තබන මොහොතේ චියර් පාරක බලාපොරොත්තුවක් මිසක් විරුද්ද හඬක් එසවෙයි කියල ඔබ සිතුවේ නැතිව ඇති සමහර විට​. මදිවට වචන අවදි කලේ උම්මත්තයෙක්ම නිසා ටොක්කකින් දෙකකින් ප්‍රතිවාදියා බිම දාගන්නත් ඔබ සිතන්න ඇති ​. ප්‍රතිචාරවල​ ඔබ සටහන් කල ඇනුම් පදවලින් ඕක පෙනුනා.

'අවස්තානුකූලව යොදව ගන්න ඕනේ' ලෙස කියූ මගේ වචන අසා, 'මෙහිදී සැමවිටම මේ කැත වැඩ වසාගනිමට ඉස්ලාම් භක්තිකයන් (මා දැක්ක ඔබත් මෙය කරනවා) කියන දෙයක් තමයි එම අවස්ථාවට' කියල​, ඔබ දෝෂාරෝපනය කලා, නමුත් එවැනි අවස්තාවක මුස්ලිම් නොවන කෙනෙක් කරන්නේ කොහොමද කියන එක​ කියන්න ඔබට අමතක වුනා, තලගොයි කන්න ඕන විට මුස්ලීමුන් කබරගොයි හිටං කනවැයි කියල ඔබ  කීවේ ඒ හේතුව නිසාමයි, මුස්ලිම් නොවන අය කන දේවල් මෙතන ආදාල නැති නිසා ඔබ ඕවා කිව්වේ නෑ​.​ 'මධ්‍යස්ත' හොරාගේ අම්මගෙන් පේන අහන බව​ත් ඔබ කීවා. එතන හොරාගේ අම්මා මමය​, හොරා අල්ලාහ්‍ය.​ ඔබ 'හොරුන්' කියල සඳහන් කර තිබුනා නම් අපට වක්තෲන්වත් එකතු කර ගන්න තිබුනා.

''අන්තර්ජාලය කියන දේ හෙළුවෙන් ඉන්න පිරිස බැලීමට යොදවනවා වගේ ලෝකේ වෙන දේවල් සොයන්න පුරුදු වෙන්න'' කියලත් ඔබ කිව්වා, ඒක ඔබ කීවේ මට නොව වෙනත් ප්‍රතිචාර කරුවෙකුට, එයින් අන්තර්ජාලයේ හෙළුවෙන් ඉන්න පිරිස හෙතෙම බලපු එක ඔබ බලා සිටියා, නැති නම් අංජනමක් හරි බලල ඒ බව ඔබ​ දැනගත්තා, නැත්ත නම් එච්චර විශ්වාසෙකින් ඔබට ඕවා කියන්න බැහැනේ. අතරින් පතර සිංහලුන්ව උසි ගන්නන්නත් ඔබ නොසෑන්න උත්සාහ කලා, ඒ සහයට යමෙක් පැමිනෙනවා නම් හොඳා කියල ඔබ හිතන්න වූ මොහොතකයි ඔබේ වාසනාවට ලොකුස් ඔබට එකතු උනේ. දෙන්න එකතු වුනාම මාව කම්බස් කරන්න පුළුවං වෙයි කියලත් ඔබ සිහින මැව්වා.

අනුන්ගේ ප්‍රතිචාර තුල බැහැලා ඔවුන්ට යම් යම් දැනමුතුක්ම්, උපදෙස් දීමද සංවාදය තුල ඔබ සාමාන්‍ය ලෙස කරගෙන​ ගි​යා. මෙහි ඇති වැරද්දක් නැතත් තරමක Over riding උත්සාහයක් කියලයි කියන්න තියෙන්නේ. 

මගෙන් ගිලිහුනු වචනයක් පාසා ආවුදයක් කර ගන්න ඔබ නොසෑහෙන්න​ උත්සාහ කලා, සැලකිල්ල වෙන අතකත යොමු කරන්න.​ 'මාතලං බ්ලොග් වාක්‍යය' සාධාරණීකරනය කරන්න,​ මැද පෙරදිග පටන් අප්‍රිකාව දක්වා ගොහිං ඔබ කරුණු හෙව්වා සැම විටම ඔබ උත්සාහ කලේ සබැඳියාවක් ලබා දී ඇඟ බේර ගන්නයි. ඉඳි ආප්පය තුල මම කොටුවෙයි කියන බලා පොරොත්තුව, එක්කෝ ඒ ඉඳි කෙන්දේ වෙන තැනක මතුවී මම​ ඔල්මරන්දං වෙයි කියන බලාපොරොත්තුව​.

ඔබ 'ලොකුකු පුතා' අමතමින් ලියූ ප්‍රතිචාරයේ 'යම්විදියකින් පල්ලිය කිව්වොත් හෝ සහයෝගය දැක්වුවොත් කිසියම් නීති විරෝදී වැඩක් කිරීමට සැලකියයුතු පිරිසක් ඊට සහබාගි වනු ඇති' බව කිව්වා. ඉතිං මිත්‍රයෝ ඕවා ගැන මෙතන කිය කියා ඉන්න එකේ එවැනි සිදුවීමක වාර්තාවක් හෝ ඉදිරිපත් කරන්නකෝ. ඔබගේ මනස්ගාත මෙතන ලියලා මිනිස්සු කුලප්පු කරන්නනේ නැතිව​. මෙතන දී ඔබේ ඔබේ ඇඟිල්ල ඔබ දෙසටම දික් නොවෙනවාමද බව සිතන්න ඔබ අමතක කරා.

ඔබ 'ලොකු පුතාට' ලියූ අනෙක් කරුනු අතරේ රේගුවලදී මුස්ලිම් ව්‍යාපාරිකයන් කරන වැරදි සඳහන් කලා, ඒ පිලිබඳ මට ඔබ සමඟ තර්කයක් නෑ, මුස්ලීමුන් ඔහොම කරන බව මාත් දන්නවා​, මුස්ලීමුන් පමනක්ම ඕවා කරන බව හූවා දැක්වීමට ඔබ උත්සාහ කිරීමයි මෙතන වැරද්ද​. එතෙන දී රේගුව පමනක් නොව සමස්ත ව්‍යාපාරික ක්‍රමයම කරුණට ගැනීමයි වැදගත්, පොදුවේ සිද්ද වෙන වරදක් ගැන තනි ප්‍රජාවක් වෙත ඇඟිල්ල දික් කිරීම ඔබගේ කූහක කමයි. ඔබ සිතට එකඟව වචන හසුරුවන බවක් මෙතන පෙනෙන්න නෑ. 

ඔබ 'ලොකු පුතාට' ලියූ 'කුරානය කියන්නේ ඔවුන් අන්ධ බක්තියෙන් පිළිගන්න පොතක් මෙය මා දන්නෙ උගත් මුස්ලිම් මිතුරන් ගෙන් 90% පමණ කිසි හෙවිල්ලක් බැලිල්ලක් නැතුව පිලිගන්නවා ඒ අතර මට සිටිනවා 10 % පමණ මත් පැන් පාවිච්චිකරන සාමාන්‍ය බටහිර ආබශය ඇති අය ඔවුන් මේ ආගම විවේචනය නොකර සිටින සාමකාමී මිනිසුන්.' මේ වාක්‍යයට සටහනක් තියන්න මට තේරෙන්නේ නෑ නමුත් මෙය මෙතන අඩංගු කරන්න මට සිතුනේ, ආගමකට​ අනුකූල නොවන පිරිසක් ගැන කියමින් 'ඔවුන් හරීයි' යන​මතයක සිටින​ ඔබේ මනෝභාවය ඉස්මතු කර පෙන්වන්නයි.

කෙසේ නමුත්, ඔබ වැරදි පුද්ගලයෙක් බව මම මෙතන​ කියන්නේ නෑ, මගේ දැනීමට අනූව මට පෙනුනේ ඔබ හොඳ පුද්ගලයෙක් වශයෙනි. ඔබට පිළිකුලක් වූ කරුණක සංවාදයක් වුනත් කොතැනක හෝ අල්ලාහ්ට හෝ වක්තෲන්ට අපහාස කෙරෙන වචන ඔබ යෙදුවේ නැත​. ඔබ, ඔබ ගැන හා ඔබේ තර්කයන් ගැන තද විශ්වාසයකින් සිටි නිසාද හා ආදාල කරුන ඔබට පිළිකුලක්ව තිබුනු නිසාද​, විතර්ක ගෙනෙන්නා හෝ ඔහු සමඟ සමාධානව ප්‍රතිචාර දෙන්නා ඔබට වහ​කදුරුම විය​. විතර්ක ගෙනෙන්නාව (මාව​) ඔබ දුටුවේ බොරු කියන සත්‍ය වසං කරන පිළිකුල් සහගත නරුමයෙක් ලෙසයි. ඔබ, ඔබ ගැන අධිතක්සේරු කරගෙන සිටියා සේම​ අනෙකුත් සමහරුන් ගැන ඔබ අවතක්සේරු කරගෙනයි සිටියේ.

මෙතන මා උලුප්පා පෙන්නුවේ මාතලං බ්ලොග් 'වැකිය' සාධාරණීය කරන්න ඔබ කල උත්සාහයේ දී ඔබ යොදා ගත්තු සමහර උපක්‍රම පමනක්ම නොව, අනුන්ගේ පෞද්ගලිකත්වයට ඔබ හොට දැමූ ආකාරයත්​ පෙන්වන්නයි.​ එහෙයින්, තවද​ ඔබ කොයි වැනි මනෝභාවයකින් යුතු පුද්ගලයෙක්ද​ කියන එකත් මට මේ බ්ලොගය තුල පෙන්වන්නට අවශ්‍යයි​. ඔබ කොතරම් දෝශාරෝපනය කර තිබුනත් 'ඉස්ලාම් ආගමේ සාමය පිලිබදව ඉතා ප්‍රගතශීලි අදහස් සදහන් වෙනවා' බව කියමින් ඉස්ලාමය ගැන ඔබ සුභ අදහසක් ප්‍රකාශ කිරීම ගැනත් ප්‍රසංසා කල යුතුමයි.

නොයෙකුත් හේතුන් නිසා ඔබ මුස්ලීමුන් නුරුස්සනවා ඇති, ඔබ පමනක්යැ මා නිරිස්සූ එවැනි අවස්තා කොතෙකුත් ඇත. එවැනි අවස්තා මට ඇතිවුනේ වුනේ ලැජ්ජාවද කෝපයද​ ගෙන දෙමිනි. විශේශයෙන් පොදු ස්තානවල මුස්ලීමුන් වෙතින් සිදුවෙන නොගැලපෙන ක්‍රියා නිසා.  අද ලෝකයේ මුස්ලිමුන් ඉන්න හැමැ දිහාවකම යුද්ධ, නොයෙකුත් ප්‍රශ්න, ඒවාට හේතු වූ මුල් බැසගත් කාරනා මොකක් වුනත් සියල්ල ජවනිකා ගත​ වෙන්නේ මුස්ලිම් වෙසකිනි, (අන්න ලිව්වා ඔබට අල්ල ගන්න පොටක්) ඕවා (මෙතන ඒ ගැන කතා කරන්න ගියොත් ලිපිය දිග වැඩි වෙයි) නිතර පහේ  දකින, ඇසෙන නිසාද, මදිවට සෞදි අරාබිය වැනි රාජ්‍යයන් තුල ඇති අන්තෝනමතික​​ නීති, හා දඬුවම් ක්‍රම​ නිසාද ඔබට එසේ සිතෙන එකේ වැරද්දකුත් නැහ​.

කරුණට ආදාල වන්නේ මුස්ලීමුන්ම නිසා මා මෙතන ආදාල කරගන්නේ මුස්ලීමුන් කරන වැරදි පමනයි, අනෙකුන් වැරදි කරනවාද නැද්ද බව සිතට එකඟව නිගමනයකට ඒම ඔබ සතුයි.

මුළු සකල​ මුස්ලිම් ජන ​බිලියන 1.6 ම වැරදි කලත්, ආගම එයට වග උත්තර නෑ, ආගමේද ඔවුන් වැරදි කරුවන්‍ය​.

අප සංවාදය ඇරඹුවේ ''වැරදි කරන්න ඔවුන්ට ආගමෙන්ම උගන්වා තිබීමයි'' සම්භන්දවයි, ඒකට මම පිළිතුරු දීල ඉවරයි,​ පිළිතුරක් දුන්නහම ඒක ඔබ​අනුමත කරන්නේ නෑ, එයින් බැහැර වෙලා ඒ වෙනුවට ඔබ වෙනත් කරුනු හොයනවා, එකින් එක අමුනනවා, බොහෝ ඒවා ඔබේ  මනස්ගාත, ඔවාට​ පිළිතුරු දෙන්න මට තේරෙන්නේ නෑ, පිළිතුරු දෙන්න මම බැඳිලත් නෑ. අනුමත කරන්නේ නැත්නම් ඔබට පිලිතුරු දෙන එකේ පලක් නෑ............

මා මේ සටහන විශේශයෙන් තිබ්බේ ඔබ වෙනුවෙන් නොවෙයි, ඔබට තේරුම් කර ගැනීමේ හැකියාවක් නැති නිසා මේක බලන තේරෙන අය වෙනුවෙනුයි.

මීට වැඩිය පැහැදිලි කරන්න දෙයක් මට ඉතිරි වෙලා නෑ, ඔබ හිතන දෙයක් හිතා ගන්න​.



ඔබට ජය​



Post a Comment