"විසිනව වසක් හද ගැඹුරෙහි මිහිදන්වූ, ආගන්තුක පරිසරයක, ජාත්‍යන්තරව සිදුවුනු ප්‍රේම පුරාණයක සිහිවටන, ඒ සැටිම ඔබ වෙත තිළින කරන්නේ, ඒ පසු වුනු, ඒ සුන්දර අතීතය තුල ඔබවද රඳවාගන්නයි'
"මා මියයා හැකි මුත්, මගේ අතීතය මියයා යුතු නැත"
සීත උක්‍රේනයේ සුමුදු සැඳෑවක් 1
සතරවෙනි කාමරය !
(පරිච්චේදය) 2
හරි හැටි විදුලි එළියක් හෝ නැති අඳුරු පිවිසුමක් හරහා සෝපානයෙන්ද පඩි පෙලෙන්ද ලඟාවිය හැකි එවන් අඳුරු මැද zසාල් (සාලය).
පොදු මුළුතැන්ගෙයි 2ක්, පංති කාමරයක් සහිතව නිදන කාමර හතරකින් සමන්විතව 6ඒ, 6බී, 6සී, 6ඩී ලෙස වෙන් කර තනවා ඇති,
අතුරු සාලයන් හතරෙන් 6බී සාලයේ,
පදිංචිකයන් සියළු දෙනාගේ සහභාගිත්වයෙන් මේස පුටු සොෆා ආදිය යොදා, වෝල් පේපර් අලවා කාපට් අතුරා, ෆ්ලෝරසෙන්ට් ආලෝකයෙන් නහවාලූ.
ශීතකරණ, මයික්රෝවේව්, සපත්තු ඇඟලුම් රාක්ක සමන්විතව, දොර ජනේල් බැල්කනිය, පිළිවෙලකට අලංකාරව තබාගෙන ඇති ඒ පරිශ්‍රෙය්.
(එය හාත්පසින්ම වෙනස් පරිසරයකි)
වෝල් පේපර් අලවා කාපට් අතුරා, රූපවාහිණියක්, අල්මාරියක්, කැබිනෙට්ටුවක්, කැසට් රෙකෝඩරයක් තිබුනද,
තැනින් තැන ගමන් මලුද තවත් දේවල්ද කිසි පිළිවෙලක් නැතිව තබා ඉඩ අහුරා යාබද සාලයටත් නිගා කරමින් විකාරව තිබූ අංක 4 කාමරයේ,
පෙති කල යාබ්ලකා(ඇපල්)ගෙඩි කිහිපයක්, නපීතක් (පළතුරු බීම) ස්තකාන්ස්කි(වීදුරු) 20 LM (සිහරේට්- සිගරට් වර්ගයක්) පැකට් එකක්,
අලි සයිස් 'ස්පීච්කි (ගිනිපෙට්ටි) යක්, අතුරා තිබූ වීදුරු ටීපෝවක් ඉදිරියේ ඇති ඇඳක් ලෙස අකුලා දිග ඇරිය හැකි සෝෆා සැටියේ,
''සඳ කුමාරියක් දීගෙක යනවා,
රබන් සුරල් හඬ රැව් දෙනවා,
තුරු ලතා මඩුල්ලේ''
('ප්‍රින්ස්’ පසුබිම සංගීතවත් කරගෙන සිටියේය)
කෝම්නතා (කාමර) අංක 1කේ හිටියේ ශිෂ්‍යයෙක් බවට ව්‍යාජ ලියාපදිංචියක් ගෙන සුළු වෙළඳාමේ නිරතවෙමින් සිටි ඊගර්. ඔහු උක්‍රේනුවෙකි.
ප්‍රතම විවාහයෙන් දික්කසාද වී සිටින ඊගර් නේවාසිකාගාරයේ තනියෙන් ජීවත් වෙයි. ඊගර් ඉක්මනින් කලබල වෙන, නිතරම සැකෙන් බලන, ඉඳ හිට සියුම් ඊර්ෂියා පාන එක්තරා බොළඳ පුද්ලයෙකි.
වයස 28ක් වූ මොහු පිරිසිදු භාවය ගැන බොහෝම සැළකිලිමත් වෙයි. ඔහු තම මතයේ දැඩිව සිටින පුද්ගලයෙකි.
ඔහුගේ අසාර්ථක පළමු විවාහයට හේතු කාරකත් ඔහුගේ ඔය ගති ලක්ෂනමද කියලත් සිතෙයි.
ප්‍රීවියත්! (හායි) පකා! (බායි,චෙරියෝ) දෝබ්‍රි ඌත්රා! (සුභ උදෑසනක්) ස්පකොනොයි නොත්ච්! (සුභ රාත්‍රියක්)
මට්ටමින් තබා ගෙන සිටියොත්, හොඳින් ඉඳිය හැකි මුත්, ලංවී ගනු දෙනු කරන්න ගියානං තරහ කරගන්න වෙන, අමුතු චරිතයක් 'ඊගර්'
සතියට වරක් හෝ ඊගර් හොස්ටල් එකට 'දේවුෂ්කෙක්' (කෙල්ලෙක්) ව අඞ ගහගෙන එයි. සුළු පහේ භෝජන සංග්‍රහයක් කර, එම රාත්‍රියේ තමා සමඟ ඈව තියාගන්නා ඊගර්,
පසු දින උදයම ඇයව ඔහු පිටමන් කරන්නේ අප අවදි වන්නටත් පෙරාතුවයි.
ඒ, ඊගර්ගේ හැටියක් වන අතර මෙය ඔහුගේ සතියේ චර්‍යාවන්ගෙන් එකක්. එකම ස්ත්‍රීය නැවතත් මොහු එක්කං එනවා මං දැකලා නැහ.
උක්‍රේන ජාතිකයන් විවිදත්වය ප්‍රිය කල බවට මෙය එක්තරා සාදකයක්. විවාහ භන්දනය තුල සිටිය පයා විවිදත්වය සොයා දෙන්නා දෙපැත්තේ යෑම එදා මා සිටි උක්‍රේනෙය් සාමාන්‍ය දෙයක්.
කාමර අංක 2 සිටියේ යෙමන් ජාතික zසමීර්, මොහු ගැන කියන්න මට වැඩි දෙයක් නැත්තේ, ඔහු සමඟ මා වචන හුවමාරු කර ගත්තේ බොහෝම සීමිත නිසයි. මොහු අනුයුක්ත වී සිටියේ වෛද්‍ය පීඨයටයි.
සිකුරාද සවස තම පදෲගා (මිතුරිය) 'කාත්‍යා’ සමඟ අපේ හොස්ටල් එකට ඔහු පැමිනෙයි. සඳුදා උදේම තම මිතුරියද කැටුව ඔහු නික්ම යයි. නැවතත් එන්නේ එළඹෙන සිකුරාදාවටයි.
වෛද්‍ය පීඨයට අයත් නේවාසිකයක කාමරයක් හිමි මොහු, ඉහත කී අංක 2 කාමරය අරගෙන තිබුනේ කාත්‍යා සමඟ නිදහසේ නැවැතුම් ගැනීමටයි.
වෛද්‍ය පීඨයේ මොහු බෝධිසත්වයෙක් වෙන්නත් ඇති සමහරවිට, අපි නොදන්නවාට!
උක්‍රේන සාමාන්‍යයට අනූව මොහුට සිටියේ පස්තයාන්ස්කයා පදෲගා(ස්තීර මිතුරිය)කි.
'ස්තීර' කිව්වට විවාහයෙන් අවසන් වෙනවාම කියන එක නෙමෙයි අර්ථය, තරමක වැඩි කාලයක් එකට සිටීමයි.
කාමර අංක 3 සිටියෙත් යෙමන් ජාතිකයෙක්, ඔහුගේ නම 'සියාඩ්'. සියාඩ් අනුන්ට උදව් කරන හොඳ හිතක් තිබුනු පිස්සු පොරක්.
ඔහුගේ කාමරයේ මෙන්ම පොදු සාලයේ තිබුනු බොහෝ බඩු මුට්ටු ඔහුගේ ඒවාම විය, කිසිම ගානක් නැතිව අපි ඒවා බාවිතා කරන්නේ අපේ ඒවා මෙනි.
ගමනක් යනවිට අපි අපේ කාමරයේ දොර වසාගෙන යනමුත් ඔහු කිසි දිනක එය නොකරයි. බැහැරව යනවිටත් ඔහු අපට කියල යන්නේ '
'උවමනා යමත් ඇත්නම් අරගන්න’ කියලයි.
සැහැල්ලුව විනෝදකාමීව ජීවත් වෙන්න කැමැති zසියාඩ් නිහතමානීයි, ‘සියාඩ්’ වලියට බර එකෙකි.
බීගත්තු වෙලාවක,
අහල පහල උක්‍රේනුවන් සමඟ zසියාඩ් වලියට යයි, මැදට පැන දෙපැත්ත සමදාන කරන්නේ බොහෝ විට මමයි.
විහිළුව නෙවෙයි කියන්නේ, බීගත්තු නිසානේ මූ රන්ඩු උනේ, ඉතිං පසුවදා ආයෙත් බීපංකෝ අපි, ඒ රන්ඩු කර ගත්තු එවුනුත් එක්ක.
කියන්නේ නම් කොම්ප්‍රෝමයිස් ෂොට් එක කියල.
ඕක ෂොටයකින් නවතින්නෑ, හවස් වෙනකං යනවා පාටිය.
සමහරවිට, පහුවදා උදේම 'පහඃමලීත්සා' (හිසේ ඇම්ම නැති කරන උදේට බොන, බෙහෙත් ෂොට් එක) අන්න ඒකත් අපිට බොන්න සිදුවෙනවා.
බොන්න උවමනාවට රුස්කීන් (රුසියානුවන්) එක එක නම් හදාගෙනයි තිබුනේ. රුස්කීන්ට නම් වොඩ්කා බොන්න හඃලේබ් (පාන්) පෙත්තකුයි, අගෲස්කි (පිපිංඤා (විනාකිරිවල පදම් කල)) තිබුනොත් ඇති.
ඉතිං මං මෙතන කියන්න ආවේ, zසියාඩයා රුස්කීන්ට අන්තයි බව කියන්නයි. ඊගර් වගේ නෙවෙයි මූ, බර හැදුනාමයි පිට්ටනි හොයන්නේ ගන්නේ. වෙරි වැඩි උනාම රෑ දෙගොඩ ජාමේ අපිවත් එක්කං මූ යනවා හොස්ටල් එක වටේ.
පුදුමයි කියන්නේ, මූ හරියටම දන්නවනේ හොස්ටල් එකේ කෙල්ලොන්ගේ කාමර. අහවල් කාමරේ ඉන්න අහවල් එකීගේ නම කියල කතා කරනවනේ හරියටම.
කොහොම නමුත් අවසානයේ මූත් පස්තයානාවක් (ස්තීර) එකක් සමඟ සෙට්ල් වුනා. ඒකෙන් මූගේ කරච්චලෙන් අපිත් නිදහස් උනා.
(ඉතිරිය සීත උක්‍රේනයේ සුමුදු සැඳෑවක් 3)
