Saturday, October 7, 2017

වෙදහාමිනේ සමඟ මගේ තෙවෙනි සහවාසය​!

තෙවෙනි සහවාසය ගැන කියන්න නම්, දෙවෙනි සහවාසය ගැනත් සටහනක් තියන්නම වෙනවා, වැදගත් නොවුනත්, අදාල පෙර කතාව​ සිහිනයටම සීමා වූ​ සිහින සිත්තම හා මෙම පරිච්චේදය​​​​ සම්භන්ද වන්නේ නැති වෙයි. කතා පෙලක් හැටියට මට මෙය අරගෙන යන්න සිදුවන්නේද​ මෙහි කතා නායිකා 'වෙද හාමිනේ' හා සම්භන්ද මගේ ජීවිතේ සිදුවෙන ඕනෑම වෙනස්කමක් පාටක​ ඔබ හා බෙදා ගන්නා බවට ආදල ප්‍රතම කතාව​  වෙද ඇස් දෙකකට පෙම් බැඳී ඒකපාර්ශ්වික​ ප්‍රේමය ​ තුලින් මා පොරොන්දු වූ නිසයි. මගේ ප්‍රතම හමුවීමේ දී  35ක්ව​ සිටි වෙද හාමිනේ අද වයස 38 පසු වන්නීය​.

දෙදහස් දාසයේ ජනවාරි අට මගේ සිහින මාලිගා බිඳ දමමින් නැවතත් මට හමුවුනු වෙද හාමිනේ සමඟ මගේ වූ දෙවෙනි සහවාසය දීර්ග නොවුනේ, අන්සතු බව පැහැදිලි නිසාද​, එවන් සහවාස තහනම්ද​​, අඤාණවන්තද වන නිසාද, කලකිරීම ඉහ වහා ගිහින් තිබුනු නිසාද​, ​බලාපොරොත්තු තියා ගන්න කිසිවක් ඉතිරිව නැති නිසාද​ , ඈව හිතින් බැහැර කරන්න මට තිබුනු උවමනාව නිසාද​ වැනි කාරනා වෙයි.

Wednesday, August 23, 2017

නිල් තල්මස් අභියෝගය​!


අද ලොව පුරා ආන්දෝලනයට ලක්ව ඇති Blue whale challenge 'නිල් තල්මස් අභියෝගය' හෝ Blue whale game 'නිල් තල්මස් ​තරඟය​' (Синий кит, SINNI KIT) මේ වන විටත් ලොව පුරා තරුණ​ ජීවිත 200 කට ආසන්නව බිලිගෙන හමාරයි. මෙය දැනගන්නට ලැබෙන්නේද​, තවත් අවාසනාවන්ත මරණයක් අසල ඉන්දියාවේ කේරලයෙන් වාර්තා වන නිසාවෙනි.

පසුගිය ජූලි 26  තිරුවනන්දපුරම්හි මනෝජ් සී මානූ නම් 16 හැවිරිදි තරුණයා ගෙදර වහලයේ එල්ලී ගෙල වැල දාගෙන සිය දිවි නසාගෙන ඇත​. ඔහුගේ මව කියා සිටියේ තම පුතු අන්තර්ජාලය හරහා කිසියම් තරඟයක් ක්‍රීඩා කරන බව  තමා දැන සිටියත් මෙතරම් දෙයක් ඔහු සිදු කර ගනීයි කියා කිසිසෙත් නොසිතූ බවයි. වීදුරු කැබැලිවලින් තමාගේ අතේ ඔහු කැටයම් කරගෙන තිබූ දසුන තමා දුටු බවත් ඇය පැවසූවේ හැඬූ කඳුලෙනි. තරඟ අවසානයේ එක්කෝ කෙනෙක් මරුමුවට පත් කල යුතුයි හෝ තම දිවිය නසා ගත යුතුව ඇති  බව තම පුතු කියා තිබුනා තමාට මතක බවත් එම මව වැඩි දුරටත් කියා සිටියාය. අවුරුදු 22ක් වියති සවන්ත් ගෙදර බල්කයේ එල්ලී මිය යාමද සිදුවන්නේ මෙම​ කේරලයේමය​, එයටත් හේතු කාරකයාද මේ නිල් තල්මසාමයි. ඉන්දියාවේ පළමු නිල් තල්මස් සිය දිවි හානිය වාර්තා වන්නේ මුම්බායිහිය. ලොව නන් දෙසින් මෙවන් අවාසනාවන්ත මරණ සිය ගනන් වාර්තා වන්නේ මේ නිල් තල් මස් අභියෝගය හේතුවෙනි.

Wednesday, July 5, 2017

වසංගතය​!

  වසංගතය වනාහි අසහනයකි, වදයකි, බියකි, කනස්සලකි, පොදුවේ එය කාගෙත් අකැමැත්තකි. වසංගතයක් ඇති වූ කල නිදහස් ජීවනයට වැට බැඳෙයි, ජීවන​ රටාව උඩු යටි කුරු වෙයි, සාමාන්‍ය ජීවන ක්‍රමය වෙනස්කර​ ජනයා උත්සාහ ගන්නේ, වසංගතයෙන් ආරක්‍ෂා වීමටයි. එයට විරුද්ධව සටන් කිරීමටයි. වසංගතයේ සුළ මුල සොයා එය උත්පාටනය කරන්න උත්සාහ කරයි. නැවතත් වසංගතයක් ඒම වලකාලීමට වග බලයි හෝ එයට​ උපරිමව​ උත්සාහ දරයි.

කලකට ඉහත​ හදිස්සියකට උපකාරකයක්, අතේ ඇති මුදලට සේවාවක්, සුළු ඉඩ පරිහරණයකින් විශාල ප්‍රයෝජනයක්, හිත මිතුරෙක්, එකට නූපන් සහෝදරයෙක් වී, එය දුප්පතාගේ හිතවතාම විය​. එවක​ එය කාගෙත් සතුටකි, සහනයකි. පොදුවේ එය දුප්පත් පෝසත් කාගෙත් කැමැත්තකි.

Thursday, June 29, 2017

මිරිස් ඇටයක් එහේ කොහොමද​?


    දැනට මා නිරතව ඉන්නේ වාහන වෙළඳාමේ බව පෙර ලිපියක දීත් මා කියල ඇති. ආනයනයේ දී මෙන්ම රට තුල කෙරෙන මිළ දී ගැනීම් හා අලෙවි කිරීම් වල දී විවිදාකාර පුද්ගලයන් අපට මුන ගැහෙනවා. අවසන් පාරිභෝගිකයාට අමතරව​, වාහන වෙළඳ ශේශ්ත්‍රයේම​ නියලී සිටින​ අප මෙන් ලොකු/පොඩි වෙළෙන්දුන්, තැරැව් රුවන් ඒ අතර වෙනවා. මා කියන්න යන මේ පුද්ගලයා පොඩි වෙළෙන්දාද තැරැව් කාරයාද නැත්නම් ලොකු වෙළෙන්දෙක්ද වත්ද කියල හිතන්න​ බැරි අපූරු තාලේ චරිතයක්.


Tuesday, February 21, 2017

මට හිතෙන හැටි ගැන මට හිතුනු හැටි!


   වෘතියෙන් මහජන සෞඛ්‍ය පරීක්‍ෂක වරයෙකු වන සංගි ගුණසේකර බ්ලොග් කරුවෙකු වශයෙන් සිංහල බ්ලොග් ලෝකය තුල තම පළමු පියවර තබා ඇත. බ්ලොග් ලෝකයේ ඉන්න අනෙකුත් බ්ලොග් කරුවන් මෙන්ම සුන්දර මනසක් හිමි චාම් දිවිපෙවතක් ගෙවන සංගි ගුණසේකර ගීත ලෝලියෙකුද වෙයි. සෞඛ්‍ය ක්‍ෂේත්‍රය යමක් හෝ දෙයකින් දිනපතා දැනුවත් විය යුතුද, ජීවිතයේ අපට බැහැර කරන්නම බැරිද​, එකක් වෙයි.  බ්ලොග් අවකාශයේ අප සමඟ සිටින වෛද්‍යවරුන්ගේ අත්දැකීම් එකක් වන අතර සෞඛ්‍ය පරීක්‍ෂක වරයෙකුගේ අත්දැකීම් තව එකකි​. සෞඛ්‍ය සේවයේ කාලයක් නිරත වෙමින් තවමත් ඒ සේවයේම ඉන්න සංගි ගුණසේකරට ඒ ආශ්‍රිත අත්දැකීම් සම්භාරයක් තිබේ.

මොහු ගැන වැඩි විස්තර මා මෙතන නොලියන්නේ, තමා ගැන විස්තාරාත්මක හැඳින්වීමක් කරන්න ලිපියක අවකාෂයක් ඔහුට ඉතිරි කරනු පිනිසයි, එමගින් බ්ලොග් ලෝකයට තම දෙවනු අඩියත් ඔහු තබනු ඇත. එහෙයින් මොහුගේ ජීවිතයේ මොහු විඳී අත්දැකීම් එකින් එක බ්ලොග් අවකාශය තුල ගෙන ඒම කරුණු කොටගෙන මොහුට දිරියක් වෙන ලෙස සහෝදර​ බ්ලොග් කරුවන්ගෙන් අයදී සිටිමි. මොහුගේ බ්ලොගය සාදා ගන්නට උදව් වන ලෙස විශේෂයෙන් 'අටමා'ගෙන් ඉල්ලා සිටිමි.

සංගිගේ 'මට හිතෙන හැටි' බ්ලොගයේ ඔහු අතින් ලියවුනු පළමු ලිපිය මෙසේය​.

Friday, February 10, 2017

සුදු මල් පොකුරක් අතේ තබාගෙන !​




       ලියන්න දෙයක් නෑ, මෙහෙම පෝස්ට් එකක් දාන්න හිතුනා, දැම්මා. 



Sunday, February 5, 2017

සීත උක්‍රේනයේ ​සුමුදු සැඳෑවක්!

''විසිතුන් අවුරුද්දක් පාරමින් හද​ ගැඹුරෙහි මිහිදත්ව තිබඅකුරක් පාසා සත්යට ජීවය දෙන​ උත්සාහමහන්සියෙන් ගොඩ දමා අකුරු කල​ ආදර සිහිවටනය​, මෙසේ ඔබ වෙත​ දිග ඇරෙන්නේමට​  දැනුනු සතුට සොම්නස තුලට ඔබවත් කැන්දං යන්නයිආගන්තුක පරිසරයක් තුල ජාත්‍යන්තරව​ සිදුවූ වූ ප්රේම පුරානයක, සිදුවීම් සියල්ල ඒ අයුරින්ම​ ගොනු කරන්න​ වූ උවමනාව​ නිසා, ලිපියේ දිග පරයමින්, එතුල වූ විවිදවන් රසයන් ඔබට ලැබී, ඒ පරිසරය තුලට ඔබවත් කැන්දං යාවීයි බලාපොරොත්තු වෙමි''

එදා, 1994 ක්රිස්තු වර්ශයේ මාර්තු අට වෙනි දිනයි, අප එදා සිටී පරිසරයට අනූව, එදින​ ''වස්මෝවා මාර්තා'' (මාර්තුවේ අට)යි. එය බව ලත්තන්ගේ දිනයයි, ස්ත්රීන් වර්ණනාවන්ගෙන් නැහැවෙන​, ​ ආවතේව, ඝරු බුහුමන් උපරිමයෙන් ලබන​ ඔවුන්ගේම දිනයයි. එදින​, පුරුෂ පක්ෂය විසින් ඥාතීත්ව, මිත්රත්වයට​ අනුකූලව, කේජු-කැවිලි, මාල-වලළු, මුදු-කරාඹු, ඩෙනිම්-බොටොම්, රෙද්ද-හැට්ට​, සාය-සෙරෙප්පු, සෙන්ට්- පවුඩර්, පුෂ්ප​-කලඹ වැනි තෑගි බෝගද​, හාදු-මෝදු, වැඳුම්-පිදුම්ද, අරව-මේව, සුභම්-පැතුම්ද වැනි ආදර-සංග්රහද​, ලබා දී තම ස්ත්රී පාක්ෂිකයන්ව සතුටු කරන දිනයයි. ​අනෙක් තැන් කෙසේ වෙතත්, බටහිර යුරෝපය​, එසේමත් නැති නම්, මා එදා සිටී උක්රේනයට නම් එය එවන්ම​ දිනයක් විය​.

Sunday, August 21, 2016

මා උන්මත් කල ගී 16

  හැමෝම ගී තෝරන එකේ, මාත් හිතුවා ඉයන්ගේ​ ජීවිතය හා බැඳුණු ගීත සහ පොඩි තරඟයක් මගින් දියත් කල සොඳුරු අභියෝගය බාර ගෙන​ ගී දාසයක් තෝරන්න​. රැල්ලෙන් බැහැර​ ව කල් පසුවී, මා මේ කටයුත්තට ඉදිරිපත් වී ඇත්දෝ කියල මට සිතුනත්, පසු වී හෝ, මගේ සිත ගත් ගීත කිහිපය තෝරන්න මා ඉදිරිපත් උනේ මෙය ම​ගේ හදවතට බොහෝම සමීප අංශයක් වූ නිසයි... 'නිකං ආවාට ගියාටත් බෑනේ, සිංදු තෝරන්න'​... 'හෙඩින් එකේ වචනාර්තයටම වෙන්න එපෑයැ තෝරන සිංදු, 'මෙමරි කැපෑසිටිය​​ මේ ගීත රසනය කල​ කාලේ වගේ උනා නම්, 16ක් නෙමේ 16න් 10ක් තෝරන්න තිබුනා, අද ඇති මෙමරියේ තරමට 16 තෝරගත්ත නම්, ඒකත්​ ලොකු හපන්කමක්'  ද්‍රවිඩ​ ගීතයන් සමූහයක්ද මා දරුණු ලෙස උන්මාද කර ඇති මුත් මා සම්භන්ද වී ඉන්නේ සිංහල බ්ලොග් ලෝකය සමඟම වන බැවින්, මා සිත උන්මත් කල සිංහල ගීත පමනක් තෝරගන්න මෙහිදී මා තීරනය කලා​.

බොහෝ විට තුරුණු විය පැවැතුනු කාල වකවානුවන්ට​ අනූව, එම තෝරා ගැනීම් එකිනෙකාට​ වෙනස්වෙන අතර ඕනෑම කෙනෙක්ගේ සිතේ විශේෂයෙන් රැඳෙන්නේ ඔහු/ඇය තරුණ වියේ දී ශ්‍රවනය කල ගී පදයන්ම වීම සාමාන්‍යයකි. එම සාමාන්‍යයට විරුද්දව,​ සිත්වල ගැඹුරෙහි මිහිදත් වන සදාහරිත ගීතයන්ද අපමනය...ඒවාට කාල වකවානුවන් බල නොපායි...එවන්,​ කාලයන්හි හා අකාලයන්හි මා ශ්‍රවනය කල, 16 සීමාව​ට හසුවී, ​සිතේ පැලපදියම් වූ, ක්‍රමයෙන් මා උන්මත් කල, බොහෝ ආයාසයකින් මා තේරූ සිංහල ගීත කිහිපය​ මෙසේයි.

Friday, July 22, 2016

නෙළුම් ඇට + වරකා + ස්ප්‍රයිට් = විෂ​ද


  අනුරාදපුර​, කහටගස්දිගිලිය​, ඊතල්වැටුනුවැව නම් ගම්මානයේ සිදුවී ඇතැයි කියන අවාසනාවන්ත හා  අනුවේදනීය  සිද්ධියක්  ගැන වාර්තාවකි මේ... වට්සප් හරහා මට ලැබුනු තොරතුරේ ඇත්ත නැත්ත ගැන මට තහවුරුවක් නැති අතර සඳහන් සිද්ධිය සැකවින් මෙසේය​.

ඉහත සඳහන් ගම්මානයේ පදිංචි ගැහැණු ළමයි පස් දෙනෙකුගෙන් සමන්විත පවුලක පියා පිට රටක සේවය කරන අතර මව ළමයි සමඟ එම ගම්මානයේ ජීවත් වෙයි.


සිද්දියට 
සම්බන්ධ  මෙම ළමයි පස් දෙනාගෙන් අත දරුවා හැරෙන්න​ ඉතිරි සතර දෙනා පසුගිය​ 19.07.2016 දින නෙළුම් ඇට හා වරකා අනුභව කිරීමකින් පසු එයින් ඇති වූ බඩ පිපුම මගහරවා ගැනීමට ස්‍ප්‍රයිට් බීම පානය කර ඇති බව වාර්තා වෙයි. ස්ප්‍රයිට් බීම පානය කර සුළු මොහොතකින්, සිද්ධියට සම්බන්ධ දරුවන් සතරදෙනාම සිහිමූර්ඡා වී වැටී ඇති අතර පසුව ගම්වැසියන්ගේ උදව් ඇතිව සියළු දෙනා රෝහලට රැගෙනවිත් භාර කර ඇත​. හුස්ම ගැනීමේ දැඩි අපහසුතාවයකින් පෙළී සිහිසුන් නොමැතිව සිටී ළමයි 4 දෙනා අධි සත්කාර ඒකකයේ සිට​ ප්‍රතිකාර ලබන​ අතර ඒ අතර සිටි අවුරුදු හතක ළමයෙක් අවාසනාවන්ත​ ලෙස​ පසු දිනම රණයට පත් වී ඇතැයිද වාර්තා වෙයි.

Saturday, March 26, 2016

සෙ​zයිනබ් - අබූ අල් ආස්ගේ ආදර අන්දරය​





Wednesday, January 27, 2016

එම්බාම් චූන්!

මට මේ කතාව මතකෙට ආවේ අජිත් කුමාර බ්ලොග් දර්ශකයේ හඳුන්වලා දුන්නු අලුත්ම බ්ලොගයක් වන http://karakoppuwa.blogspot.com/යේ කියවන්න ලැබුනු http://karakoppuwa.blogspot.com/2016/01/blog-post.html ලිපිය නිසායි.


මා මෙතන මේ කතාව කිව්වට මොකද මේකේ සත්‍ය අසත්‍යාවය ගැන නම් තහවරුවක් වෙන්න බෑ.

වැල්ලම්පිටිය හංදියේ 2000 වසරේ මා කරගෙන ගිය ග්‍රොසරියක නිතර පහේ එන යන පාරිභෝගිකයෙක් මට සත්‍යයයිද රහසයිද ලෙස රසකර විස්තර කල​ කතාවකි මේ..........


මා මේ සඳහන් කල වකවානුවට කාලයකට පෙර ඔය කොලොන්නාවේ හිටියා චන්ඩියෙක්, පාතාල නායකයෙක් කිව්වත් වැරදි නෑ. සුදුවට හිටපු මහත්මයකු ලෙසයි ඔහු හැඳින්වෙනු ලැබුවේ. එවක කෙරුනු දේශපාලනික මිනී මැරුම් බොහොමයක් මොහු සිදු කරායිද​, ලලිත් අතුලත් මුදලි ඝාතනය සිදු කලේද මොහු විසින්ම බවටද රාවයක් ඇත​.

Tuesday, January 12, 2016

සිහිනයටම සීමා වූ​ සිහින සිත්තම​​!

අවුරුද්දකින් විතර පසු 2016යේ ජනවාරි 8 වෙනි දින, මා සිත මගෙන් උදුරාගෙන​ තම සන්තකයේ තබාගෙන සිටින​ වෙද හාමිනේ මට​ නැවැතත් හමුවුවාය​​. මා මේ කියන දෙය​ ඒ තරම් විශේශිත​ හෝ මට සතුටක් නොවන කරුණක් වුනත්, මේ පසු සිදුවීම ගැන​ සටහනක් මෙතන තියන්න ඕන වුනේ, මේ වෙද හාමිනේ සම්භන්දයෙන් මතුවට​ ඇති වෙන ඕනෑ යම් කරුණක්, මගේ රචිකයන් සමඟ බෙදා ගන්නා බවට වෙද ඇස් දෙකකට පෙම් බැඳී ඒකපාර්ශික ප්‍රේමය! ලිපියෙන් මා පොරොන්දු වූ නිසයි.

Tuesday, January 5, 2016

මට නොකී කතාව !

 පත්තර පිටුවල ප්‍රධාන ශීර්ශ වූ කාරනාවක් මගේ මතකය අවුරුදු 25ක් ආපස්සට ගෙන​ ගියේය​....ඒ පේරාදෙණිය කැම්පස් එකේ මගේ දෙවෙනි අවුරුද්දයි....

අමතක වෙයිද ඒ සිද්දිය....අම්මෝ....මතක් වෙනකොට, මගේ පපුව දැනුත් ගැහෙනවා....එදා සිදුවුනු දේ පිට කවුරු හරි දැකලා තිබුනා නම්, අපි හතර දෙනාට වෙන්න තිබුනු දේ....

එදා සිද්දිය මගේ මතකයේ නැවතත් මැවී පෙනෙන්න විය​.........

Friday, December 18, 2015

​හොඳ සිහියෙන් කුර්-ආනය දකින ලාංකික සිතිවිල්ලක්!

ප්‍රතිචාරයකින් කියන්න ගිය දෙය දික් වුනු නිසා ලිපියක් වශයෙන් පිලිගන්වන්න සිදුවූ මගේ පැහැදිලි කිරීම,


මටත් ඕනේ වෙලා තියෙන්නේ මේ සංවාදයෙන් ඉවත් වෙන්න​​,..ඒත් ඉදිරිපත් ව ඇති කාරණයට සාධාරනයක් ඉටු නොකර ඉවත් වෙන්න බැහැනේ, බ්ලොගයන් තුල අපේ කර්තව්‍යයත් එකනේ. ඔබ ඉදිරිපත් කල දේ අපැහැදිලි  කියල මම කිව්වේ නෑ, ඔබ ඉදිරිපත් කල දේ සාදකයක් නෙවෙයි කියන එකයි මම​ කිව්වේ.​ කොපමන තේරුම් කලත් ඔබ නොතේරුනු ගානට​ ඒ තැටියම හරව හරව දානවා, ඒක්කෝ සත්‍යය දැනගෙන බබා පාට් (ආආං 'බබා පාට්' ඔබින තැන​) දානවා 

Sunday, December 13, 2015

සූරත්-උල් තව්බා (පශ්චාත්තාපය) චේදය​: 9 පදය​: 5

lankika situwili 

http://corpus.quran.com/translation.jsp?chapter=9&verse=5

 මෙය ඔබ ලබා දුන් කුර්-ආන් පාඪයයි එය ඔබ  //මරාදමන්න ඔවුන් තම ඇදහිල්ලෙන් ඉවත් නොවෙනවානම්, සමාව දෙන්න ඔවුන් ඉස්ලාම් ආගම අදහන්ට පටන්ගත්තොත් //තේරුම් ගෙන ඇති ආකාරයයි, මෙහි දී ඔබ තේරුම් ගෙන සැටිය ගැන මට තර්කයක් නෑ, එය ඒ සැටිමයි. 

*පරිවර්තන සියල්ල සිංහලයට ගැනීම මහන්සිකාරක නිසාත්, අන්තර්ගතය තේරුම් ගැනීමට එක පරිවර්තනයක් වුවද සෑහෙන නිසාත් ලැබුනු පලමු පරිවර්තනය තුලින් සුලු විවරනයක් දෙන්න අපේක්‍ෂා කලා.

Monday, December 7, 2015

සුරා අන්-නිසා ( ස්ත්‍රීය​ ) චේදය​: 4 වක්‍යය​: 24


@Lankika Situwili

*මේ ඔබ ලබා දුන් දෙවන​ කුර්-ආන් වැකියයි එය ඔබ තේරුම් ගත් ආකාරයයි


         http://corpus.quran.com/translation.jsp?chapter=4&verse=24


//මෙහි ඉතිහාසය දැනගත යුතුයි. අත්අඩංගුවට ගත් සතුරු පක්ෂයේ ස්ත්‍රීන් දුෂණය කිරීමට අල්ලා අවසර දී ඇතත් 
මේ කියන යුද්දයේ දී අදාළ ස්ත්‍රීන් සමග ඔවුන්ගේ ස්වාමි පුරුෂයන් සිටි නිසා මේ ගැහැනුන් දුෂණය කිරීම මෙය අනාචාරයේ හැසිරිමක් දැයි 
මොහොමඩ් තුමාගේ සෙබළුන්ට සැකයක් ඇති වී ඇත, මිට පිළිතුර මෙහිදී අල්ලා දෙවියන් ගේ අදහස විඅත්තේ විවාහක ගැහැනුන් දුෂණය 
අනාචාරයක් නමුත් ඔබ අත්අඩංගුවට පත් විවාහක ගැහැනුන් නම් එය කිසිලෙස අනාචාරයක් නොවන බවයි.//

Monday, November 30, 2015

සූරා මුහම්මද් (අදියරය: 47 පදය​: 35)


ඔව් කම්මැලි නම් තමයි, ඒකයි පිළිතුරු දෙන්න තරමක් කල් ගත්තේ.......මට පහසු කරන්න සබැඳියාවන් ලබා දීම ගැන ඔබට ස්තූතියි.


*මේ ඔබ ලබා දුන් පළමු කුර්-ආන් වැකියයි එය ඔබ තේරුම් ගත් ආකාරයයි. 


http://corpus.quran.com/translation.jsp?chapter=47&verse=35

//මෙන්න ඔබේ මුලික ප්‍රශ්නයට පිළිතුර මුස්ලිම් ජාතිකයන් සාමය සදහා ඉදිරිපත් වියයුත්තේ ඔවුන් දුර්වල ස්ථානයක සිටිනවානම් පමණයි ඔවුන් බලවත්නම් 
සාමය උවමනා නොකරයි.//

Monday, August 24, 2015

මා උන්මතයෙක් වූ වගයි!


මා උන්මතයෙක් වූ වගයි


දෙයක් කෙරෙහි ඇති           උන්මාදයයි


අතේ දුරක ඇති                   උන්මාදයයි

මනස විකෘති කරන            උන්මාදයයි

සිතේ පිරී ඇති                    උන්මාදයයි


මා උන්මතයෙක් වූ වගයි



සිත නොපිරුනු නිසා වූ        උන්මාදයයි 

ගත නොවිඳිනින නිසා වූ      උන්මාදයයි

ඇතත් නැතයි යන              උන්මාදයයි

මනස පීඩාකරන                 උන්මාදයයි 


මා උන්මතයෙක් වූ වගයි


සවස් යාමෙදී                       උන්මාදයයි

අඳුර අයා සිටින                   උන්මාදයයි

රැය පහන් වනතුරුත්              උන්මාදයයි

එළිය දුටුවිටත් ඇති              උන්මාදයයි


මා උන්මතයෙක් වූ වගයි



අනුන් දුටු විටත් ඇති            උන්මාදයයි

ඉරිශියාව රජයන​                 උන්මාදයයි

සිත​ කලකිරවන                  උන්මාදයයි

ජීවිතයේ අරුත සොයන        උන්මාදයයි


මා උන්මතයෙක් වූ වගයි


අතේ ඇති     මුත්               උන්මාදයයි

මුකට​ නැති   එය​                උන්මාදයයි

යහන බලා සිටින                උන්මාදයයි

මෙලෝ රහක් නැති             උන්මාදයයි



මා උන්මතයෙක් වූ වගයි



සිත අයාලේ යන                 උන්මාදයයි
ගත දවාලන ඒ                     උන්මාදයයි
මිල මුදල් ඇත මුත්               උන්මාදයයි
කුමන පලක්ද මට එය​           උන්මාදයයි

මා උන්මතයෙක් වූ වගයි

සිතුම් සම නොවූ ඒ               උන්මාදයයි
පැතුම් ඉටු නොවූ ඒ              උන්මාදයයි
ගතින් පෙලෙන වූ ඒ             උන්මාදයයි
දුම් රියේ ​දන්ඩයන් වූ ඒ         උන්මාදයයි
මා උන්මතයෙක් වූ වගයි

මා ගොළුවෙක් කළ ඒ              උන්මාදයයි
මිතුරුට නොකියන​ ඒ               උන්මාදයයි
සිතින් කතුවෙක් කළ  මා           උන්මාදයයි
සිහින් කවියෙක් කළ                 උන්මාදයයි

Sunday, July 19, 2015

ගින්න! බුරු බුරු ගා නගින රාජ...රාජ.. ගින්න!

ගින්නක් නැතිව දුමක් නගින්නේ නැති වගට කියමනක් ඇත. ආදී මානවයාගේ පටන් නූතන මිනිසා දක්වාවූ මානවයා තමන්ගේ එදිනෙදා අවශ්‍යතාවන් සපුරාගැනීම සඳහා ගින්න බෙහෙවින්ම උපකාර කරගත්තෝද ගනිමින්ද සිටින්නෝය. ගින්නක් නැති මුලුතැන්ගෙයක් නැති අතර කන්න කෑමක්ද නැත. එවිට ඇතිවන්නේද ගින්නකි. ඒ බඩගින්නයි. කර්මාන්තශාලාවල නිෂ්පාදන ක්‍රියාවලියේ දී ගින්න භාවිතා කරයි.  මෙකී නොකී බොහෝ දේට ගින්න අත්‍යවශ්‍යවෙයි.

Sunday, June 21, 2015

කර්තේලිස්ගේ කරෙත්තෙට කාලයක් !





  උදේම ලැහැස්තිවී අම්මා වක්කර දුන් කහට කෝප්පය එක උගුරට බී අල්ලේ ඉතිරිවී තිබුනු සීනි ටිකත් කටේ දාගෙන හනි හනිකට මී දෙන්නා දක්කාගෙන අහල ගමේ සිරාගේ කුම්බුරට යන්න ලැහැස්ති වූ තම පුතාට කරතේලිස් කතා කලේ යමක් කියන්නටයි. 'උම්බ තව කී දෝහකට​ ඔය ලැබෙන සොච්චමට අනුන්ගේ කුම්බුරු මත්තේ නහින්න යනවද?  ආයේ මොනව කරන්නද? පෙරලා ප්‍රශ්නයකින්ම සුමනේරිස් පිළිතුරු දුන්නේය. ඔය ප්‍රශ්නය සුමනේරිස්ට අලුතක් නොවූයේ, කර්තේලිස් ඔයවගේ කතා නිතර දෙවේලේ කියවන නිසාය. 'උම්බ ඔය එක එකාගේ කුඹුරු මත්තේ මී නාම්බො දක්කන එක නතර කොරලා මං කියන දේ අහල වැඩ කරපන්' කර්තේලිස් ඔහොම කීවේ තම පුතා අනුන්ගේ කුඹුරුවල සී සාන්න යන එක​ තමාට වන මදිකමක් ලෙස සිතූ නිසයි. 

Sunday, May 31, 2015

සමලිංග සේවනය ! Homosexuality !



    මා මේ ලිපිය තුලින් කතා කරන්න අදහස් කරන්නේ සමලිංගික සේවනය ගැනයි. ලෝකයා මෙය පිළිගැනීම​ හරිද වැරදිද​ බව​ තර්ක​ කරන්න හෝ මේ පිළිබඳව මා දැනමුත්තෙකු කියන්න හෝ නොව මා මෙයින් උත්සාහ කරන්නේ. මේ පිළිබඳව මට දැනුනු දේ  ඔබ ඉදිරියේ තැබීමයි මගේ අරමුන​. මේ කාරනාව, ලෝකයේ අදටත් විසඳුමක් නැති ප්‍රශ්නයක් බව මා පෙන්වා සිටින අතර​ මගේ අනිකුත් කෙටි කතා, ලිපි මෙන්ම මෙයද මනසාශ්‍රිත කාරනාවක් බව කියන්නයි උත්සාහ කරන්නේ.